ຂປລ
ກອງປະຊຸມ ປັນຍາປະດິດໂລກ ແລະ ກອງປະຊຸມຂັ້ນສູງ ການຄຸ້ມຄອງປັນຍາປະດິດໂລກ 2026 ໄດ້ຈັດຂຶ້ນຢູ່ນະຄອນຊຽງໄຮ້ຂອງ ສປ ຈີນ ໃນລະຫວ່າງ ວັນທີ 17 ຫາ 20 ກໍລະກົດນີ້.
ຂປລ ວິທະຍຸ ໂທລະພາບ ສູນກາງຈີນ, ກອງປະຊຸມ ປັນຍາປະດິດໂລກ ແລະ ກອງປະຊຸມຂັ້ນສູງ ການຄຸ້ມຄອງປັນຍາປະດິດໂລກ 2026 ໄດ້ຈັດຂຶ້ນຢູ່ນະຄອນຊຽງໄຮ້ຂອງ ສປ ຈີນ ໃນລະຫວ່າງ ວັນທີ 17 ຫາ 20 ກໍລະກົດນີ້. ບຸກຄົນສາກົນໄດ້ໃຫ້ສໍາພາດ ຕໍ່ສື່ມວນຊົນວ່າ: ສປ ຈີນ ໄດ້ເພີ່ມແຮງ ຂັບເຄື່ອນທີ່ເຂັ້ມແຂງ ໃຫ້ແກ່ ການພັດທະນາ ປັນຍາປະດິດໂລກ ດ້ວຍການປະດິດສ້າງໃໝ່ ດ້ານເຕັກ ໂນໂລ ຊີ, ການເປີດປະຕູ ແລະ ການຮ່ວມມື. ຈາກນັ້ນ ທ່ານ ຈິດຄາຍ ຊິນ ກໍາມະການ ຈາກສະຖາບັນຄົ້ນຄວ້າ ຍຸດທະສາດໃນເຂດແຄວ້ນທີ່ເປັນຄັງປັນຍາຂອງມາເລເຊຍ ເຫັນວ່າ: ຈີນສຸມໃສ່ ການເປີດ ປະຕູ ແລະ ການຮ່ວມມື ເຮັດໃຫ້ປະເທດຕ່າງໆ ສາມາດມີສ່ວນຮ່ວມ ແລະ ໄດ້ຮັບຜົນປະໂຫຍດ ຈາກການພັດທະນາປັນຍາປະດິດ ໃຫ້ນັບມື້ນັບຫລາຍຂຶ້ນ ເຊິ່ງສິ່ງນີ້ສອດຄ່ອງກັບ ບັນດາແນວຄິດ ການພັດ ທະນາ ທີ່ອົງການສະຫະປະຊາຊາດ ສົ່ງເສີມໃນລະດັບສູງ ເປັນຕົ້ນ ແມ່ນແນວຄິດການພັດທະນາ ແບບກວມລວມ ແລະ ໃຫ້ຜົນປະໂຫຍດຢ່າງທົ່ວເຖິງ. ທ່ານ ເດຣິກ ໂກໂຕ ນັກວິຊາການ ຊິມບັບເວ ກ່າວ ວ່າ: ໃນຊຸມປີມໍ່ໆມານີ້, ສປ ຈີນ ໄດ້ຊຸກຍູ້ການຈັດຕັ້ງປະຕິບັດ “ຂໍ້ລິເລີ່ມການຄຸ້ມຄອງ ປັນຍາປະດິດໂລກ” ຢ່າງຕໍ່ເນື່ອງ, ຈາກການຮ່ວມມື ດ້ານການບໍາລຸງສ້າງ ຜູ້ມີຄວາມຮູ້ ຄວາມສາມາດ ຢູ່ທ້ອງຖິ່ນ ຮອດການຊຸກຍູ້ ການພັດທະນາ ເຕັກໂນໂລຊີ ຮ່ວມກັນ, ມາດຕະການ ທີ່ຕິດແທດກັບຕົວຈິງ ຂອງ ສປ ຈີນເຮັດໃຫ້ ອາຟຣິກາ ເຫັນເຖິງຄວາມມຸ່ງຫວັງ ແຫ່ງການຫລຸດຜ່ອນ ຊ່ອງຫວ່າງ ດ້ານດີຈີຕອນ ແລະ ຊົມໃຊ້ຜົນປະໂຫຍດດ້ານເຕັກໂນໂລຊີຮ່ວມກັນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
