ຂປລ
ກອງປະຊຸມ ຄະນະກຳມະການ ຊາຍແດນຮ່ວມ (GBC - General Border Committee) ລະຫວ່າງ ໄທ ແລະ ກຳປູເຈຍ ຈັດຂຶ້ນ ລະຫວ່າງ ວັນທີ 4 ຮອດວັນທີ 7 ສິງຫາ ຢູ່ ມາເລເຊຍ ແທນທີ່ນະຄອນຫລວງ ພະນົມເປັນ ປະເທດ ກຳປູເຈຍ.
ຂປລ.ວິທະຍຸ ກະຈາຍສຽງ ຫວຽດນາມ, ກອງປະຊຸມ ຄະນະກຳມະການ ຊາຍແດນຮ່ວມ (GBC - General Border Committee) ລະຫວ່າງ ໄທ ແລະ ກຳປູເຈຍ ຈັດຂຶ້ນ ລະຫວ່າງ ວັນທີ 4 ຮອດວັນທີ 7 ສິງຫາ ຢູ່ ມາເລເຊຍ ແທນທີ່ນະຄອນຫລວງ ພະນົມເປັນ ປະເທດ ກຳປູເຈຍ. ການເລືອກເອົາ ມາເລເຊຍ ເປັນບ່ອນຈັດກອງປະຊຸມຄັ້ງນີ້ ເພື່ອແນໃສ່ຮັບປະກັນ ລັກສະນະ ເປັນກາງໄກ່ເກ່ຍ. ການກະທຳນີ້ ບໍ່ສ່ອງແສງ ຄວາມບໍ່ເຊື່ອໝັ້ນ ຫາກເພື່ອແນໃສ່ຫລີກລ້ຽງ ຄວາມສ່ຽງເພີ່ມຄວາມເຄັ່ງຕຶງ ແລະ ຮັບປະກັນ ວິວັດການເຈລະຈາດຳເນີນ ເປັນປົກກະຕິ.ຝ່າຍ ກຳປູເຈຍ ໄດ້ມີຄວາມເຫັນດີເຫັນພ້ອມຕໍ່ກັບ ການປ່ຽນບ່ອນ ດຳເນີນ ກອງປະຊຸມ. ແຜນດຳເນີນກອງປະຊຸມ ຈະຈັດຂຶ້ນເປັນເວລາ 3 ວັນ.ເພື່ອເຈລະຈາ ແລະ ເປັນເອກະພາບບາງເນື້ອໃນກ່ຽວຂ້ອງເຖິງການຮັກສາສັນຕິພາບຢູ່ເຂດ ຊາຍແດນ ໄທ - ກຳປູເຈຍ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
