ຂປລ
ຂປລ. ຕາມຂ່າວຕ່າງປະເທດ, ວັນທີ 10 ເດືອນຕຸລາ, ໃນໂອກາດເດີນທາງໄປຢ້ຽມຢາມມຽນ ມາ ຢ່າງເປັນທາງການ ຂອງທ່ານ ພົນເອກ ປຣະຍຸດ ຈັນໂອຊາ ນາຍົກລັດຖະມົນຕີປະເທດໄທ ເປັນເວລາ 2 ມື້ນັ້ນ,
ຂປລ. ຕາມຂ່າວຕ່າງປະເທດ, ວັນທີ 10 ເດືອນຕຸລາ, ໃນໂອກາດເດີນທາງໄປຢ້ຽມຢາມມຽນ ມາ ຢ່າງເປັນທາງການ ຂອງທ່ານ ພົນເອກ ປຣະຍຸດ ຈັນໂອຊາ ນາຍົກລັດຖະມົນຕີປະເທດໄທ ເປັນເວລາ 2 ມື້ນັ້ນ, ໄທ ແລະ ມຽນມາ ໄດ້ຈັດພິທີສະຖາປະນາການເມືອງສຳຄັນຂອງສອງປະເທດ ໃຫ້ເປັນບ້ານໃກ້ເຮືອນຄຽງ ຄື: ເມືອງຊຽງໃໝ່ ກັບ ຊຽງຕຸງ ໃນລັດສານ, ເມືອງປະຈວບຄີຣີຂັນ ກັບເມືອງມະຣິດ ໃນເຂດຕະນາວະສຣີແລະ ເມືອງຣະນອງ ກັບ ເກາະສອງ ໃນແຂວງເກາະສອງ ທາງໃຕ້ສຸດຂອງປະ ເທດມຽນມາ ອັນຈະຊ່ວຍເຮັດໃຫ້ບັນດາເມືອງດັ່ງກ່າວ ມີການແລກປ່ຽນຂໍ້ມູນຂ່າວສານ, ວັດທະນະທຳ, ສົ່ງເສີມການທ່ອງທ່ຽວ ເຮັດໃຫ້ໄປມາຫາສູ່ກັນຫລາຍຂຶ້ນ ກໍຄື ການຊ່ວຍເຫລືອເຊິ່ງກັນ ແລະ ກັນ ຮ່ວມກັນພັດທະນາເສດຖະກິດສັງຄົມ ແລະ ພັດທະນາຊີວິດການເປັນຢູ່ຂອງປະຊາຊົນທັງສອງປະເທດ.
ຂ່າວແຈ້ງຕື່ມ ໃນພິທີສະຖາປະນາການເມືອງສຳຄັນຂອງສອງປະເທດດັ່ງກ່າວ ທີ່ອາຄານຮັບ ຮອງທຳນຽບປະທານາທິບໍດີມຽນມາ ທ່ານ ພົນເອກ ປຣະຍຸດ ຈັນໂອຊາ ນາຍົກລັດຖະມົນຕີໄທ ແລະ ທ່ານ ເທນເຊນ ປະທານາທິບໍດີມຽນມາ ໄດ້ເຈລະຈາກັນໃນຫລາຍຫົວຂໍ້ ເພື່ອສົ່ງເສີມສາຍພົວພັນ ກັບການຄ້າຂາຍລະຫວ່າງ 2 ຝ່າຍ ກໍຄືການພັດທະນາເຂດເສດຖະກິດພິເສດທະວາຍ, ກໍ່ສ້າງການເຊື່ອມຕໍ່ດ້ານຄົມມະນາຄົມລະຫວ່າງມຽນມາ, ອິນເດຍ ແລະ ໄທ, ການຮັກສາສິດ ແລະ ຜົນປະໂຫຍດ ຂອງແຮງງານມຽນມາ ທີ່ເຮັດວຽກຢູ່ປະເທດໄທ, ບັນຫາແຮງງານມຽນມາຜິດກົດໝາຍ, ການພັດທະນາຊັບພະ ຍາກອນມະນຸດ, ດ້ານພະລັງງານ, ການສຶກສາ, ສາທາລະນະສຸກ ແລະ ວຽກງານກະສິກຳ.
KPL
