ຂປລ.ວິທະຍຸ-ໂທລະພາບ ສູນກາງຈີນ ຫລື CMG, ອົງ​ການ​ ການ​ບິນ​ອະ​ວະ​ກາດ ​ແຫ່ງ​ຊາດ​ຈີນ ​ແຈ້ງ​ໃຫ້​ຮູ້​ວ່າ: ປີ2025 ຜ່ານ​ມາ, ສປ ຈີນ ​ໄດ້​ບັນ​ລຸ​ ການ​ບຸກ​ທະ​ລຸ​ຫລາຍ​ຢ່າງ ແລະ ​ສ້​າງ​ສະ​ຖິ​ຕິ​ເປັນ​ຄັ້​ງ​ທຳ​ອິດ​ ໃນ​ປະ​ຫວັດ​ສາດ​ ໃນ​ຫລາຍ​ຂົງ​ເຂດ​ເຊັ່ນ: ການ​ບິນອ​ະ​ວະ​ກາດ ​ບັນ​ທຸກ​ຄົນ, ການ​ສຳ​ຫລວດ​ ອະ​ວະ​ກາດ, ການ​ບິນ​ອະ​ວະ​ກາດ ​ທາງ​ການ​ຄ້າ​ແລະ ​ອື່ນໆ. ສຳລັບ ປີ2025 ຜ່ານ​ມາ, ສປ ຈີນ​ ໄດ້​ປະ​ຕິ​ບັດ ​ພາ​ລະ​ກິດ​ ຍິງ​ສົ່ງ​ດາວ​ທຽມ​ ແລະ​ ຍານ​ອະ​ວະ​ກາດ​ເຖິງ 92 ຄັ້ງ, ສ້າງ​ສະ​ຖິ​ຕິ​ ເປັນ​ປະ​ຫວັດ​ສາດ. ປີ2025, ຈຸນັກ​ບິນອະ​ວະ​ກາດ ເສີນ​ໂຈ່ວ​20 ໄດ້​ປະ​ຕິ​ບັດ​ພາ​ລະ​ກິດ ​ຢູ່​ສະ​ຖາ​ນີ​ອະ​ວະ​ກາດ ​ເປັນ​ເວ​ລາ 204 ວັນ, ສ້າງ​ສະ​ຖິ​ຕິ​ ການ​ປະ​ຕິ​ບັດ ​ພາ​ລະ​ກິດ​ ຢູ່​ສະ​ຖາ​ນີ ​ອະ​ວະ​ກາດ ​ເປັນ​ເວ​ລາ​ດົນ​ທີ່​ສຸດ ​ໃນ​ປະ​ຫວັດ​ສາດ​ ການ​ບິນ​ອະ​ວະ​ກາດ ​ບັນ​ທຸກ​ຄົນ​ຂອງ​ ສປ ຈີນ. ຍານ​ອະ​ວະ​ກາດ​ ເສີນ​ໂຈ່ວ21 ໄດ້​ສ້າງ​ສະ​ຖິ​ຕິ​ ​ເຊື່ອມ​ຕໍ່​ກັບ ຍານ​ແກນ​ກາງ​ ຂອງ​ສະ​ຖາ​ນີ ​ອະ​ວະ​ກາດ​ ໄວ​ສຸດ​ດ້ວຍ​ເວ​ລາ​ພຽງ 3,5 ຊົ່ວ​ໂມງເທົ່າ​ນັ້ນ. ເມື່ອ​ປະ​ເຊີນ​ກັບ​ສະ​ພາບ​ສຸກ​ເສີນ​ ທີ່​ເກີດ​ຂຶ້ນ​ກະ​ທັນ​ຫັນ ​ຢູ່​ຍານ​ອະ​ວະ​ກາດ ​ບັນ​ທຸກ​ຄົນ ​ເສີນ​ໂຈ່ວ21, ສປ ຈີນ ​ໄດ້​ປະ​ຕິ​ບັດ​ ພາ​ລະ​ກິດ ຍິງ​ສົ່ງ​ຍານ​ ຊ່ວຍ​ເຫລືອ ​ແບບສຸກ​ເສີນ ​ຂຶ້ນ​ສູ່​ ອະ​ວະ​ກາດ​ ພາຍ​ໃນ​ເວ​ລາ 16 ວັນ ​ຢ່າງ​ສຳ​ເລັດ​ຜົນ ​ເປັນ​ຄັ້ງ​ທຳ​ອິດ, ສະ​ແດງ​ໃຫ້​ເຫັນ​ເຖິງ ​ຄວາມ​ສາ​ມາດ ​ຂອງ​ການ​ບິນ​ ອະ​ວະ​ກາດ ​ບັນ​ທຸກ​ຄົນ​ຂອງ ສປ ​ຈີນ ​ໃນ​ການ​ຮັບ​ມື​ກັບ ເຫດ​ການ​ສຸກ​ເສີນ./.

(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ

KPL