ຂປລ
ທະນາຄານກາງ ມຽນມາ ຈະປ່ອຍເງິນ 200 ລ້ານໂດລາ ສະຫະລັດ ເຂົ້າສູ່ຕະຫລາດ ເພື່ອສະກັດກັ້ນ ບໍ່ໃຫ້ ເງິນຈາດ ມຽນມາ ອ່ອນຄ່າລົງ ແລະ ສະກັດກັ້ນ ບໍ່ໃຫ້ລາຄາ ນ້ຳມັນ ເຊື້ອໄຟ ແລະ ລາຄາ ສິນຄ້າ ພື້ນຖານ ເພີ່ມສູງຂຶ້ນ ຢ່າງວ່ອງໄວ.
ຂປລ.ຕາມຂ່າວຈາກ CRI: ຕອນຄ່ຳວັນທີ 31 ສິງຫານີ້, ທະນາຄານກາງ ມຽນມາ ຈະປ່ອຍເງິນ 200 ລ້ານໂດລາ ສະຫະລັດ ເຂົ້າສູ່ຕະຫລາດ ເພື່ອສະກັດກັ້ນ ບໍ່ໃຫ້ ເງິນຈາດ ມຽນມາ ອ່ອນຄ່າລົງ ແລະ ສະກັດກັ້ນ ບໍ່ໃຫ້ລາຄາ ນ້ຳມັນ ເຊື້ອໄຟ ແລະ ລາຄາ ສິນຄ້າ ພື້ນຖານ ເພີ່ມສູງຂຶ້ນ ຢ່າງວ່ອງໄວ.ສະເພາະ ອັດຕາ ແລກປ່ຽນ ລະຫວ່າງ ເງິນຈາດ ມຽນມາ ຕໍ່ເງິນໂດລາ ສະຫະລັດ ໃນວັນທີ 31 ສິງຫານີ້ ໄດ້ຕົກຕ່ຳລົງ ເປັນ 4.300 ຈາດຕໍ່ 1 ໂດລາ ເຊິ່ງໄດ້ສ້າງ ສະຖິຕິ ຕ່ຳສຸດ ໃນປະຫວັດສາດ. ສ່ວນອັດຕາ ແລກປ່ຽນ ທາງການ ຂອງມຽນມາ ຍັງຮັກສາໄວ້ ຢູ່ໃນ ລະດັບ 2.100 ຈາດຕໍ່ 1 ໂດລາ./. (ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ ສະໄຫວ ລາດປາກດີ
KPL
