ຂປລ
ຂປລ. ພິທີປະດັບຫລຽນກາລະນຶກ 70 ປີ ພັກປະຊາຊົນປະຕິວັດລາວ (ພັກ ປປ ລາວ) ໃຫ້ບັນດາສະຫາຍ ການນຳ, ອະດີດການນຳຂັ້ນສູງ ພັກ, ລັດ ເນື່ອງໃນໂອກາດເຫລີມສະຫລອງວັນສ້າງຕັ້ງພັກ ປປ ລາວ ຄົບຮອບ 70 ປີ ຈັດຂຶ້ນໃນວັນທີ 21 ມີນາ 2025 ໃຫ້ກຽດປະດັບຫລຽນໂດຍ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ, ສະຫາຍ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສະພາແຫ່ງຊາດ ແລະ ສະຫາຍ ບຸນທອງ ຈິດມະນີ ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ.
ຂປລ. ພິທີປະດັບຫລຽນກາລະນຶກ 70 ປີ ພັກປະຊາຊົນປະຕິວັດລາວ (ພັກ ປປ ລາວ) ໃຫ້ບັນດາສະຫາຍ ການນຳ, ອະດີດການນຳຂັ້ນສູງ ພັກ, ລັດ ເນື່ອງໃນໂອກາດເຫລີມສະຫລອງວັນສ້າງຕັ້ງພັກ ປປ ລາວ ຄົບຮອບ 70 ປີ ຈັດຂຶ້ນໃນວັນທີ 21 ມີນາ 2025 ໃຫ້ກຽດປະດັບຫລຽນໂດຍ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ, ສະຫາຍ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສະພາແຫ່ງຊາດ ແລະ ສະຫາຍ ບຸນທອງ ຈິດມະນີ ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ.
ບັນດາການນໍາ ພັກ-ລັດ ທີ່ໄດ້ຮັບການປະດັບຫລຽນໃນຄັ້ງນີ້ປະກອບມີ: ອະດີດເລຂາທິການໃຫຍ່, ປະ ທານປະເທດ 2 ສະຫາຍ, ສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດ (ຄົນປັດຈຸບັນ), ບັນດາສະຫາຍ ກົມການເມືອງສູນກາງພັກ ແລະ ອະດີດກຳມະການກົມການເມືອງສູນກາງພັກ ຈຳນວນ 16 ສະຫາຍ, ບັນດາ ສະຫາຍ ຄະນະເລຂາທິການສູນກາງພັກ ແລະ ອະດີດການນໍາ ພັກ-ລັດ ຈຳນວນ 7 ສະຫາຍ. ພ້ອມນີ້, ຍັງໄດ້ ປະດັບໃຫ້ບັນດາສະຫາຍ ຮອງປະທານສະພາແຫ່ງຊາດ, ອະດີດຮອງປະທານສະພາແຫ່ງຊາດ ແລະ ອະດີດການນຳພັກ, ລັດ ຈຳນວນ 8 ສະຫາຍ.
ການປະດັບຫລຽນໃນຄັ້ງນີ້, ເປັນການຍ້ອງຍໍສັນລະເສີນ ຄຸນງາມຄວາມດີ ແລະ ຜົນງານ ອັນໃຫຍ່ຫລວງ ຂອງບັນດາການນຳ, ອະດີດການນຳ ພັກ, ລັດ ທີ່ໄດ້ອຸທິດຕົນ ເຂົ້າໃນການປະຕິບັດໜ້າທີ່ ນຳພາ-ຊີ້ນຳ ສ້າງສາພັດທະນາປະເທດຊາດ ໃນໄລຍະຜ່ານມາ ຈົນຮອດປັດຈຸບັນ, ເຮັດໃຫ້ປະເທດຊາດ ໄດ້ຮັບການພັດທະນາ ຢ່າງຕໍ່ເນື່ອງ, ເສດຖະກິດ-ສັງຄົມມີການຂະຫຍາຍຕົວ, ປະຊາຊົນຢູ່ດີກິນດີ, ມັ່ງຄັ່ງເຂັ້ມແຂງ. ພ້ອມນີ້, ຍັງເປັນການຢັ້ງຢືນ ແລະ ຈາລຶກສັນລະເສີນຜົນງານອັນໃຫຍ່ຫລວງ ຂອງບັນດາສະຫາຍສະມາຊິກພັກ, ພະນັກງານປະຕິວັດອາວຸໂສ ຜູ້ທີ່ມີຄຸນງາມຄວາມດີ, ອຸທິດເຮື່ອແຮງ, ສະຕິປັນຍາ ປະກອບສ່ວນປະຕິບັດໜ້າທີ່ ວຽກງານ ສອງໜ້າທີ່ຍຸດທະສາດ ຄື: ປົກປັກຮັກສາ ແລະ ສ້າງສາພັດທະນາປະເທດຊາດ ຕະຫລອດໄລຍະຜ່ານມາ ໃຫ້ຮຸ່ງເຮືອງສີວິໄລ ຈົນຮອດປັດຈຸບັນ.
ຂ່າວ: ທະນູທອງ
ພາບ: ອ່າຍຄຳ
KPL
