ຂປລ
ຮ້ານຂາຍຢາ ປະມານ 7.000 ແຫ່ງທົ່ວປະເທດ ຍີ່ປຸ່ນ ເລີ່ມຈຳໜ່າຍ ຢາຄຸມ ສຸກເສີນ ແບບບໍ່ຕ້ອງ ມີໃບສັ່ງ ຈາກແພດ, ນັບແຕ່ ວັນທີ 2 ກຸມພາ 2026 ນີ້, ໂດຍບໍ່ມີ ຂໍ້ຈຳກັດ ດ້ານອາຍຸ ຫລື ຕ້ອງໄດ້ຮັບ ຄວາມຍິນຍອມ ຈາກ ຜູ້ປົກຄອງ.
ຂປລ. ສຳນັກຂ່າວ ເອເອຟພີ ລາຍງານ ຈາກນະຄອນຫລວງ ໂຕກຽວ ປະເທດ ຍີ່ປຸານວ່າ: ຮ້ານຂາຍຢາ ປະມານ 7.000 ແຫ່ງທົ່ວປະເທດ ຍີ່ປຸ່ນ ເລີ່ມຈຳໜ່າຍ ຢາຄຸມ ສຸກເສີນ ແບບບໍ່ຕ້ອງ ມີໃບສັ່ງ ຈາກແພດ, ນັບແຕ່ ວັນທີ 2 ກຸມພາ 2026 ນີ້, ໂດຍບໍ່ມີ ຂໍ້ຈຳກັດ ດ້ານອາຍຸ ຫລື ຕ້ອງໄດ້ຮັບ ຄວາມຍິນຍອມ ຈາກ ຜູ້ປົກຄອງ. ຢາຄຸມ ສຸກເສີນ ນໍຣເລໂວ (NorLevo) ມີຜົນດີທີ່ສຸດ ພາຍໃນ 72 ຊົ່ວໂມງ, ພາຍຫລັງ ມີເພດສຳພັນ ໂດຍບໍ່ປ້ອງກັນ, ຊຶ່ງຜູ້ຊື້ຕ້ອງໄດ້ ຮັບປະທານ ຢູ່ສະຖານທີ່ ຊື້ຢາເລີຍ. ກ່ອນໜ້ານີ້ ການຊື້ຢາ ຊະນິດ ດັ່ງກ່າວ ຈຳເປັນຕ້ອງມີໃບສັ່ງແພດ.
ນອກຈາກນັ້ນ, ກະຊວງສາທາລະນະສຸກ ຍີ່ປຸ່ນ ເປີດເຜີຍ ລາຍຊື່ ຮ້ານຂາຍຢາ ທີ່ໄດ້ຮັບ ອະນຸຍາດ ໃຫ້ຈຳໜ່າຍ ຢາຄຸມ ສຸກເສີນ ຜ່ານເວັບໄຊ ແລະ ລາຍລະອຽດອື່ນໆ ເຊັ່ນ: ຈຳນວນ ພະນັກງານ ຮ້ານຂາຍຢາ, ເພດ ແລະ ຄວາມພ້ອມ ໃນການໃຫ້ຄຳປຶກສາ ນອກເວລາເຮັດວຽກ./
KPL
