ຄູຄືຜູ້ໃຫ້ ຜູ້ເສຍສະລະ ເພື່ອສ້າງຊັບພະຍາກອນມະນຸດ

03/10/2022 15:28
Email Print 164
ຂປລ ໃນໂອກາດວັນຄູແຫ່ງຊາດ ທີ່ຈະໝູນວຽນມາຄົບຮອບ 28 ປີ (ວັນທີ 7 ຕຸລາ 1994 - ວັນທີ 7 ຕຸລາ 2022), ຕົນເອງ (ຜູ້ຂຽນ) ຂໍສະແດງຄວາມຮູ້ບຸນຄຸນ ຕໍ່ຄູທຸກໆທ່ານ ທີ່ໄດ້ເສຍສະລະຕົນເອງ ໃນການປະກອບສ່ວນ ສ້າງຊັບພະ ຍາກອນມະນຸດ ໃຫ້ມີຄວາມຮູ້, ຄວາມສາມາດ ສົມແລ້ວທີ່ຄູ ໄດ້ຮັບສົມຍານາມວ່າ ເປັນແມ່ ພິມ ຂອງຊາດ.



(ເນື່ອງໃນວັນຄູແຫ່ງຊາດ ວັນທີ 7 ຕຸລາ ຄົບຮອບ 28 ປີ)


ໃນໂອກາດວັນຄູແຫ່ງຊາດ ທີ່ຈະໝູນວຽນມາຄົບຮອບ 28 ປີ (ວັນທີ 7 ຕຸລາ 1994 - ວັນທີ 7 ຕຸລາ 2022), ຕົນເອງ (ຜູ້ຂຽນ) ຂໍສະແດງຄວາມຮູ້ບຸນຄຸນ ຕໍ່ຄູທຸກໆທ່ານ ທີ່ໄດ້ເສຍສະລະຕົນເອງ ໃນການປະກອບສ່ວນ ສ້າງຊັບພະ ຍາກອນມະນຸດ ໃຫ້ມີຄວາມຮູ້, ຄວາມສາມາດ ສົມແລ້ວທີ່ຄູ ໄດ້ຮັບສົມຍານາມວ່າ ເປັນແມ່ພິມຂອງຊາດ ເພາະບົດບາດຂອງຄູ ໄດ້ຕິດພັນກັບວິວັດທະນາການ ຂອງການພັດທະນາ ປະເທດຊາດ, ຊັບພະຍາກອນມະນຸດ ຈະມີຄວາມຮູ້ຄວາມສາມາດ, ຮັກຮີດຄອງປະເພນີ, ຂະນົບທໍານຽມ, ຮູ້ຈັກການອອກແຮງງານ ລ້ວນແຕ່ແມ່ນຄູ ເປັນຜູ້ຖ່າຍຄວາມຮູ້ ແລະ ປະສົບການໃຫ້. ສະນັ້ນ, ເພື່ອຈາລຶກເຖິງບຸນຄູ ມື້ນີ້ ຜູ້ຂຽນຂໍນຳສະເໜີ ບາງຄວາມຮູ້ສຶກ, ຄວາມຄິດເຫັນ ກ່ຽວກັບການພັດທະນາ ລະບົບ ການສຶກສາ ຢູ່ປະເທດເຮົາຈາກສັງຄົມ ໃຫ້ໄດ້ຮັບຮູ້ ແລະ ແລກປ່ຽນນຳກັນ.  





