ຂປລ
ບົດລາຍງານສະບັບຫລ້າສຸດ ສະແດງໃຫ້ເຫັນວ່າ: 10 ປີຜ່ານມາ ແມ່ນ 10 ປ ທີ່ມີສະພາບອາກາດ ຮ້ອນທີ່ສຸດ ໃນການບັນທຶກ ຂອງປະຫວັດສາດ
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 22 ຕຸລານີ້, ທ່ານ ອັນໂຕນີໂອ ກູເຕີເຣັສ ເລຂາທິການໃຫຍ່ ອົງການ ສະຫະ ປະຊາຊາດ (ສປຊ) ໄດ້ເຂົ້າຮ່ວມ ກອງປະຊຸມ ວິສາມັນ ຂອງກອງ ປະຊຸມ ອຸຕຸນິຍົມໂລກ. ພ້ອມທັງ ໄດ້ກ່າວເນັ້ນໜັກວ່າ: ວິກິດການປ່ຽນແປງ ດິນຟ້າອາກາດ ພວມເຮັດໃຫ້ໂລກ ໄປສູ່ຂອບເຫວ ອັນຕະລາຍ. ບົດລາຍງານສະບັບຫລ້າສຸດ ສະແດງໃຫ້ເຫັນວ່າ: 10 ປີຜ່ານມາ ແມ່ນ 10 ປ ທີ່ມີສະພາບອາກາດ ຮ້ອນທີ່ສຸດ ໃນການບັນທຶກ ຂອງປະຫວັດສາດ, ອຸນຫະພູມ ທາງທະເລສູງຂຶ້ນ ແລະ ສ້າງສະຖິຕິໃໝ່ເລື້ອຍໆ, ເຊິ່ງສິ່ງນີ້ ໄດ້ທຳລາຍ ລະບົບນິເວດ ຢ່າງຮ້າຍແຮງ. ນອກຈາກນີ້, ສະພາບອາກາດ ທີ່ຮຸນແຮງ ຜິດປົກກະຕິ ເກີດຂຶ້ນຢ່າງຕໍ່ເນື່ອງ ກໍ່ໃຫ້ເກີດໄຟໄໝ້, ນໍ້າຖ້ວມ, ພາຍຸ ແລະ ຄື້ນອາກາດຮ້ອນ ໄດ້ຂົ່ມຂູ່ ຕໍ່ທຸກປະເທດ, ສ່ວນປະເທດ ທີ່ທຸກຍາກ ແລະ ອ່ອນແອ ທີ່ສຸດ, ໂດຍສະເພາະ ແມ່ນປະເທດ ເກາະດອນນ້ອຍ ທີ່ພວມພັດທະນາ ແລະ ປະເທດ ດ້ອຍພັດທະນາທີ່ສຸດ, ລ້ວນແຕ່ ໄດ້ຮັບຜົນກະທົບ ແລະເສຍຫາຍສູງທີ່ສຸດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
