ຂປລ
ນັບແຕ່ງມະຫະກໍາກິລາຊີເກມຄັ້ງທີ 32 ໄດ້ເລີ່ມເປີດສາກຂຶ້ນຢ່າງເປັນທາງການນັບແຕ່ວັນທີ 5 ພຶດສະພາ ແລະ ຈະອັດລົງໃນ ວັນທີ 17 ພຶດສະພາ 2023 ນີ້ ເຊິ່ງຊີເກມຄັ້ງນີ້ ທັບນັກກິລາ ລາວໄດ້ສົ່ງນັກກິລາເຂົ້າຮ່ວມຊີງໄຊໃນ 31 ລາຍການ ແລະ ມີຈໍາ ນວນນັກກິລາທັງໝົດ 576 ຄົນ(ຍິງ 131).
ນັບແຕ່ງມະຫະກໍາກິລາຊີເກມຄັ້ງທີ 32 ໄດ້ເລີ່ມເປີດສາກຂຶ້ນຢ່າງເປັນທາງການນັບແຕ່ວັນທີ 5 ພຶດສະພາ ແລະ ຈະອັດລົງໃນວັນທີ 17 ພຶດສະພາ 2023 ນີ້ ເຊິ່ງຊີເກມຄັ້ງນີ້ ທັບນັກກິລາ ລາວໄດ້ສົ່ງນັກກິລາເຂົ້າຮ່ວມຊີງໄຊໃນ 31 ລາຍການ ແລະ ມີຈໍານວນນັກກິລາ ທັງໝົດ 576 ຄົນ
(ຍິງ 131). ໃນນັ້ນ, ປະເພດກິລາທີ່ກຸ້ມຕົນເອງດ້ານງົບປະມານ ປະກອບມີ 12 ປະເພດ ຄື: ບານເຕະຍິງ-ຊາຍ, ດອກປີກໄກ່, ບານສົ່ງຫາດຊາຍ, ກັອຟ, ອີ-ສະປອດ, ຍິງປືນ, ປິ່ງປ່ອງ, ກິລາຜ່ານສິ່ງກີດຂວາງ, ຊັອຟເທັນນິດ, ຈູຢິດຊູ, ບານບ້ວງ ແລະ ຟັນດາບ. ສ່ວນປະເພດກິລາ ທີ່ນຳໃຊ້ງົບ ປະມານຂອງລັດຖະບານ ປະກອບມີ 19 ປະເພດ ຄື: ເປຕັງ, ບິນລຽດ, ຄິກບັອກຊິ້ງ, ວູຊູ, ລົດ ຖີບ, ເທຄວັນໂດ, ມວຍສາກົນ, ກະຕໍ້, ປັນຈັກສີລັດ, ຄາຣາເຕໂດ, ຢູໂດ, ມວຍປໍ້າ, ແລ່ນ-ລານ, ຍົກນໍ້າໜັກ, ໂວວີນາມ, ລອຍນໍ້າ, ຄຸນ ບົກກະຕໍ, ຄຸນ ຄະແມ ແລະ ເທັນນິດ, ຊຶ່ງນຳໃຊ້ງົບປະ ມານທັງໝົດ 14 ຕື້ກີບ.
ມາຮອດວັນທີ 14 ພຶດສະພາ 2023 ຜົນງານຂອງທັບນັກກິລາລາວ ແມ່ນຢູ່ໃນອັນດັບທີ 9 ຂອງຕາຕະລາງຫລຽນລາງວັນ ຄື: ໄດ້ 6 ຫລຽນຄໍາ, 17 ຫລຽນເງິນ ແລະ 48 ຫລຽນທອງ ລວມ ຫລຽນລາງວັນທັງໝົດ 71 ຫລຽນ. ສະເພາະຫລຽນຄໍາ ໄດ້ຈາກກິລາເປຕັງ 3 ຫລຽນ ແລະ ໄດ້ຈາກກິລາກະຕໍຊິນລອນ, ກິລາໂວວຽນນາມ ແລະ ຄຸນ ບົກກະຕໍ ປະເພດລະຫລຽນ.
ແນວໃດກໍຕາມ, ການເຂົ້າຮ່ວມແຂ່ງຂັນເກມຄັ້ງນີ້, ສປປ ລາວ ຕັ້ງເປົ້າສູ້ຊົນຍາດໃຫ້ໄດ້ຢ່າງໜ້ອຍ 5 ຫລຽນຄຳ. ຂະນະດຽວກັນ, ລັດຖະບານໄດ້ມີນະໂຍບາຍຊຸກຍູ້ ໃຫ້ນັກກິລາທີ່ມີຜົນງານເດັ່ນ ສາມາດຍາດໄດ້ຫລຽນຄຳ ຈະໄດ້ເງິນ 10 ລ້ານກີບ, ຫລຽນເງິນ 7 ລ້ານກີບ ແລະ ຫລຽນທອງ 4 ລ້ານກີບ.
ໂດຍ:ສຸພາສະຫວັນ
KPL