ທ່ານນາງ ວຽງວິໄລ ດວງດາລາ ໄດ້ສະແດງທັດສະນາຂອງຕົນວ່າ: ໃນນາມຜູ້ປົກຄອງ ຄິດວ່າອາຊີບຄູສອນ ບໍ່ແມ່ນເລື່ອງງ່າຍ, ຄູ່ປຽບເໝືອນພໍ່ແມ່ ຜູ້ທີສອງຂອງເດັກ ດັ່ງນັ້ນກ່ອນທີ່ຈະເປັນຄູ ຕ້ອງມີຄວາມມັກຮັກ ພາກພູມໃຈ​ ແລະ ຮັກອາ ຊີບຄູແທ້ໆ, ຮັກເດັກນ້ອຍ ດ້ວຍຄວາມຈິງໃຈແທ້ໆ ແລະ ມີລະບຽບວິໄນ ຈຶ່ງສາມາດເປັນຄູໄດ້. ໃນເມື່ອເປັນຄູແລ້ວ ເຮົາຕ້ອງກໍາຈຸດພິເສດ ຂອງນັກຮຽນແຕ່ລະຄົນໃຫ້ໄດ້ ຈຶ່ງສາມາດຮູ້ວ່າ ເດັກນ້ອຍຜູ້ນີ້ ມີຄວາມສາມາດດ້ານໃດ ເຮົາຈຶ່ງສາມາດ ສົ່ງເສີມ ເຂົາເຈົ້າ. ນອກຈາກນັ້ນ, ກໍປູກຈິດສໍານຶກໃຫ້ແກ່ເຂົາ ມີຄວາມຮູ້ຄວາມສາມາດ ຫລື ວ່າມີຄວາມສາມັກຄີຮັກແພງ ຢູ່ພາຍໃນຫ້ອງກໍຄືໂຮງຮຽນ ຈຶ່ງສ້າງຄວາມສົນໃຈ ໃຫ້ກັບນັກຮຽນ ຢາກສົນໃຈຮຽນນໍາຄູ.





ພ້ອມນີ້, ທ່ານ ສົມພອນ ມອນຈັນດີ ໃຫ້ທັດສະນະວ່າ: ຕາມທັດສະນະຂອງຕົນເອງ ຄໍາວ່າຄູດີເດັ່ນ ສາມາດແຍກອອກ ເປັນສອງດ້ານຄື: ດ້ານດີ ຄູແມ່ນສາມາດປະຕິບັດ ດ້ວຍຕົນເອງ ກໍຄືຄຸນສົມບັດດີ ກິລິຍາມາລະຍາດດີ ຮູ້ຮັກອາຊີບແພງ ເດັກ ມີຈິດໃຈໂອບອ້ອມອາລີ ຕໍ່ນັກຮຽນ, ພ້ອມມີຄວາມສາມັກຄີຮັກແພງ ກັບພະນັກງານ ໃນອົງກອນຂອງຕົນ ແລະ ຄໍາວ່າເດັ່ນແມ່ນສະແດງອອກ ໃນດ້ານຜົນງານ ເປັນຮູບປະທໍາ ກໍຄືຜົນງານທີ່ສາມາດ ສ້າງນັກຮຽນ ໃຫ້ເປັນຄົນເກັ່ງ, ເສັງໄດ້ຕາມ ຄາດໝາຍ ແລະ ໄດ້ຮັບຄວາມຍົກຍ້ອງ ຈາກອົງການຈັດຕັ້ງ, ຈາກຜູ້ປົກຄອງ ແລະ ນ້ອງນັກຮຽນ. ໃນໂອກາດວັນຄູແຫ່ງຊາດ ທີ່ຈະມາເຖິງນີ້, ອວຍພອນໃຫ້ແກ່ຄູທຸກຄົນ ຢູ່ໃນທົ່ວປະເທດລາວ, ບ່ອນທີ່ທຸລະກັນດານ ຫ່າງໄກສອກຫລີກ ຈົ່ງພ້ອມພາ ກັນເອົາໃຈໃສ່ ຕໍ່ລູກ-ຫລານ ໃນການຕັ້ງໃຈ ສຶກສາຮໍ່າຮຽນ ເພາະປັດຈຸບັນນີ້ ເຕັກໂນໂລຊີ ກໍທັນສະໄໝຫລາຍ ຢູ່ເຂດຊົນນະບົດບາງພື້ນທີ່ ກໍສາມາດຮຽນ ທາງອອນລາຍໄດ້ແລ້ວ, ຄູສາມາດຊອກຮູ້ ບົດຮຽນໃໝ່ໆ ເພື່ອນໍາໄປສິດສອນ ນັກຮຽນໃຫ້ມີ ຄວາມຫ້າວຫັນ ໃນການພັດທະນາຕົນເອງຢູ່ສະເໝີ, ຄູທຸກຄົນຈົ່ງມີ ສຸຂະພາບເຂັ້ມແຂງ ເຖິງວ່າຈະມີບັນຫາຫຍຸ້ງຍາກ ກໍຕ້ອງໄດ້ສູ້ຊົນຜ່ານຜ່າໃຫ້ໄດ້ ຮູ້ນຳໃຊ້ຫລາຍຮູບແບບ, ຫລາຍວິທີສອນເຊັ່ນ: ສອນທາງອອນລາຍ, ບໍ່ວ່າຈະເປັນທາງກູໂກມິດ (Google meet), ກູໂກຊູມ (Google zoom) ແລະ ອື່ນໆ ທີ່ຄູແຕ່ລະທ່ານສາມາດ ເລືອກເອົາສິ່ງທີ່ຕົນຖະນັດ ເພື່ອສະດວກ ນໍາໃຊ້ເຂົ້າໃນການສອນ ແລະ ໃຫ້ນັກຮຽນໄດ້ຮຽນເປັນປົກກະຕິ.

