ຂປລ
ລະບົບຄັງສຳຮອງ ສະຫະລັດ ອາເມລິກາ ຫລື FED ຊຶ່ງເປັນທະນາຄານກາງ ຂອງ ສ.ອາເມລິກາ ຕົກລົງ ປັບອັດຕາ ກອງທຶນສະຫະລັດ ໃຫ້ຕ່ຳລົງ 0,25%, ຊຶ່ງຢູ່ລະຫວ່າງ 4,00%-4,25%.
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 17 ກັນຍານີ້, ລະບົບຄັງສຳຮອງ ສະຫະລັດ ອາເມລິກາ ຫລື FED ຊຶ່ງເປັນທະນາຄານກາງ ຂອງ ສ.ອາເມລິກາ ຕົກລົງ ປັບອັດຕາ ກອງທຶນສະຫະລັດ ໃຫ້ຕ່ຳລົງ 0,25%, ຊຶ່ງຢູ່ລະຫວ່າງ 4,00%-4,25%. ນີ້ແມ່ນການຫລຸດ ອັດຕາດອກເບ້ຍ ເປັນຄັ້ງທຳອິດ ນັບແຕ່ ເດືອນທັນວາ ປີ 2024 ເປັນຕົ້ນມາ. ເຖິງວ່າອັດຕາເງິນເຟີ້ ຂອງ ສ.ອາເມລິກາ ເພີ່ມສູງຂຶ້ນ ເລັກນ້ອຍ ແລະ ຍັງໄດ້ຮັກສາ ລະດັບອ່າວສູງ ຢູ່ກໍຕາມ, ແຕ່ການປະກອບອາຊີບ ໃນຫລາຍເດືອນ ມໍ່ໆມານີ້ ຕ່ຳກວ່າ ການຄາດຄະເນຫລາຍ ຈຶ່ງເຮັດໃຫ້ FED ໃຊ້ມາດຕະການຫລຸດອັດຕາດອກເບ້ຍ. ດັດສະນີ ໃນໄລຍະມໍ່ໆມານີ້ ສະແດງໃຫ້ເຫັນວ່າ ໃນ 6 ເດືອນຕົ້ນປີນີ້, ການເພີ່ມທະວີການເຄື່ອນໄຫວ ດ້ານເສດຖະກິດຊ້າລົງ ແລະ ການເຕີບໂຕ ທາງດ້ານການສ້າງວຽກເຮັດ ງານທຳ ກໍ່ຊ້າລົງ ເຊັ່ນດຽວກັນ. ອະນາຄົດ ຂອງເສດຖະກິດ ຍັງມີຄວາມບໍ່ແນ່ນອນ ແລະ ຄວາມສ່ຽງດ້ານການຫລຸດລົງ ຂອງການຈ້າງງານ ເພີ່ມຫລາຍຂຶ້ນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
