ຂປລ
ລັດຖະບານໄທ ໃຫ້ຄວາມສຳຄັນຢ່າງສູງ ຕໍ່ນັກທ່ອງທ່ຽວຈີນ ໂດຍໄດ້ປະກາດ ມາດຕະການ ຫລາຍຂໍ້ ເພື່ອຮັບປະກັນ ຄວາມປອດໄພ ສຳລັບ ນັກທ່ອງທ່ຽວຈີນ.
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 22 ຕຸລານີ້, ກະຊວງທ່ອງທ່ຽວ ແລະ ກິລາ ຂອງໄທ ປະກາດວ່າ: ລັດຖະບານໄທ ໃຫ້ຄວາມສຳຄັນຢ່າງສູງ ຕໍ່ນັກທ່ອງທ່ຽວຈີນ ໂດຍໄດ້ປະກາດ ມາດຕະການ ຫລາຍຂໍ້ ເພື່ອຮັບປະກັນ ຄວາມປອດໄພ ສຳລັບ ນັກທ່ອງທ່ຽວຈີນ. ປັດຈຸບັນ, ໃນທົ່ວປະເທດໄທ ມີສູນບໍລິການ ນັກທ່ອງທ່ຽວ ທັງໝົດ 79 ແຫ່ງ ໂດຍໃຊ້ຫລາຍພາສາ ເຊິ່ງລວມທັງ ພາສາຈີນ. ນັກທ່ອງທ່ຽວ ທີ່ພົບຄວາມ ອັນຕະລາຍຢູ່ໄທ ສາມາດ ໂທຫາສາຍດ່ວນ ຕຳຫລວດ ທ່ອງທ່ຽວ 1.155 ຄັ້ງ ໂດຍໃຫ້ບໍລິການ ດ້ວຍພາສາຈີນ ຫລື ກົດເຂົ້າ App “ຕຳຫລວດທ່ອງທ່ຽວໄທ” ເພື່ອແຈ້ງ ຕຳຫລວດ ລາຍງານເຫດການ. ນອກຈາກນີ້, ໄທ ຍັງໄດ້ຕິດຕັ້ງກ້ອງວົງຈອນ ຮັກສາຄວາມປອດໄພ ຫລາຍໜ່ວຍ ຢູ່ແຫລ່ງທ່ອງທ່ຽວ ທີ່ສຳຄັນ. ພ້ອມກັນນັ້ນ, ໄທ ຍັງມີແຜນ ຈະເປີດບໍລິການ ປະກັນໄພ ທ່ອງທ່ຽວ ສຳລັບ ນັກທ່ອງທ່ຽວ ຕ່າງປະເທດ. ຂໍ້ມູນຈາກ ກະຊວງທ່ອງທ່ຽວ ແລະ ກິລາຂອງໄທ ສະແດງໃຫ້ເຫັນວ່າ: ນັບແຕ່ວັນທີ 1 ມັງກອນຫາວັນທີ 30 ກັນຍາປີນີ້, ຈຳນວນ ນັກທ່ອງ ທ່ຽວຈີນ ທີ່ໄປທ່ຽວໄທ ຫລາຍກວ່າ 3.417.000 ເທື່ອຄົນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
