ຂປລ
ຂປລ. ກອງປະຊຸມກວດກາເນື້ອໃນຮອບດ້ານຂອງຮ່າງກົດໝາຍ ວ່າດ້ວຍ ຢາ ແລະ ຜະລິດຕະພັນການແພດ (ສະບັບປັບປຸງ) ຈັດຂຶ້ນໃນວັນທີ 12-13 ພຶດສະພາ 2025 ທີ່ສະພາແຫ່ງຊາດ(ສພຊ) ໂດຍການເປັນປະທານຂອງ ທ່ານ ຄຳໃບ ດຳລັດ ຮອງປະທານສະພາແຫ່ງຊາດ, ມີປະທານ ແລະ ຮອງປະທານກຳມາທິການທີ່ກ່ຽວຂ້ອງ
ຂປລ. ກອງປະຊຸມກວດກາເນື້ອໃນຮອບດ້ານຂອງຮ່າງກົດໝາຍ ວ່າດ້ວຍ ຢາ ແລະ ຜະລິດຕະພັນການແພດ (ສະບັບປັບປຸງ) ຈັດຂຶ້ນໃນວັນທີ 12-13 ພຶດສະພາ 2025 ທີ່ສະພາແຫ່ງຊາດ(ສພຊ) ໂດຍການເປັນປະທານຂອງ ທ່ານ ຄຳໃບ ດຳລັດ ຮອງປະທານສະພາແຫ່ງຊາດ, ມີປະທານ ແລະ ຮອງປະທານກຳມາທິການທີ່ກ່ຽວຂ້ອງ ຂອງ ສພຊ, ຮອງລັດຖະມົນຕີກະຊວງ ແລະ ອົງການທີ່ກ່ຽວຂ້ອງ, ຄະນະທີ່ປຶກສາທາງດ້ານກົດໝາຍ ຂອງຄະນະປະຈຳ ສະພາແຫ່ງຊາດ, ພ້ອມດ້ວຍຫົວໜ້າ-ຮອງຫົວໜ້າກົມ, ຄະນະພະແນກ ແລະ ພະນັກງານ-ລັດຖະກອນຈາກພາກສ່ວນ ກ່ຽວຂ້ອງ ເຂົ້າຮ່ວມ.
ໂອກາດນີ້, ທ່ານ ຄຳໃບ ດຳລັດ ໄດ້ມີຄໍາເຫັນວ່າ: ຮ່າງກົດໝາຍວ່າດ້ວຍ ຢາ ແລະ ຜະລິດຕະພັນການແພດ ສະບັບປັບປຸງນີ້, ກ່ອນທີ່ລັດຖະບານ ຈະສະເໜີຫາຄະນະປະຈໍາສະພາແຫ່ງຊາດ, ກະ ຊວງສາທາລະນະສຸກ ກໍໄດ້ສົມທົບກັບພາກສ່ວນກ່ຽວຂ້ອງ ດໍາເນີນການຄົ້ນຄວ້າປັບປຸງ ຕາມຂັ້ນຕອນຂອງການສ້າງນິຕິກໍາແລ້ວ. ສະນັ້ນ, ການຈັດກອງປະຊຸມໃນຄັ້ງນີ້, ຈຶ່ງມີຄວາມສໍາຄັນຫລາຍ ເພາະຈະໄດ້ຄົ້ນຄວ້າເນື້ອໃນຢ່າງລະອຽດ, ຮອບດ້ານ ແນໃສ່ເຮັດໃຫ້ຮ່າງກົດໝາຍມີເນື້ອໃນຄົບຖ້ວນ, ຮັດ ກຸມ ແລະ ສາມາດນໍາເຂົ້າພິຈາລະນາ ໃນກອງປະຊຸມສະໄໝສາມັນເທື່ອທີ່ 9 ຂອງສະພາແຫ່ງຊາດ ຊຸດທີ IX ທີ່ຈະມາ ເຖິງນີ້.
ໃນກອງປະຊຸມ, ຜູ້ເຂົ້າຮ່ວມໄດ້ເປັນເຈົ້າການຄົ້ນຄວ້າ ແລະ ປະກອບຄໍາຄິດເຫັນຕໍ່ບັນດາເນື້ອໃນ ຮ່າງກົດໝາຍ ທີ່ຕິດພັນກັບພາລະບົດບາດ, ສິດ ແລະ ໜ້າທີ່ຂອງຂະແໜງການຕົນ ແລະ ມີຄໍາເຫັນລົງເລິກແຕ່ລະພາກ, ໝວດ, ມາດຕາ. ໃນນັ້ນ, ມີຫລາຍເນື້ອໃນຂອງຫລາຍມາດຕາ ໄດ້ຮັບການປັບປຸງໃຫ້ມີຄວາມຄົບຖ້ວນ, ຮັດກຸມ ແລະ ຊັດເຈນ ຂຶ້ນກວ່າເກົ່າ.
ຂ່າວ: ສອນສັກ ວັນວິໄຊ
KPL
