ຂປລ
ກອງປະຊຸມຄັ້ງທີ 25 ຂອງສະພາມົນຕີ ປະມຸກລັດ ປະເທດ ສະມາຊິກ ອົງການ ຮ່ວມມື ຊຽງໄຮ ໄດ້ໄຂຂຶ້ນ ຢູ່ສູນປະຊຸມ ແລະ ວາງສະແດງເໝີຍຈ່ຽງ ກຳແພງນະຄອນ ທຽນສິນຈີນ. ໂດຍມີ ທ່ານ ສີ ຈິ້ນຜິງ ປະທານປະເທດຈີນ ເປັນປະທານ ກອງປະຊຸມ ແລະ ກ່າວຄຳປາໄສ ສຳຄັນ
ຂປລ.ວິທະຍຸສາກົນແຫ່ງ ສປ ຈີນ, ວັນທີ 1 ກັນຍານີ້, ກອງປະຊຸມຄັ້ງທີ 25 ຂອງສະພາມົນຕີ ປະມຸກລັດ ປະເທດ ສະມາຊິກ ອົງການ ຮ່ວມມື ຊຽງໄຮ ໄດ້ໄຂຂຶ້ນ ຢູ່ສູນປະຊຸມ ແລະ ວາງສະແດງເໝີຍຈ່ຽງ ກຳແພງນະຄອນ ທຽນສິນຈີນ. ໂດຍມີ ທ່ານ ສີ ຈິ້ນຜິງ ປະທານປະເທດຈີນ ເປັນປະທານ ກອງປະຊຸມ ແລະ ກ່າວຄຳປາໄສ ສຳຄັນວ່າ: ປັດຈຸບັນ, ອົງການ ຮ່ວມມື ຊຽງໄຮ ໄດ້ກາຍເປັນ ອົງການ ລະດັບພາກພື້ນ ໃຫຍ່ທີ່ສຸດ ໃນໂລກ ທີ່ມີ 26 ປະເທດ ເຂົ້າຮ່ວມ, ໄດ້ດຳເນີນ ການຮ່ວມມື ໃນ 50 ກວ່າ ຂົງເຂດ ແລະ ມີຍອດມູນຄ່າ ເສດຖະກິດ ບັນລຸເກືອບ 30.000 ຕື້ໂດລາ ສະຫະລັດ, ບົດບາດ ອິດທິພົນ ໃນເວທີສາກົນ ຂອງອົງການ ຮ່ວມມື ຊຽງໄຮ ນັບມື້ ນັບເພີ່ມຂຶ້ນ ແລະ ໄດ້ນຳໜ້າ ກ່ອນໝູ່ ສ້າງກົນໄກ ຄວາມໄວ້ເນື້ອເຊື່ອໃຈ ໃນຂົງເຂດ ການທະຫານ ຢູ່ເຂດຊາຍແດນ, ນຳໜ້າກ່ອນໝູ່ ດຳເນີນ ການຮ່ວມມື ເພື່ອຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ”; ນຳໜ້າກ່ອນໝູ່ ລົງນາມໃນສົນທິສັນຍາ ມິດຕະພາບ ແລະ ການຮ່ວມມືຖານບ້ານໃກ້ເຮືອນຄຽງທີ່ດີ, ພ້ອມທັງໄດ້ນຳໜ້າກ່ອນໝູ່ສະເໜີແນວຄິດ ການບໍລິຫານໂລກ ແບບປຶກສາຫາລື ຮ່ວມກັນ, ສ້າງສາຮ່ວມກັນ ແລະ ແບ່ງປັນຮ່ວມກັນ, ເພື່ອປະຕິບັດ ລັດທິຫລາຍຝ່າຍ ຢ່າງແທ້ຈິງ.ນອກນີ້ ຍັງສົ່ງເສີມ ການຊຸກຍູ້ ໂລກຫັນເປັນ ຫລາຍຂົ້ວ ທີ່ສະເໝີພາບກັນ ແລະ ເປັນລະບຽບ, ຊຸກຍູ້ເສດຖະກິດ ໂລກາພິວັດ ທີ່ໃຫ້ຜົນປະໂຫຍດ ຢ່າງທົ່ວເຖິງ ແລະ ກວມລວມ, ຊຸກຍູ້ ການສ້າງລະບົບ ບໍລິຫານໂລກ ທີ່ຍຸຕິທຳ ແລະ ສົມເຫດ ສົມຜົນກວ່າເກົ່າ. ພ້ມທັງ ສືບຕໍ່ຊຸກຍູ້ການປະຕິຮູບ ອົງການ ຮ່ວມມື ຊຽງໄຮ, ສ້າງທະນາຄານ ພັດທະນາ ອົງການ ຮ່ວມມື ຊຽງໄຮ ໃຫ້ສຳເລັດໂດຍໄວ, ເພື່ອໃຫ້ການສະໜັບ ສະໜູນ ທີ່ເຂັ້ມແຂງ ກວ່າເກົ່າ ແກ່ຄວາມໝັ້ນຄົງ ແລະ ການຮ່ວມມື ດ້ານເສດຖະກິດ ຂອງປະເທດສະມາຊິກ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
