ຂປລ
ກອງປະຊຸມລັດຖະມົນຕີ ກະຊວງປ້ອງກັນປະເທດ ບັນດາປະເທດ ອາຊຽນ (ADMM) ຄັ້ງທີ 20 ໄດ້ດຳເນີນພາຍໃຕ້ ການເປັນປະທານຂອງທ່ານ ກິລເບີໂຕ ເຕໂອໂດໂຣ (Gilberto Teodoro) ລັດຖະມົນຕີ ກະຊວງປ້ອງກັນປະເທດ ຟີລິບປິນ.
ຂປລ.ວິທະຍຸກະຈ່າຍສຽງຫວຽດນາມ, ຕອນເຊົ້າວັນທີ 28 ຕຸລາ, ຢູ່ ເຊບູ(Cebu) ຂອງ ຟີລິບປິນ, ກອງປະຊຸມລັດຖະມົນຕີ ກະຊວງປ້ອງກັນປະເທດ ບັນດາປະເທດ ອາຊຽນ (ADMM) ຄັ້ງທີ 20ໄດ້ດຳເນີນພາຍໃຕ້ ການເປັນປະທານຂອງທ່ານ ກິລເບີໂຕ ເຕໂອໂດໂຣ (Gilberto Teodoro) ລັດຖະມົນຕີ ກະຊວງປ້ອງກັນປະເທດ ຟີລິບປິນ. ຄະນະຜູ້ແທນຂັ້ນສູງ ກະຊວງປ້ອງກັນປະເທດ ຫວຽດນາມ ນຳໂດຍ ທ່ານ ພົນເອກ ຟານວັນຢາງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ຫວຽດນາມ ແລະ ບັນດາປະເທດສະມາຊິກ ເຂົ້າຮ່ວມ.ໃນໂອກາດນີ້ ທ່ານ ພົນເອກ ຟານວັນຢາງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ຫວຽດນາມ ຢັ້ງຢືນວ່າ ສສ ຫວຽດນາມ ສະໜັບສະໜູນ ຢູ່ລະດັບສູງສຸດ ເພື່ອໃຫ້ ຟີລິບປິນ ປະຕິບັດສຳເລັດ ບົດບາດໜ້າທີ່ ປະທານ ອາຊຽນ 2026; ສືບຕໍ່ປັບປຸງນ້ຳໃຈ ສາມັກຄີ, ກຳລັງແຮງຂອງ ອາຊຽນ ເພື່ອຮັບມືກັບ ບັນດາສິ່ງທ້າທາຍ ຄວາມໝັ້ນຄົງ ຢ່າງໄຫວພິບ ແລະ ເປັນເຈົ້າການ ທີ່ໄດ້ວາງອອກຢູ່ພາກພື້ນ, ເພື່ອພາກພື້ນ ແຫ່ງສັນຕິພາບ, ມີຄວາມໝັ້ນຄົງ ແລະ ສ້າງຄວາມເຂັ້ມແຂງດ້ວຍຕົນເອງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
