ຂປລ
ຂປລ. ຂ່າວສານ ຫວຽດນາມ, ອ້າງຕາມບໍລິສັດປຶກສາ ທຸລະກິດໃນທົ່ວໂລກ Frost ແລະ Sullivanໃຫ້ຮູ້ວ່າ: ອິນໂດເນເຊຍ ຈະສືບຕໍ່ຮັກສາຕຳແໜ່ງ ຜູ້ຜະລິດນ້ຳມັນປາມ ອັນດັບໜຶ່ງໃນໂລກ ເຖິງປີ 2020 ແລະ ອາດຈະແກ່ຍາວກວ່ານັ້ນອີກ, ຍ້ອນມີປະລິມານການຜະລິດ ເພີ່ມຂຶ້ນຢ່າງແຂງແຮງກວ່າຄູ່ແຂ່ງ ຕົ້ນຕໍແມ່ນມາເລເຊຍ, ປັດຈຸບັັນອິນໂດເນເຊຍຈັດ ເປັນດັບ 2 .
ຂປລ. ຂ່າວສານ ຫວຽດນາມ, ອ້າງຕາມບໍລິສັດປຶກສາ ທຸລະກິດໃນທົ່ວໂລກ Frost
ແລະ Sullivanໃຫ້ຮູ້ວ່າ: ອິນໂດເນເຊຍ ຈະສືບຕໍ່ຮັກສາຕຳແໜ່ງ
ຜູ້ຜະລິດນ້ຳມັນປາມ ອັນດັບໜຶ່ງໃນໂລກ ເຖິງປີ 2020 ແລະ
ອາດຈະແກ່ຍາວກວ່ານັ້ນອີກ, ຍ້ອນມີປະລິມານການຜະລິດ
ເພີ່ມຂຶ້ນຢ່າງແຂງແຮງກວ່າຄູ່ແຂ່ງ ຕົ້ນຕໍແມ່ນມາເລເຊຍ,
ປັດຈຸບັັນອິນໂດເນເຊຍຈັດ ເປັນດັບ 2 .
ອິນໂດເນເຊຍ ແລະ ມາເລເຊຍ
ຖືວ່າເປັນສອງປະເທດທີ່ຜະລິດນ້ຳມັນປາມແລະສົ່ງອອກຂະໜາດໃຫ່ຍສຸດຂອງ
ໂລກ, ຄາດວ່າ ປະລິມານການຜະລິດ ອາດຈະບັນລຸຕາມລຳດັບ ປະມານ 29-30
ລ້ານໂຕນ ແລະ19-20 ລ້ານໂຕນ ໃນປີ 2014. ໃນນັ້ນ ປະລິມານການຜະລິດຂອງ
Frost ແລະ Sullivan ອິນໂດເນເຊຍ ອາດຈະເພີ່ມຂຶ້ນສະເລ່ຍ 7,8% / ປີ
ໃນໄລຍະປີ 2011-2020, ເມື່ອທຽບໃສ່ລະດັບເພີ່ມຂຶ້ນ
ທີ່ກ່າວມາ5,9% ຂອງໂລກ ແລະ 2,7% ຂອງ ມາເລເຊຍ.
ທ່ານ ກຣິສເດີ ລາວິດ
ຮອງຜູ້ອຳນວຍການ Frost & Sullivan, ຮັບຜິດຊອບພາກພື້ນອາຊີ-ປາຊີຟິກ
ກ່າວວ່າ ປະລິມານນ້ຳມັນປາມຂອງອິນໂດເນເຊຍ ເພີ່ມຂຶ້ນຫລາຍ
ເມື່ອທຽບໃສ່ປະເທດມາເລເຊຍ
ຕົ້ນຕໍແມ່ນຍ້ອນລະດັບເພີ່ມຂຶ້ນຂອງເນື້ອທີ່ປູກຕົ້ນປາມ(6,7%)
ສູງກວ່າເມື່ອທຽບໃສ່ມາເລເຊຍ(3,5%), ຫລື 420.000 ເຮັກຕາ/ປີ
ເມື່ອທຽບໃສ່ 150.000 ເຮັກຕາ / ປີ. ນອກຈາກນັ້ນ,
ເນື້ອທີ່ປູກຕົ້ນປາມທັງໝົດ
ຢູ່ອິນໂດເນເຊຍທີ່ຍັງບໍ່ທັນເຕີບໃຫຍ່ກວມເອົາປະມານ 49%
ເຮັດໃຫ້ພື້ນຖານເສດຖະກິດຂະໜາດໃຫຍ່ສຸດຂອງພາກພື້ນອາຊີຕາເວັນອອກ
ສ່ຽງໃຕ້ນີ້ ຈະສືບຕໍ່ຄອບງຳແຫລ່ງສະໜອງນ້ຳມັນປາມຂອງໂລກ./.
KPL