ບັນດາທັດສະນະຈາກສັງຄົມລ້ວນແຕ່ເປັນການປະກອບສ່ວນເພື່ອພັດທະນາຄູ ກໍຄືລະບົບການຮຽນ-ການສອນ ຂອງຄູ ໃຫ້ມີຄຸນນະພາບຍິ່ງໆຂຶ້ນ ເພື່ອຕອບສະໜອງ ກັບການພັດທະນາ ປະເທດຊາດໃນໄລຍະໃໝ່. ເຖິງຢ່າງໃດກໍຕາມ ໃນໂອ ກາດວັນຄູແຫ່ງຊາດ ທີ່ໝູນວຽນ ມາບັນຈົບຄົບຮອບ ອີກວາລະໜຶ່ງນີ້ ຂໍອວຍໄຊໃຫ້ພອນຄູທຸກຄົນ ໃນຂອບເຂດທົ່ວປະເທດ ຈົ່ງມີສຸຂະພາບເຂັ້ມແຂງ, ພ້ອມກັນປະຕິບັດໜ້າທີ່ ອັນມີກຽດສະຫງ່າ ດ້ວຍຜົນສຳເລັດຍິ່ງໆຂຶ້ນ.


ໂດຍ: ໄໝຄຳຍ້ອມສິນ

KPL

ຂ່າວອື່ນໆ

    • ຮ່ວມວຽກ ປກຊ-ປກສບົດ-ສາລະຄະດີ

      ຮ່ວມວຽກ ປກຊ-ປກສ

      12/6/2022 4:21:23 PM

      ວັນສະຖາປະນາ ສປປ ລາວ ຄົບຮອບ 47 ປີ ຫາກໍ່ຜ່ານມາ, ບັນຍາກາດແຫ່ງການ ສະເຫລີມສະຫລອງຍັງອຸ່ນໆ, ເຕັມໄປດ້ວຍເນື້ອໃນ ແລະ ຄວາມໝາຍຄວາມສໍາຄັນ ອັນເລິກເຊິ່ງ ທັງຢູ່ສູນກາງ ແລະ ທ້ອງຖິ່ນ. ຜ່ານບັ້ນນັ້ນ ເຫັນ ຕົວຈິງ ແລະ ຮັບຂໍ້ມູນຂ່າວສານ ມາຈາກຫລາຍເຂດແຂວງ, ວຽກງານປ້ອງກັນຊາດ-ປ້ອງກັນຄວາມສະຫງົບ ໃນໄລຍະສ້າງຂະບວນການ ຕ້ອນຮັບວັນສໍາຄັນນີ້ ແມ່ນເຮັດໄດ້ດີ, ລວມທັງຂັ້ນຮາກຖານບ້ານ ແມ່ນເປັນຂະບວນແຂງແຮງ.

