ຂປລ
ໃນຂັ້ນຕໍ່ໄປ, ຈະສຸມໃສ່ຊຸກຍູ້ການຮ່ວມມື ດ້ານການຄ້າ ລະຫວ່າງ ສປ ຈີນ-ອາຊຽນ ໃຫ້ຂຶ້ນສູ່ລະດັບໃໝ່ ຈາກ 3 ດ້ານຫລັກ ຄື: ໜຶ່ງ ສປ ຈີນ ຈະຕັ້ງໜ້າຊຸກຍູ້ ໃຫ້ອະນຸສັນຍາຍົກລະດັບ ເຂດການຄ້າເສລີຈີນ-ອາຊຽນ ສະບັບ 3.0 ທີ່ໄດ້ລົງນາມແລ້ວ ມີຜົນສັກສິດ ແລະ ຈັດຕັ້ງປະຕິບັດໂດຍໄວ; ຊຸກຍູ້ການຮ່ວມມືໃນຂົງເຂດສຳຄັນ
ຂປລ.ວິທະຍຸ ໂທລະພາບສູນກາງຈີນ,ໃນກອງປະຊຸມ ຖະແຫລງຂ່າວ ທີ່ຈັດຂຶ້ນໂດຍ ຫ້ອງການຖະແຫລງຂ່າວ ຂອງລັດຖະບານຈີນ ໃນວັນທີ 1 ກັນຍານີ້, ເຈົ້າໜ້າທີ່ຮັບຜິດຊອບທີ່ກ່ຽວຂ້ອງ ຈາກກະຊວງການຄ້າຈີນ ໃຫ້ຮູ້ວ່າ: ໃນຂັ້ນຕໍ່ໄປ, ຈະສຸມໃສ່ຊຸກຍູ້ການຮ່ວມມື ດ້ານການຄ້າ ລະຫວ່າງ ສປ ຈີນ-ອາຊຽນ ໃຫ້ຂຶ້ນສູ່ລະດັບໃໝ່ ຈາກ 3 ດ້ານຫລັກ ຄື: ໜຶ່ງ ສປ ຈີນ ຈະຕັ້ງໜ້າຊຸກຍູ້ ໃຫ້ອະນຸສັນຍາຍົກລະດັບ ເຂດການຄ້າເສລີຈີນ-ອາຊຽນ ສະບັບ 3.0 ທີ່ໄດ້ລົງນາມແລ້ວ ມີຜົນສັກສິດ ແລະ ຈັດຕັ້ງປະຕິບັດໂດຍໄວ; ຊຸກຍູ້ການຮ່ວມມືໃນຂົງເຂດສຳຄັນ ເຊັ່ນ: ເສດຖະກິດດີຈີຕອນ, ການພັດທະນາສີຂຽວ ແລະອື່ນໆ ໃຫ້ສຳເລັດຜົນ. ສອງ ອອກແຮງພັດທະນາ ໃນດ້ານການຄ້າບໍລິການ, ການຄ້າດີຈີຕອນ ແລະ ການຄ້າສີຂຽວ, ຊຸກຍູ້ການຄ້າສອງຝ່າຍ ໃຫ້ກ້າວໄປສູ່ລະດັບກາງ ແລະ ສູງ ຂອງລະບົບຕ່ອງໂສ້ຄຸນຄ່າ. ແລະ ສາມ ສປ ຈີນ ຍັງຈະຕັ້ງໜ້າຂະຫຍາຍ ການເປີດປະຕູ ຕໍ່ພາຍນອກຢ່າງເປັນເຈົ້າຕົນເອງ ເພື່ອສ້າງເງື່ອນໄຂທີ່ດີໃຫ້ປະເທດທີ່ກ່ຽວຂ້ອງໃນອາຊຽນ ເປີດກວ້າງການສົ່ງອອກສິນຄ້າຕໍ່ ສປ ຈີນ. ໃນປີ 2025, ຍອດມູນຄ່າການຄ້າ ລະຫວ່າງ ສປ ຈີນ-ອາຊຽນ ບັນລຸຫລາຍກວ່າ 1,000 ຕື້ໂດລາ, ສປ ຈີນ ແລະ ອາຊຽນ ໄດ້ກາຍເປັນຕົວແບບ ທີ່ປະສົບຜົນສຳເລັດໃຫຍ່ທີ່ສຸດ ແລະ ມີພະລັງຊີວິດຫຼາຍທີ່ສຸດ ໃນການຮ່ວມມື ລະດັບພາກພື້ນອາຊີ-ປາຊີຟິກ
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
