ຂປລ
ວັນບຸນໃຫຍ່ ສະເຫລີມ ສະຫລອງ 80 ປີ ແຫ່ງວັນການປະຕິວັດ ເດືອນສິງຫາ (19/8/1945-19/8/2025), ວັນສະຖາ ປະນາ ປະເທດ ຫວຽດນາມ (2/9/ 1945-2/9/2025) ລວມມີ ພິທີໂຮມຊຸມນຸມມິດຕິງ, ການເດີນຂະບວນ, ສວນສະ ໜາມທີ່ຈະຈັດຂຶ້ນໃນວັນທີ 2 ກັນຍາ, ຢູ່ນະຄອນຫລວງ ຮ່າໂນ້ຍ.
ຂປລ.ວິທະຍຸ ກະຈາຍສຽງ ຫວຽດນາມ, ວັນບຸນໃຫຍ່ ສະເຫລີມ ສະຫລອງ 80 ປີ ແຫ່ງວັນການປະຕິວັດ ເດືອນສິງຫາ (19/8/1945-19/8/2025), ວັນສະຖາປະນາ ປະເທດ ຫວຽດນາມ (2/9/1945-2/9/2025) ລວມມີ ພິທີໂຮມຊຸມນຸມມິດຕິງ, ການເດີນຂະບວນ, ສວນສະໜາມ ທີ່ຈະຈັດຂຶ້ນ ໃນວັນທີ 2 ກັນຍາ, ຢູ່ນະຄອນຫລວງ ຮ່າໂນ້ຍ. ບັນຍາກາດຄຶກຄື້ນ, ຕື້ນເຕັ້ນລໍຄອຍເຫດ ການ ໄດ້ປົກຄຸມ ໄປທົ່ວປະເທດ, ພິເສດແມ່ນຢູ່ນະຄອນຫລວງ ຮ່າໂນ້ຍ.ຂະນະທີ່ ຢູ່ຖະໜົນສາຍຕ່າງໆ, ໂດຍສະເພາະ ແມ່ນເຂດສູນກາງ, ເຊັ່ນ: ສະໜາມຫລວງ ບາດິ່ງ, ຖະໜົນ ຍ່າງອ້ອມຮອບ ໜອງ ຮວ່ານ ກຽມ, ຖະໜົນສາຍຕ່າງໆ ທີ່ບັນດາກຸ້ມກ້ອນກຳລັງ ເດີນຂະບວນ ສວນສະໜາມຜ່ານ. ບັນດາປ້າຍໂຄສະນາ, ຄຳຂວັນຊົມເຊີຍ, ທຸງຊາດ, ດອກໄມ້ ໄດ້ຮັບການປະດັບປະດາ ຢ່າງສວຍງາມ. ຫລາຍກິດ ຈະກຳ ຮັບໃຊ້ພິທີໃຫຍ່ນີ້ ກໍພວມເລັ່ງລັດກະກຽມໃຫ້ສຳເລັດ.ຈຸດພິເສດ ຂອງພິທີສະເຫລີມ ສະຫລອງປີນີ້ ແມ່ນການແຫ່ ທວນໄຟ ທີ່ເປັນມູນເຊື້ອ,ທຸງຊາດ, ພ້ອມດ້ວຍ ຫລາຍກ້ອນ ກຳລັງ ເດີນຂະບວນ ຂອງກອງທັບປະຊາຊົນ, ຕຳຫລວດປະຊາຊົນ, ກຳລັງມະຫາຊົນ ແລະ ກອງທັບຕ່າງປະເທດ ເພື່ອໃຫ້ກິດຈະກຳ ເດີນຂະບວນ, ສວນສະໜາມ ໄດ້ດຳເນີນຢ່າງສຳເລັດຜົນ, ຫລາຍເດືອນ ຜ່ານມາ, ບັນດາ ກ້ອນກຳລັງ ໄດ້ຝຶກຊ້ອມ ຢູ່ຫລາຍສະຖານທີ່ ຢູ່ ນະຄອນຫລວງ ຮ່າໂນ້ຍ.ພິທີສະເຫລີມສະຫລອງ 80 ປີແຫ່ງວັນປະຕິວັດເດືອນສິງຫາ, ວັນຊາດທີ 2 ກັນຍາ ປີນີ້ ບໍ່ພຽງແຕ່ ແມ່ນໂອ ກາດ ເພື່ອເຊີດຊູ ບັນດາຂີດໝາຍ ປະຫວັດສາດ ທີ່ສະຫງ່າອົງອາດ ຂອງຊາດເທົ່ານັ້ນ, ຫາກຍັງ ແມ່ນໂອກາດ ພິເສດເພື່ອໂຄສະນາ ພາບພົດ ນະຄອນຫລວງ ຮ່າໂນ້ຍ “ອະລິຍະທຳ-ສີວິໄລ-ທັນ ສະໄໝ”./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
