ຂປລ
ສື່ມວນຊົນ ອິດສະຣາແອນ ລາຍງານວ່າ: ກະຊວງຄົມມະນາຄົມ ອິດສະຣາແອນ ໄດ້ອອກແຈ້ງການ ຕໍ່ບໍລິສັດການບິນຕ່າງປະເທດ ໂດຍຫ້າມ ບໍ່ໃຫ້ພະນັກງານຈຸບິນ ທີ່ມີສັນຊາດດຽວ ຫລື ສອງສັນຊາດຂອງ 27 ປະເທດ
ຂປລ.ວິທະຍຸ ໂທລະພາບສູນກາງຈີນ, ສື່ມວນຊົນ ອິດສະຣາແອນ ລາຍງານວ່າ: ກະຊວງຄົມມະນາຄົມ ອິດສະຣາແອນ ໄດ້ອອກແຈ້ງການ ຕໍ່ບໍລິສັດການບິນຕ່າງປະເທດ ໂດຍຫ້າມ ບໍ່ໃຫ້ພະນັກງານຈຸບິນ ທີ່ມີສັນຊາດດຽວ ຫລື ສອງສັນຊາດຂອງ 27 ປະເທດເຊັ່ນ: ອິຣານ,ອີຣັກ,ລີບັງ,ໂອມານ,ປາກິດສະຖານ,ກາຕາ,ອາຣັບບີ ຊາອຸດິດ ແລະ ປະເທດ ອື່ນໆອີກ ປະຕິບັດໜ້າທີ່ການບິນ ຫລື ຂີ່ຍົນຖ້ຽວບິນໄປກັບ ອິດສະຣາແອນ. ເນື່ອງຈາກ ເຫດການຜູ້ຂັບຂີ່ສຳຮອງ ສັນຊາດໂອມານ ໂຈມຕີຫົວໜ້າຈຸບິນ ຂອງເຮືອບິນໂດຍສານ ບໍລິສັດການບິນດູບາຍ ທີ່ເກີດຂຶ້ນໃນຫວ່າງມໍ່ໆນີ້, ຈາກນັ້ນ ທ່ານ ເບັນຈາມິນ ເນທັນຢາຮູ ນາຍົກລັດຖະມົນຕີ ອິດສະຣາແອນ ໄດ້ຊີ້ແຈງ ໃຫ້ຄະນະກຳມະການ ຄວາມໝັ້ນຄົງແຫ່ງຊາດ ອິດສະຣາແອນ ດຳເນີນການສຳຫລວດ ກວດກາດ້ານຄວາມປອດໄພ ຢ່າງຮອບດ້ານຕໍ່ຖ້ຽວບິນ ທີ່ບໍລິສັດ ການບິນຕ່າງປະເທດ ປະຕິບັດການບິນ ຫລື ຖ້ຽວບິນໄປ ອິດສະຣາແອນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
