ກອງປະຊຸມວິຊາການ ຂອບຮ່ວມມືດ້ານການ ທ່ອງທ່ຽວປະເທດອະນຸພາກພື້ນແມ່ນໍ້າຂອງ ຄັ້ງທີ 50

13/10/2022 10:28
Email Print 3759
ຂປລ ຂປລ. ກອງປະຊຸມລະດັບວິຊາການ ໃນຂອບຮ່ວມມື ດ້ານການທ່ອງທ່ຽວ ປະເທດອະນຸພາກພື້ນແມ່ນໍ້າຂອງ ຄັ້ງທີ 50 ຈັດຂຶ້ນໃນວັນທີ 10-11 ຕຸລາ 2022 ທີ່ ແຂວງກວາງນາມ, ສສ ຫວຽດນາມ ພາຍໃຕ້ການເປັນປະທານ ຂອງຮ່ວມຂອງທ່ານ ​ເຈີ​ນຟູເກືອງ ຫົວໜ້າກົມຮ່ວມມືສາກົນ, ທະບວງທ່ອງທ່ຽວ ສສ ຫວຽດນາມ, ທ່ານ ສະຕີເວັນ ຊີປານີ ຜູ້ຮັບຜິດຊອບວຽກງານການທ່ອງທ່ຽວ, ທະນາຄານພັດທະນາອາຊີປະຈໍາ ສປປ ລາວ

ຂປລ. ກອງປະຊຸມລະດັບວິຊາການ ໃນຂອບຮ່ວມມື ດ້ານການທ່ອງທ່ຽວ ປະເທດອະນຸພາກພື້ນແມ່ນໍ້າຂອງ ຄັ້ງທີ 50 ຈັດຂຶ້ນໃນວັນທີ 10-11 ຕຸລາ 2022 ທີ່ ແຂວງກວາງນາມ, ສສ ຫວຽດນາມ ພາຍໃຕ້ການເປັນປະທານ ຂອງຮ່ວມຂອງທ່ານ ​ເຈີ​ນຟູເກືອງ ຫົວໜ້າກົມຮ່ວມມືສາກົນ, ທະບວງທ່ອງທ່ຽວ ສສ ຫວຽດນາມ, ທ່ານ ສະຕີເວັນ ຊີປານີ ຜູ້ຮັບຜິດຊອບວຽກງານການທ່ອງທ່ຽວ, ທະນາຄານພັດທະນາອາຊີປະຈໍາ ສປປ ລາວ ແລະ ທ່ານ ນາງ ສຸວິມົນ ທະນະກຣິດ ຫົວໜ້າຫ້ອງການປະສານງານ ດ້ານການທ່ອງທ່ຽວ ອະນຸພາກພື້ນແມ່ນໍ້າຂອງປະຈຳ ບາງກອກ ປະເທດໄທ (MTCO) ມີຜູ້ແທນເຂົ້າຮ່ວມຈາກ ປະເທດກໍາປູເຈຍ, ສປ ຈີນ, ສປປ ລາວ, ມຽນມາ, ໄທ, ຫວຽດນາມ ແລະ ຜູ້ຕ່າງໜ້າຈາກ ທະນາຄານພັດທະນາອາຊີີ (ADB), ສູນອາຊຽນ-ຢີ່ປຸ່ນ ແລະ ສະມາຄົມການທ່ອງທ່ຽວ ອາຊີ-ປາຊີຟິກ (PATA).

