ຂປລ
ລັດຖະບານ ອິນໂດເນເຊຍ ປະກາດວ່າ: ຈະເບີກເງິນ ຊ່ວຍເຫລືອ 24.170 ຕື້ຣູປີ（ປະມານ 1,6 ຕື້ໂດລາ ສະຫະລັດ）ເຊິ່ງລວມທັງ ແຈກຢາຍ ເງິນສົດ ອຸດໜູນ ໃຫ້ແກ່ ປະຊາຊົນ ເພື່ອຊ່ວຍຮັບມືກັບ ລາຄາ ນໍ້າມັນ ເຊື້ອໄຟແພງ ໃນຕໍ່ໜ້າ.
ຂປລ.ຕາມຂ່າວຈາກ CRI: ເມື່ອບໍ່ດົນມານີ້, ລັດຖະບານ ອິນໂດເນເຊຍ ປະກາດວ່າ: ຈະເບີກເງິນ ຊ່ວຍເຫລືອ 24.170 ຕື້ຣູປີ（ປະມານ 1,6 ຕື້ໂດລາ ສະຫະລັດ）ເຊິ່ງລວມທັງ ແຈກຢາຍ ເງິນສົດ ອຸດໜູນ ໃຫ້ແກ່ ປະຊາຊົນ ເພື່ອຊ່ວຍຮັບມືກັບ ລາຄາ ນໍ້າມັນ ເຊື້ອໄຟແພງ ໃນຕໍ່ໜ້າ. ເນື່ອງຈາກ ລາຄາ ນໍ້າມັນ ເຊື້ອໄຟ ໃນທົ່ວໂລກ ເພີ່ມສູງ ຂຶ້ນ ແລະ ລາຄາ ເງິນຣູປີ ອິນໂດເນເຊຍ ຕົກຕໍ່າລົງ ຢ່າງຕໍ່ເນື່ອງ, ເງິນອຸດໜູນ ດ້ານພະລັງງານ ຂອງອິນໂດເນເຊຍ ໃນປີນີີ້ ຈະສູງກວ່າ ງົບປະມານ ທີ່ວາງອອກ ໃນເມື່ອ ກ່ອນ 2 ເທົ່າ ເຊິ່ງບັນລຸເຖິງ 502.000 ຕື້ຣູປີ ອິນໂດເນເຊຍ ແລະ ກວມເອົາ 16% ຂອງລາຍຈ່າຍ ທັງໝົດ. ກ່ອນໜ້ານີ້, ກະຊວງການເງິນ ອິນໂດເນເຊຍ ໄດ້ເປີດເຜີຍ ໃຫ້ຮູ້ວ່າ: ໂກຕາເງິນອຸດໜູນ ຂອງອິນໂດເນເຊຍ ແມ່ນໃຊ້ຈ່າຍ ເກືອບໝົດແລ້ວ. ຖ້າວ່າ ບໍ່ປັບຂຶ້ນ ລາຄາ ນໍ້າມັນ ເຊື້ອໄຟ, ປີນີ້ ອິນໂດເນເຊຍ ຈະຕ້ອງເບີກ ງົບປະມານ ຫລາຍກວ່າເກົ່າ ເພື່ອໃຊ້ຈ່າຍ ເຂົ້າໃນການ ອຸດໜູນ. ສຳລັບ ໃນເດືອນກໍລະກົດນີ້, ອັດຕາເງິນເຟີ້ ຂອງອິນໂດເນເຊຍ ໄດ້ບັນລຸ ເຖິງ 4,94% ເຊິ່ງເປັນລະດັບ ສູງສຸດ ໃນຮອບ 7 ປີ ຜ່ານມາ,ແຕ່ກໍຍັງຕໍ່າ ຫລາຍກວ່າ ປະເທດ ທີ່ອ່າວ ພັດທະນາ ຍ້ອນລັດຖະບານ ອິນໂດເນເຊຍ ໃຫ້ເງິນອຸດໜູນ ດ້ານນໍ້າມັນ ເຊື້ອໄຟ. (ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ ສະໄຫວ ລາດປາກດີ
KPL
