ຂປລ
ຂປລ. ໃນວັນທີ 18 ສິງຫາ 2022, ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາ ຫະກຳ ແລະ ການຄ້າ ໄດ້ໃຫ້ກຽດຕ້ອນຮັບ ການເຂົ້າຢ້ຽມຂໍ່ານັບຂອງ ທ່ານ ໂພລ ແຄລີ ເອກອັກຄະລັດ ຖະທູດ ອົດສະຕຣາລີ ປະຈຳ ສປປ ລາວ
ຂປລ. ໃນວັນທີ 18 ສິງຫາ 2022, ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາ ຫະກຳ ແລະ ການຄ້າ ໄດ້ໃຫ້ກຽດຕ້ອນຮັບ ການເຂົ້າຢ້ຽມຂໍ່ານັບຂອງ ທ່ານ ໂພລ ແຄລີ ເອກອັກຄະລັດ ຖະທູດ ອົດສະຕຣາລີ ປະຈຳ ສປປ ລາວ ພ້ອມດ້ວຍຄະນະ ເນື່ອງໃນໂອກາດ ໄດ້ດຳລົງຕໍາແໜ່ງ ເປັນລັດຖະມົນຕີ ກະຊວງອຸດສາຫະກຳ ແລະ ການຄ້າ ຜູ້ໃໝ່.
ໃນໂອກາດນີ້, ທ່ານ ມະໄລທອງ ກົມມະສິດ ໄດ້ສະແດງຄວາມຍິນດີຕ້ອນຮັບ, ຊົມເຊີຍ ແລະ ຕີລາຄາສູງ ຕໍ່ທ່ານ ໂພລ ແຄລີ ເຊິ່ງເປັນການປະກອບສ່ວນ ຮັດແໜ້ນການພົວພັນຮ່ວມມື ຂອງສອງປະເທດ ລາວ-ອົດສະຕຣາລີ, ພ້ອມທັງ ສະແດງຄວາມຂອບໃຈຕໍ່ ລັດຖະບານ ອົດສະຕຣະລີ ທີ່ຊ່ວຍເຫລືອການຈັດຕັ້ງປະຕິບັດ ແຜນພັດທະນາ ເສດຖະກິດ-ສັງຄົມຂອງ ສປປ ລາວ ລວມທັງວາລະ ການພັດທະນາແບບຍືນຍົງ, ການຊ່ວຍ ເຫລືອອຸປະກອນ ແລະ ວັກຊິນປ້ອງກັນ ໂຄວິດ 19, ການພັດທະນາຊັບພະຍາ ກອນມະນຸດ ແລະ ການສົ່ງເສີມການແຂ່ງຂັນ ທາງດ້ານການຄ້າ ຂອງພາກເອກະຊົນ ຂອງ ສປປ ລາວ. ທ່ານ ມະໄລທອງ ກົມມະສິດ ຍັງຂອບໃຈຕໍ່ທ່ານທູດ ທີ່ມາປະຕິບັດໜ້າທີຢູ່ ສປປ ລາວ ພ້ອມທັງ ອວຍພອນໃຫ້ທ່ານທູດ ປະສົບຜົນສໍາເລັດໃນໜ້າທີ່ ແລະ ສືບຕໍ່ສະໜັບສະໜູນ ການຮ່ວມມືສອງຝ່າຍ ລາວ-ອົດສະຕຣາລີ ໃຫ້ເຂັ້ມແຂງ ແລະ ຍືນຍົງ.
ທ່ານ ໂພລ ແຄລີ ກໍໄດ້ສະແດງຄວາມຂອບໃຈ ແລະ ຊົມເຊີຍ ຕໍ່ທ່ານ ມະໄລທອງ ກົມມະສິດ ທີ່ໄດ້ດຳລົງຕໍາແໜ່ງ ເປັນລັດຖະມົນຕີ ກະຊວງອຸດສາຫະກຳ ແລະ ການຄ້າ ຜູ້ໃໝ່, ພ້ອມຢືນຢັນວ່າ ຈະ ສຶບຕໍ່ສະໜັບສະໜູນຊ່ວຍເຫລືອ ສປປ ລາວ ໃນບັນດາໂຄງການຕ່າງໆ, ແຜນການ ແລະ ກິດຈະກຳການຮ່ວມມືໃຫ້ຫລາຍຂຶ້ນ ເພື່ອສົ່ງເສີມວຽກງານ ຂະແໜງການຄ້າ ໃຫ້ມີບ້າດກ້າວຂະຫຍາຍຕົວ.
KPL