ຂປລ
ສຳນັກງານ ອຸຕຸນິຍົມວິທະຍາ ສະພາບ ອາກາດ ແລະ ທໍລະນີສາດ ອິນໂດເນເຊຍ (ບີເອັມເຄຈີ) ລາຍງານວ່າ ອິນໂດເນເຊຍ ຜະເຊີນກັບ ແຜ່ນດິນໄຫວ ຈຳນວນ 4.071 ຄັ້ງ
ຂປລ. ສຳນັກຂ່າວຕ່າງປະເທດ ລາຍງານ ຈາກນະຄອນຫລວງຈາກາຕາ ປະເທດອິນໂດເນເຊຍ ເມື່ອວັນທີ 8 ກັນຍານີ້ວ່າ: ສຳນັກງານ ອຸຕຸນິຍົມວິທະຍາ ສະພາບ ອາກາດ ແລະ ທໍລະນີສາດ ອິນໂດເນເຊຍ (ບີເອັມເຄຈີ) ລາຍງານວ່າ ອິນໂດເນເຊຍ ຜະເຊີນກັບ ແຜ່ນດິນໄຫວ ຈຳນວນ 4.071 ຄັ້ງ ໃນເດືອນສິງຫາ ທີ່ຜ່ານມາ.ໃນຈຳນວນນີ້, 4.050 ລະດັບຄວາມຮຸນແຮງຕໍ່າກວ່າ 5,0 ລິກເຕີ ແລະ ອີກ 21 ຄັ້ງ ມີລະດັບຄວາມຮຸນແຮງ ຫລາຍກວ່ານັ້ນ.
ໃນຂະນະທີ່ ຈຳນວນ ແຜ່ນດິນໄຫວ ທີ່ບັນທຶກໄວ້ທັງໝົດ, ມີແຜ່ນດິນໄຫວ 90ຄັ້ງ ຊຶ່ງໄດ້ຮັບຮູ້ ໂດຍປະຊາຊົນ.ແຜ່ນດິນໄຫວ ທີ່ມີລະດັບ ຄວາມຮຸນແຮງຫລາຍທີ່ສຸດ ວັດແທກໄດ້ 6,3ລິກເຕີ, ໄດ້ເກີດຂຶ້ນ ຢູ່ເມືອງ ຊາຣມີ, ແຂວງ ແຂວງປາປົວເມື່ອວັນທີ 12ສິງຫາ ຜ່ານມາ.
ອິນໂດເນເຊຍ ຕັ້ງຢູ່ເທິງເຂດ "ວົງແຫວນໄຟ ແຫ່ງປາຊີຟິກ", ຊຶ່ງເປັນ ລະດັບດຽວກັບ ຮອຍຕໍ່ ເປືອກໂລກຈຶ່ງຜະເຊີນກັບສະຖານະການ ພູໄຟລະເບີດ ແລະ ແຜ່ນດິນໄຫວ ເປັນປະຈຳ./
KPL