ກອງປະຊຸມ ໄດ້ຕີລາຄາສູງ ຜົນສຳເລັດເບື້ອງຕົ້ນ ໃນການຈັດຕັ້ງປະຕິບັດ ແຜນຍຸດທະສາດ ການຮ່ວມມືດ້ານການທ່ອງທ່ຽວ ໃນອະນຸພາກພື້ນແມ່ນໍ້າຂອງ 2016-2025, ແຜນການຟື້ນຟູການທ່ອງທ່ຽວ ພາຍຫລັງການແພ່ລະບາດຂອງ ພະຍາດໂຄວິດ-19, ນະໂຍບາຍການປະເທດ ຕ້ອນຮັບນັກທ່ອງທ່ຽວຄືນໃໝ່, ການຈັດກິດຈະກຳ ການທ່ອງທ່ຽວຮ່ວມກັນ. ໃນໄລຍະ 8 ເດືອນປີ 2022 ມີນັກທ່ອງທ່ຽວສາກົນ ມາທ່ຽວໃນປະເທດ ອະນຸພາກພື້ນແມ່ນໍ້າຂອງ ແມ່ນ 6.131.437 ເທື່ອຄົນ. ເພື່ອເປັນການຮອງຮັບ ນັກທ່ອງທ່ຽວສາກົນ ຈະເພີ່ມຂຶ້ນໃນຕໍ່ໜ້າ, ກອງປະຊຸມຄັ້ງນີ້ ຍັງໄດ້ສຸ່ມໃສ່ແຜນປະຕິບັດງານຄື: ເພີ່ມທະວີການຮ່ວມມືພາຍໃນ, ສືບຕໍ່ຈັດຕັ້ງປະຕິບັດ ແຜນຍຸດທະສາດ ການທ່ອງທ່ຽວ 2016-2025, ສ້າງຜະລິດຕະພັນ ການທ່ອງທ່ຽວ ໃຫ້ມີຄວາມຫລາກຫລາຍ, ປັບປຸງພື້ນຖານໂຄງລ່າງ ດ້ານການທ່ອງທ່ຽວ ແລະ ຄຸນນະພາບການບໍລິການ, ປັບປຸງເວັບໄຊ ການທ່ອງທ່ຽວຄືນໃໝ່ ແນໃສ່ເຮັດໃຫ້ການໂຄສະນາ ຜະລິດຕະພັນການທ່ອງທ່ຽວ ໃຫ້ເຂົ້າເຖິງນັກທ່ອງທ່ຽວ ແລະ ສາມາດແຂ່ງຂັນ ກັບຕະຫລາດໃນພາກພື້ນ ແລະ ສາກົນ. ພ້ອມກັນນັ້ນ ຍັງຈະສຸມໃສ່ໃນບັນດາ ແຜນປະຕິບັດງານການທ່ອງທ່ຽວ ທີ່ມີສ່ວນຮ່ວມຂອງພາກລັດ, ຜູ້ປະກອບການທຸລະກິດ ແລະ ຊຸມຊົນ ເພື່ອຮັບປະກັນວຽກງານ ການທ່ອງທ່ຽວ ຮັບປະກັນທາງດ້ານສຸຂະພາບ, ຄວາມປອດໄພ ແລະ ມີຄວາມຍືນຍົງ. ກອງປະຊຸມຍັງໄດ້ສະເໜີ ໃຫ້ປະເທດສະມາຊິກ ສືບຕໍ່ເພີ່ມທະວີ ການຮ່ວມມືແລກປ່ຽນ ຂໍ້ມູນເຊິ່ງກັນ ແລະ ກັນ, ສົ່ງເສີມກິດຈະກຳ ການທ່ອງທ່ຽວ ທີມີລັກສະນະເຊືອມຈອດ, ສ້າງລາຍການທ່ອງທ່ຽວ ໃຫ້ມີຄວາມຫລາກຫລາຍ.

ໃນຕົ້ນປີ 2022 ລັດຖະບານ ລາວ ໄດ້ມີນະໂຍບາຍ ເປີດການທ່ອງທ່ຽວ ໃນຮູບແບບເຂດການທ່ອງທ່ຽວສີຂຽວ ເຊິ່ງໄດ້ດຳເນີນຮັບນັກທ່ອງທ່ຽວ ໂດຍໃຫ້ມີການບໍລິການ ຂອງບໍລິສັດທ່ອງທ່ຽວລາວ ແລະ ໃນເດືອນ ພຶດສະພາ 2022 ລັດຖະບານໄດ້ປະກາດ ເປີດປະເທດເຕັມຮູບແບບ ຢ່າງເປັນທາງການ, ນັບແຕ່ເດືອນມັງກອນ ຫາ ເດືອນກັນຍາ ປີ 2022 ນັກທ່ອງທ່ຽວສາກົນມາທ່ຽວ ສປປ ລາວ ຈໍານວນ 644.756 ເທື່ອຄົນ.

ໃນວັນທີ 12-13 ຕຸລາ 2022 ຄະນະຜູ້ແທນຝ່າຍລາວ ຍັງໄດ້ເຂົ້າຮ່ວມກອງປະຊຸມ ເວທີສົນທະນາດ້ານການທ່ອງທ່ຽວໃນຫົວຂໍ້ ການພັດທະນາ ແລະ ສົ່ງເສີມການທ່ອງທ່ຽວ ໃຫ້ກັບສູ່ສະພາບປົກກະຕິ. ເວທີດັ່ງກ່າວ ມີຜູ້ແທນ ມາຈາກຂະແໜງ ການທ່ອງທ່ຽວພາກລັດ, ພາກທຸລະກິດ, ຜູ້ຊ່ຽວຊານການທ່ອງທ່ຽວ, ອົງການຈັດຕັ້ງສາກົນ ແລະ ສື່ມວນຊົນສາກົນ ເຂົ້າຮ່ວມຫລາຍກ່ວາ 200 ຄົນ ແລະ ມີຮ້ານວາງສະແດງ ການທ່ອງທ່ຽວ ຂອງອະນຸ ພາກພື້ນແມ່ນໍ້າ ຈຳນວນ 16 ຮ້ານ.

