ຂປລ
ເອກອັກຄະລັດຖະທູດຂອງ 27 ປະເທດ ສະມາຊິກ ສະຫະພາບ ເອີຣົບ ໄດ້ປຶກສາຫາລືກັນ ເປັນເວລາດົນ, ໂດຍກຽມຈະແກ່ຍາວເວລາ ມາດຕະການການລົງໂທດຕໍ່ 3.000 ກວ່າບຸກຄົນ ແລະ ອົງກອນຂອງລັດເຊຍ ອອກໄປເປັນ 36 ເດືອນ, ພ້ອມທັງ ລຶບນັກທຸລະກິດ ລັດເຊຍ 2 ຄົນອອກຈາກບັນຊີລາຍຊື່ ທີ່ຖືກລົງໂທດ.
ຂປລ.ວິທະຍຸ ໂທລະພາບສູນກາງຈີນ, ວັນທີ 21 ກັນຍານີ້, ເອກອັກຄະລັດຖະທູດຂອງ 27 ປະເທດ ສະມາຊິກ ສະຫະພາບ ເອີຣົບ ໄດ້ປຶກສາຫາລືກັນ ເປັນເວລາດົນ, ໂດຍກຽມຈະແກ່ຍາວເວລາ ມາດຕະການການລົງໂທດຕໍ່ 3.000 ກວ່າບຸກຄົນ ແລະ ອົງກອນຂອງລັດເຊຍ ອອກໄປເປັນ 36 ເດືອນ, ພ້ອມທັງ ລຶບນັກທຸລະກິດ ລັດເຊຍ 2 ຄົນອອກຈາກບັນຊີລາຍຊື່ ທີ່ຖືກລົງໂທດ. ນັກການທູດສະຫະພາບເອີຣົບ ເປີດເຜີຍໃຫ້ຮູ້ວ່າ: ແຜນການດັ່ງກ່າວ ໄດ້ຖືກຍື່ນໃຫ້ແກ່ ລັດຖະບານບັນດາປະເທດ ສະມາຊິກຂອງສະຫະພາບເອີຣົບ ເພື່ອຂໍການອະນຸມັດ ທີ່ເປັນລາຍລັກອັກສອນ. ການແກ່ຍາວເວລາ ມາດຕະການລົງໂທດຄັ້ງນີ້ ແມ່ນຍາວກວ່າການຕໍ່ອາຍຸ ແບບປົກກະຕິ ໃນເມື່ອກ່ອນ ທີ່ເປັນ 6 ເດືອນ ຫລື 12 ເດືອນ. ສະຫະພາບເອີຣົບ ຫວັງວ່າ ຜ່ານການແກ່ຍາວ ເວລາການລົງໂທດ ຈະຊ່ວຍໃຫ້ປ້ອງກັນ ກໍລະນີທີ່ມາດຕະການລົງໂທດຕົກໃນສະພາບ ບໍ່ໄປບໍ່ມາກ່ຽວກັບ ບັນຫາການຕໍ່ອາຍຸ ໃນອະນາຄົດ ຍ້ອນປະເທດ ສະມາຊິກມີຫລັກໝັ້ນ ທີ່ແຕກຕ່າງກັນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