    • ພູມໃຈທີ່ມີພັກນຳພາ ປະເທດຊາດນັບມື້ກ້າວສູ່ຄວາມສີວິໄລບົດ-ສາລະຄະດີ

      ພູມໃຈທີ່ມີພັກນຳພາ ປະເທດຊາດນັບມື້ກ້າວສູ່ຄວາມສີວິໄລ

      12/2/2022 11:13:19 AM

      ເນື່ອງໃນໂອກາດວັນຊາດ 2 ທັນວາ ຄົບຮອບ 47 ປີ (2/12/1975-2/12/2022) ຜູ້ຂຽນໄດ້ມີໂອກາດສຳພາດ ຜູ້ຍິງຄົນໜຶ່ງ ທີ່ມີຮູບຮ່າງໜ້າຕາ ເບິ່ງຄືບໍ່ແມ່ນຄົນລາວ ແຕ່ທີ່ຈິງແລ້ວ ມີສາຍເລືອດລາວແທ້ໆ ໄຫລ ວຽນໃນຮ່າງກາຍ ພູມໃຈທີ່ເປັນຄົນລາວ ມີຖິ່ນກໍາເນີດຢູ່ຜືນ ແຜ່ນດິນ ລາວ, ສາຍແຮ່ກໍໄດ້ຝັງຢູ່ ຜືນແຜ່ນດິນແຫ່ງນີ້

    • 47 ປີ ຂະແໜງສຶກສາ-ກິລາ ໄດ້ຮັບການພັດທະນາຢ່າງຕໍ່ເນື່ອງບົດ-ສາລະຄະດີ

      47 ປີ ຂະແໜງສຶກສາ-ກິລາ ໄດ້ຮັບການພັດທະນາຢ່າງຕໍ່ເນື່ອງ

      12/2/2022 11:05:54 AM

      ພາຍໃຕ້ການນຳພາອັນສະຫລອງໃສ່ຂອງພັກປະຊາຊົນ ປະຕິວັດລາວ ເຮັດໃຫ້ປະເທດຊາດໄດ້ຮັບການພັດທະນາເປັນກ້າວໆໃນທຸກດ້າ

    • ພາກພູມໃຈທີ່ປະເທດຊາດໄດ້ຮັບການພັດທະນາຢ່າງບໍ່ຢຸດຢັ້ງບົດ-ສາລະຄະດີ

      ພາກພູມໃຈທີ່ປະເທດຊາດໄດ້ຮັບການພັດທະນາຢ່າງບໍ່ຢຸດຢັ້ງ

      12/2/2022 10:58:38 AM

      ເນື່ອງໃນໂອກາດວັນຊາດທີ 2 ທັນວາ ຄົບຮອບ 47 ປີນີ້, ມວນຊົນທຸກຊັ້ນຄົນ ລ້ວນແຕ່ສະແດງຄວາມ ພາກພູມ \ໃຈ ທີ່ມີພັກປະຊາຊົນ ປະຕິວັດລາວນຳພາ, ບໍ່ວ່າໄລຍະຕໍ່ສູ້ກູ້ຊາດ ແລະ ໄລຍະສ້າງສາ ພັດທະນາປະເທດຊາດ ຈົນມາເຖິງປັດຈຸບັນນີ້,

    •  ເຮັດດ້ວຍໃຈມັກ ອາຊີບໃດກໍປະສົບຜົນສຳເລັດບົດ-ສາລະຄະດີ

      ເຮັດດ້ວຍໃຈມັກ ອາຊີບໃດກໍປະສົບຜົນສຳເລັດ

      11/29/2022 1:33:00 PM

      ການປະກອບອາຊີບໃດກໍຕາມ ນອກຈາກມີຄວາມຮູ້, ຄວາມສາມາດ ແລະ ມີຕົ້ນທຶນຈຳນວນໜຶ່ງແລ້ວ ສິ່ງສຳຄັນແມ່ນຕ້ອງມີ ໃຈມັກຮັກໃນອາຊີບ ແລະ ຮັກໃນການບໍລິການ ກໍສາມາດປະສົບຜົນສຳເລັດໄດ້

ads
ads

Top