ການເຂົ້າຮ່ວມຄັ້ງນີ້, ຄະນະຜູ້ແທນວິຊາການລາວປະກອບມີ ທ່ານ ຄົມ ດວງຈັນທາ ຫົວໜ້າກົມໂຄສະນາການທ່ອງທ່ຽວ, ທ່ານ ນາງ ພອນມະລີ ອິນທະພົມ ຫົວໜ້າກົມພັດທະນາ ການທ່ອງທ່ຽວ, ທ່ານ ສູນ ມະນີວົງ ຫົວໜ້າໂຄງການພັດທະນາ ພື້ນຖານໂຄງລາງ ເພື່ອສົ່ງເສີມການທ່ອງທ່ຽວ ໄລຍະ 2, ຜູ້ຕ່າງໜ້າຈາກ ສະຖານທູດລາວ ປະຈຳ ສສ ຫວຽດນາມ, ຜູ້ປະກອບການທຸລະກິດ ການທ່ອງທ່ຽວລາວ, ໂຮງແຮມ, ໂຄງການ Sus Tour ຂອງສະພາການຄ້າ ແລະ ອຸດສາຫະກໍາແຫ່ງຊາດລາວ ແລະ ສື່ມວນຊົນລາວເຂົ້າຮ່ວມ.

 ເວທີດັ່ງກ່າວ ເປັນເຫດການໜຶ່ງທີ່ສໍາຄັນ, ພາຍຫລັງທີ່ປະເທດ ສະມາຊິກອະນຸພາກພື້ນ ແມ່ນໍ້າຂອງ ໄດ້ເປີດປະເທດຕ້ອນຮັບ ນັກທ່ອງທ່ຽວ ແລະ ເປັນໂອກາດທີ່ດີສຳລັບ ສປປ ລາວ ໄດ້ນຳສະເໜີນະໂຍບາຍ ຂອງລັດຖະບານ ສົ່ງເສີມການທ່ອງທ່ຽວລາວ, ແຜນການຟື້ນຟູ ການທ່ອງທ່ຽວ 2021-2025, ນະໂຍບາຍການເປີດປະເທດ ແບບເຕັມຮູບແບບ, ນຳສະເໜີ ແລະ ໂຄສະນາຜະລິດຕະພັນການທ່ອງທ່ຽວ ໃນເວທີວາງສະແດງ, ທັງເປັນສ້າງໂອກາດ ໃຫ້ບັນດາທຸລະກິດ ການທ່ອງທ່ຽວລາວ ໄດ້ພົບປະແລກປ່ຽນ, ຊື້-ຂາຍ ລາຍການນຳທ່ຽວ ກັບບັນດາບໍລິສັດ ທ່ອງທ່ຽວສາກົນ ແລະ ທັງໄດ້ເຊີນຊວນ ນັກທ່ອງທ່ຽວສາກົນໄປທ່ຽວ ສປປ ລາວ. 

KPL

ຂ່າວອື່ນໆ

    • ສວນວັດທະນະທໍາຊຽງຄວນ ປະກອບສ່ວນ ພັດທະນາປະເທດຊາດ ດ້ານການດຶງດູດນັກທ່ອງທ່ຽວທ່ອງທ່ຽວ

      ສວນວັດທະນະທໍາຊຽງຄວນ ປະກອບສ່ວນ ພັດທະນາປະເທດຊາດ ດ້ານການດຶງດູດນັກທ່ອງທ່ຽວ

      11/29/2022 10:15:10 AM

      ຂປລ. ສວນວັດທະນະທໍາຊຽງຄວນ ເປັນສະຖານທີ່ທ່ອງທ່ຽວ ທາງດ້ານວັດທະນະທໍາ ທີ່ມີເອກະລັກພິເສດ ແລະ ແຕກຕ່າງຈາກສະຖານທີ່ ທ່ອງທ່ຽວອື່ນໆ ເຊັ່ນ: ພະພຸດທະຮູບປາງຕ່າງໆ ທີ່ມີຄວາມເກົ່າແກ່ ເປັນຈຳນວນຫລາຍ, ມີທັງພະພຸດທະຮູບນ້ອຍ ແລະ ໃຫຍ່, ມີຮູບປັ້ນຈຳລອງກ່ຽວກັບນະຣົກ, ສະຫວັນ ທີ່ເປັນເອກະລັກ

