ຂປລ
ຂປລ. ການແຂ່ງຂັນກິລາຢູໂດ ໃນຊຽງຂວາງເກມ 2022 ທີ່ຈັດຂຶ້ນ ໃນລະຫວ່າງວັນທີ 16-19 ທັນວາ 2022 ຢູ່ສະໂມສອນໂຮງຮຽນ ມສ ພອນສະຫວັນ ເມືອງແປກ ແຂວງຊຽງຂວາງ ຜ່ານການແຂ່ງຂັນ ແຂວງຊຽງຂວາງ ແລະ ກະຊວງປ້ອງກັນປະເທດ ສ້າງຜົນງານໄດ້ດີ ທັງນັກກິລາຍິງ ແລະ ຊາຍ ສາມາດຍາດໄດ້ 4 ຫລຽນຄຳ ຈັດຢູ່ໃນອັນດັບ 1
ຂປລ. ການແຂ່ງຂັນກິລາຢູໂດ ໃນຊຽງຂວາງເກມ 2022 ທີ່ຈັດຂຶ້ນ ໃນລະຫວ່າງວັນທີ 16-19 ທັນວາ 2022 ຢູ່ສະໂມສອນໂຮງຮຽນ ມສ ພອນສະຫວັນ ເມືອງແປກ ແຂວງຊຽງຂວາງ ຜ່ານການແຂ່ງຂັນ ແຂວງຊຽງຂວາງ ແລະ ກະຊວງປ້ອງກັນປະເທດ ສ້າງຜົນງານໄດ້ດີ ທັງນັກກິລາຍິງ ແລະ ຊາຍ ສາມາດຍາດໄດ້ 4 ຫລຽນຄຳ ຈັດຢູ່ໃນອັນດັບ 1 ແລະ 2 ຂອງຕາຕະລາງການແຂ່ງຂັນ, ເຊິ່ງແຂວງຊຽງຂວາງ ເຈົ້າພາບ ອັນດັບ 1, ສາມາດຍາດໄດ້ 4 ຫລຽນຄຳ, 6 ຫລຽນເງິນ, 7 ຫລຽນທອງ; ກະຊວງປ້ອງກັນປະເທດ ອັນດັບ 2, ຍາດໄດ້ 4 ຫລຽນຄຳ, 2 ຫລຽນເງິນ, 3 ຫລຽນທອງ; ແຂວງຄໍາມ່ວນ ອັນດັບ 3, ໄດ້ 3 ຫລຽນຄຳ, 2 ຫລຽນເງິນ, 4 ຫລຽນທອງ; ແຂວງອັດຕະປື ອັນດັບ 4, ໄດ້ 3 ຫລຽນຄຳ, 2 ຫລຽນເງິນ, 1 ຫລຽນທອງ; ສະຫວັນນະເຂດ ອັນດັບ 5, ໄດ້ 2 ຫລຽນຄຳ, 4 ຫລຽນເງິນ, 5 ຫລຽນທອງ, ນະຄອນຫລວງວຽງຈັນ ອັນດັບ 6, ໄດ້ 2 ຫລຽນຄຳ, 3 ຫລຽນເງິນ, 7 ຫລຽນທອງ ແລະ ແຂວງວຽງຈັນ ອັນດັບ 7 ຍາດໄດ້ 1 ຫລຽນຄຳ, 4 ຫລຽນທອງ.
ການແຂ່ງຂັນກິລາຢູໂດ ໃນຊຽງຂວາງເກມ 2022, ມີການແຂ່ງຂັນທັງໝົດ 2 ປະເພດ ຄື: ປະ ເພດຟ້ອນກະຕະ (ຊາຍ-ຍິງ), ຊີງຫລຽນຄໍາ 2 ລາຍການ ແລະ ປະເພດຕໍ່ສູ້ ຊີງຫລຽນຄໍາ 17 ຫລຽນ, ປະກອບມີ 17 ຮຸ່ນນ້ຳໜັກ, ມີນັກກິລາເຂົ້າຮ່ວມທັງໝົດ 65 ຄົນ, ຍິງ 23 ຄົນ. ໃນນັ້ນ, ມາຈາກ 7 ພາກສ່ວນຄື: ແຂວງຄໍາມ່ວນ, ສະຫວັນນະເຂດ, ຊຽງຂວາງ, ນະຄອນຫລວງວຽງຈັນ, ວຽງຈັນ, ອັດຕະປື ແລະ ກະຊວງປ້ອງກັນປະເທດ.
ຂ່າວ: ທະນູທອງ
ພາບ: ອ່າຍຄຳ
KPL
