ຂປລ
ຫ້ອງວ່າການ ລັດຖະບານຈີນ ໄດ້ເຜີຍແຜ່ “ຫລາຍມາດຕະການ ກ່ຽວກັບ ການສະໜັບ ສະໜູນ ການກໍ່ສ້າງ ຕົວເມືອງໃຈກາງ ດ້ານການບໍລິໂພກ ສາກົນ” ຂອງກະຊວງ ການຄ້າຈີນ ໂດຍມີເນື້ອໃນ ຢ່າງຈະແຈ້ງວ່າ: ຈະນຳໃຊ້ ມາດຕະການຕ່າງໆ
ຂປລ.ວິທະຍຸ ສາກົນ ແຫ່ງ ສປ ຈີນ, ຫ້ອງວ່າການ ລັດຖະບານຈີນ ໄດ້ເຜີຍແຜ່ “ຫລາຍມາດຕະການ ກ່ຽວກັບ ການສະໜັບ ສະໜູນ ການກໍ່ສ້າງ ຕົວເມືອງໃຈກາງ ດ້ານການບໍລິໂພກ ສາກົນ” ຂອງກະຊວງ ການຄ້າຈີນ ໂດຍມີເນື້ອໃນ ຢ່າງຈະແຈ້ງວ່າ: ຈະນຳໃຊ້ ມາດຕະການຕ່າງໆ ເປັນຕົ້ນ: ການປັບປຸງ ນະໂຍບາຍ ເຂົ້າເມືອງ ແລະ ສະພາບ ແວດລ້ອມ ການບໍລິໂພກ ໃຫ້ດີຂຶ້ນ, ເລັ່ງການກໍ່ສ້າງຕົວເມືອງໃຈກາງ ດ້ານການບໍລິໂພກ ສາກົນ ເພື່ອສ້າງສະພາບແວດລ້ອມ ການບໍລິໂພກ ທີ່ມີສະເໜ່ ດຶງດູດໃຈ ຂອງໂລກ.ສປ ຈີນ ຈະເປີດກວ້າງ ຂອບເຂດ ປະເທດ ທີ່ຍົກເວັ້ນວີຊາ ແຕ່ຝ່າຍດຽວ ຢ່າງເປັນລະບຽບ, ຍົກສູງ ປະສິດທິພາບ ຂອງນະໂຍບາຍ ຍົກເວັ້ນວີຊາ ສຳລັບ ຄົນຕ່າງປະເທດ ຜ່ານດ່ານ, ພ້ອມທັງ ປັບປຸງ ການປະກອບ ເອກະສານ ເຂົ້າເມືອງ ຂອງຄົນຕ່າງປະເທດ ໃຫ້ດີຂຶ້ນ, ສຸມໃສ່ປັບປຸງ ລະບົບການຊຳລະເງິນ ດ້ວຍຫລາຍຮູບແບບ ໃຫ້ສົມບູນຂຶ້ນ, ສະໜັບສະໜູນ ການນຳໃຊ້ກະເປົາເງິນ ເອເລັກໂຕຣນິກ ຕ່າງປະເທດ ຢູ່ພາຍໃນປະເທດຈີນ ໂດຍມີເປົ້າໝາຍ ເພື່ອເພີ່ມທະວີ ການບໍລິໂພກ ໂດຍຜ່ານ ການເປີດກວ້າງ ການເປີດປະຕູ ສູ່ພາຍນອກໃນ ລະດັບສູງ ເພື່ອເປັນການຄ້ຳປະກັນ ໃຫ້ແກ່ ການເປີດກວ້າງ ຄວາມຕ້ອງການ ພາຍໃນ ແລະ ການຈັດສັນ ຊັບພະຍາກອນສາກົນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