    •  ສະເໜ່ຂອງຂຸນນ້ຳກອງແລງທ່ອງທ່ຽວ

      ສະເໜ່ຂອງຂຸນນ້ຳກອງແລງ

      10/20/2022 10:41:09 AM

      * ແຂວງຄຳມ່ວນ ປະຕູ່ສູ່ພາກໃຕ້ຂອງ ສປປ ລາວ ເຊິ່ງມັນບໍ່ພຽງຂຶ້ນຊື່ລືນາມ ດິນແດນປະຫວັດສາດ ວິລະຊົນກັບຕົ້ນກໍາເນີດ “ລໍາພະຫຍາມະຫາໄຊ ກິນຊຸບໜໍ່ໄມ້ ແກງໄກ່ໃສ່ສານ ນະມັດສະການ ພະທາດສີໂຄດຕະບອງ ເປັນເຈົ້າຂອງ ເຂົ້າໜົມປ່ານ ປະສານປວງປະຊາ ເລັ່ງພັດທະນາ ຊ່ວຍໃຫ້ປະຊາມີສຸກ”

    • ນ້ຳຕົກຕາດຮຳສູງ 30 ແມັດໃນເມືອງຊ້າງແຫລ່ງທ່ອງທ່ຽວຄວນໄປສໍາຜັດທ່ອງທ່ຽວ

      ນ້ຳຕົກຕາດຮຳສູງ 30 ແມັດໃນເມືອງຊ້າງແຫລ່ງທ່ອງທ່ຽວຄວນໄປສໍາຜັດ

      9/15/2022 2:12:16 PM

      ນ້ຳຕົກຕາດຮຳ ຕັ້ງຢູ່ເຂດບ້ານເມືອງຮຳ ເມືອງບໍ່ແຕນ ແຂວງໄຊຍະບູລີ, ຫ່າງຈາກເທສະບານເມືອງບໍ່ແຕນ ປະມານ 5 ກິໂລແມັດ ເຊິ່ງເປັນນ້ຳຕົກຕາດ ທີ່ມີຄວາມສູງປະມານ 30 ແມັດ ເລິກ 15 ແມັດ ແລະ ກວ້າງ 30 ແມັດ ໂດຍເກີດຈາກຕົ້ນນ້ຳທໍາມະຊາດ ໄຫລຕະຫລອດປີ.

    • ສັບປະດາການທ່ອງທ່ຽວ ແລະ ວັດທະນະທໍາຈີນ 2022ທ່ອງທ່ຽວ

      ສັບປະດາການທ່ອງທ່ຽວ ແລະ ວັດທະນະທໍາຈີນ 2022

      9/5/2022 5:32:56 PM

      ຂປລ. ເມື່ອບໍ່ດົນມານີ້, ສູນວັດທະນະທໍາຈີນ ປະຈຳລາວ ໄດ້ຈັດກິດຈະກໍາ “ສັບປະດາການທ່ອງ ທ່ຽວ ແລະ ວັດທະນະທໍາຈີນ” ປະຈໍາປີ 2022 ໃນຮູບແບບ live ສົດ ຜ່ານເຟສບຸກຂອງ ສູນວັດທະນະທໍາຈີນ ປະຈຳ ລາວ ເຊິ່ງມີການນໍາສະເໜີວິດີໂອ ຈີນເໜືອຈິນຕະນາການ ພາບລວມຂອງອະລິຍາທໍາຈີນ ທີ່ມີປະຫວັດຍາວນານເຖິງ 5.000 ປີ

    • “ ຕາດແຝກ” ເກີດຈາກນໍ້າກັດເຊາະໂງ່ນຫີນທ່ອງທ່ຽວ

      “ ຕາດແຝກ” ເກີດຈາກນໍ້າກັດເຊາະໂງ່ນຫີນ

      8/23/2022 2:22:41 PM

      *ເຊນ້ຳນ້ອຍຂຶ້ນຊື່ ແຫລ່ງຊັບ ພະຍາກອນປ່າໄມ້ອັນອຸດົມສົມບູນ ທີ່ເຕັມໄປດ້ວຍສັດສາວາສິ່ງ, ຊີວະນາໆພັນ ແລະ ແຫລ່ງອາຫານ ປະເພດເຄື່ອງປ່າຂອງດົງ ຢ່າງຫລວງຫລາຍ ທີ່ໜ້າສົນໃຈ ຍ້ອນແນວນັ້ນ ເຊນໍ້ານ້ອຍ ບໍ່ເປັນພຽງ ຄວາມອຸດົມສົມບູນ ຄື ດັ່ງຫລາຍທ່ານກ່າວອ້າງ ເທົ່ານັ້ນຫາກທໍາມະຊາດ ແລະ ສາຍນໍ້າ ນ້ອຍ-ໃຫຍ່ ໄດ້ກັດເຊາະຜາລານ ຫີນ ແລະ ໂງ່ນຫີນ ທີ່ມີຢູ່ມາແຕ່ດຶກດໍາບັນ ຈົນເປັນແຫລ່ງ ທ່ອງທ່ຽວ ທີ່ໜ້າມະຫັດສະຈັນຄືດັ່ງ “ຕາດແຝກ” .

ads
ads

Top