ຂປລ
ທ່ານ ນາງ ເຜີງລີ້ຢວນ ພັນລະຍາ ຂອງທ່ານ ສີ ຈິ້ນຜິງ ປະທານ ປະເທດຈີນ ໄດ້ເຊື້ອເຊີນ ບັນດາພັນລະຍາ ຂອງຜູ້ນຳຕ່າງປະເທດ ທີ່ເດີນທາງ ມາເຂົ້າຮ່ວມ ກອງປະຊຸມ ສຸດຍອດ ອົງການ ຮ່ວມມື ຊຽງໄຮ 2025 ຮ່ວມກັນ ທ່ຽວຊົມ ແມ່ນ້ຳໄຫເຮີ ຢູ່ກຳແພງນະຄອນ ທຽນສິນ ປະເທດຈີນ.
ຂປລ.ວິທະຍຸໂທລະພາບ ສູນກາງຈີນ ຫລື CMG , ວັນທີ 1 ກັນຍານີ້, ທ່ານ ນາງ ເຜີງລີ້ຢວນ ພັນລະຍາ ຂອງທ່ານ ສີ ຈິ້ນຜິງ ປະທານ ປະເທດຈີນ ໄດ້ເຊື້ອເຊີນ ບັນດາພັນລະຍາ ຂອງຜູ້ນຳຕ່າງປະເທດ ທີ່ເດີນທາງ ມາເຂົ້າຮ່ວມ ກອງປະຊຸມ ສຸດຍອດ ອົງການ ຮ່ວມມື ຊຽງໄຮ 2025 ຮ່ວມກັນ ທ່ຽວຊົມ ແມ່ນ້ຳໄຫເຮີ ຢູ່ກຳແພງນະຄອນ ທຽນສິນ ປະເທດຈີນ. ໃນໂອກາດນີ້ ທ່ານ ນາງ ເຜີງລີ້ຢວນ ກ່າວວ່າ: ທຽນສິນ ເປັນຕົວເມືອງ ທີ່ມີມໍລະດົກ ທາງປະຫວັດສາດ ແລະ ມົນສະເໜ່ ດ້ານຄວາມທັນສະໄໝ ເຊື່ອມໂຍງ ເຂົ້າກັນ, ແມ່ນ້ຳໄຫເຮີ ໄດ້ເປັນສັກຂີພິຍານໃຫ້ແກ່ ການພັດທະນາ ຂອງກຳແພງນະຄອນ ທຽນສິນ, ການແລກປ່ຽນ ແລະ ການເຊື່ອມໂຍງກັນ ລະຫວ່າງ ວັດທະນະທຳ ຫລາກຫລາຍສີສັນ, ຫວັງວ່າ ບັນດາ ທ່ານຄົງມີປະສົບ ການທີ່ມ່ວນຊື່ນ ແລະ ໜ້າປະທັບໃຈ ຢູ່ທີ່ນີ້.ຈາກນັ້ນ ບັນດາພັນລະຍາ ໄດ້ຖ່າຍຮູບ ຮ່ວມກັນ ເພື່ອເປັນທີ່ລະນຶກ ຢູ່ດາດຟ້າຂອງກຳປັ່ນ. ບັນດາແຂກ ຜູ້ມີກຽດ ໄດ້ຍ້ອງຍໍຊົມເຊີຍ ວັດທະນະທຳ ດັ້ງເດີມ ອັນດີງາມຂອງ ສປ ຈີນ ແລະ ຕີລາຄາສູງ ຕໍ່ຜົນສຳເລັດທີ່ພົ້ນເດັ່ນ ດ້ານຄວາມທັນສະໄໝ ແບບຈີນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
