ຂປລ
ປັດຈຸບັນ ຖົ່ວງອກກຳລັງເປັນທ່ີນິຍົມບໍລິໂພກຢ່າງຫລວງຫລາຍ ບ່ໍວ່າຈະໃສ່ເຂົ້າປຽກ, ໃສ່ລາບ ແລະ ອ່ືນໆ, ແຕ່ທ່ານຮູ້ບ່ໍວ່າຖ່ົວງອກຍັງມີສານອາຫານທ່ີມີປະໂຫຍດຕ່ຮ່າງກາຍມີທາດໂປຣຕີນ, ວິຕາມິນ ແລະ ເກືອແຮ່ ເຊິ່ງເປັນທາດທີ່ດີຕ່ໍສຸຂະພາບຂອງຄົນເຮົາ.
*ປັດຈຸບັນ ຖົ່ວງອກກຳລັງເປັນທ່ີນິຍົມບໍລິໂພກຢ່າງຫລວງຫລາຍ ບ່ໍວ່າຈະໃສ່ເຂົ້າປຽກ, ໃສ່ລາບ ແລະ ອ່ືນໆ, ແຕ່ທ່ານຮູ້ບ່ໍວ່າຖ່ົວງອກຍັງມີສານອາຫານທ່ີມີປະໂຫຍດຕ່ຮ່າງກາຍມີທາດໂປຣຕີນ, ວິຕາມິນ ແລະ ເກືອແຮ່ ເຊິ່ງເປັນທາດທີ່ດີຕ່ໍສຸຂະພາບຂອງຄົນເຮົາ. ຖົ່ວງອກເປັນພືດຊະນິດດຽວທີ່ໃຊ້ເວລາການເພາະ 3-4 ມື້ ເທົ່ານັ້ນກໍ່ສາມາດນຳມາຮັບປະທານໄດ້. ມື້ນີ້ເຮົາກໍມີວິທີ ແລະ ຂັ້ນຕອນການກ້າຖົ່ວງອກທີ່ໄດ້ຮັບຜົນດີມາຝາກທ່ານຜູ້ອ່ານ.
1, ກຽມໄຫ ຫລື ຖັງ, ເອົານ້ຳຮ້ອນປະສົມກັບນ້ຳເຢັນ (ນ້ຳປົກກະຕິ) ຄື: ນ້ຳຮ້ອນ 1 ສ່ວນ ຖອກລົງໄຫ ຫລື ຖັງ ເພື່ອໃຫ້ໄດ້ນ້ຳອຸ່ນປະມານ 50-60 ອົງສາເພື່ອກຽມແຊ່ຖົ່ວ.
2, ແກ່ນຖົ່ວທີ່ຈະນຳມາເຮັດຄວນເລືອກຖົ່ວທີ່ນິຍົມບໍລິໂພກເຊັ່ນ: ຖົ່ວຂຽວ. ກ່ອນຈະເຮັດຕ້ອງລ້າງຖ່ົວໃຫ້ສະອາດກ່ອນໂດຍການແຊ່ຖົ່ວໃນນ້ຳອຸ່ນທີ່ກຽມໄວ້ປະໄວ້ຈົນນ້ຳເຢັນລົງ ແລະ ແຊ່ຕໍ່ໄປດົນ 6-8 ຊົ່ວໂມງ.
3, ນຳໄຫອີກໜ່ວຍໜຶ່ງ (ໄຫທີ່ກຽມເຮັດຖ່ົວງອກ) ນຳມາເຈາະຮູນ້ອຍໆຢູ່ບໍລິເວນກົ້ນໄຫປະມານ 7-8 ຮູ ເພື່ອລະບາຍນ້ຳບໍ່ໃຫ້ຂັງໃນເວລາທີ່ເຮົາຫົດນ້ຳ ແລະ ບໍ່ໃຫ້ຖ່ົວເນ່ົາ. ຫລັງຈາກນ້ັນ, ກ່ໍນຳຖ່ົວທ່ີແຊ່ໄວ້ (ຕາມຂ້ັນຕອນ 2) ຄົບ 6-8 ຊົ່ວໂມງໃສ່ລົງໄຫທີ່ເຈາະຮູ (ຖົ່ວທີ່ແຊ່ດ້ວຍນ້ຳອຸ່ນແລ້ວ ຈະຕ່ືງຂຶ້ນ)ໂດຍປົກກະຕິຖົ່ວ 1 ສ່ວນ ຈະເຕີບໂຕເປັນຖົ່ວງອກປະມານ 5-6 ເທົ່າດັ່ງນັ້ນຂະໜາດຂອງພາຊະນະທີ່ໃສ່ຄວນເລືອກໃຫ້ຈະເໝາະສົມ.
4, ເມື່ອເອົາຖົ່ວໃສ່ໄຫແລ້ວເຂ່ຍໄປມາໃຫ້ພຽງກັນແລ້ວປິດປາກໄຫ ດ້ວຍຟອງນ້ຳ ຫລື ຜ້າແພຫລັງຈາກນັ້ນຫົດນ້ຳໃຫ້ທົ່ວການຫົດນ້ຳຄວນຫົດ 2 ເທື່ອຕໍ່ວັນ, ເທື່ອທຳອິດຫົເພື່ອລະບາຍຄວາມຮ້ອນ ເທື່ອທີ 2 ເພື່ອໃຫ້ຖົ່ວຊຸ່ມນ້ຳ ແລະ ຄວນເກັບໄວ້ໃນທີ່ຮົ່ມບໍ່ຮ້ອນ ແລະ ພື້ນແຫ້ງ.
ຫລັງຈາກເຮັດຂັ້ນຕອນທີ 4 ສໍາເລັດມື້ທີ 2 ແກ່ນຖົ່ວກໍ່ຈະເລີ່ມງອກອອກມາ, ມື້ທີ 3 ຖົ່ວງອກກໍ່ຈະເລີ່ມຈະເລີນເຕີບໂຕແຕ່ຍັງບໍ່ໃຫຍ່ພໍປານໃດໃນມື້ທີ 4 ຖົ່ວງອກກໍ່ຈະໃຫຍ່ສົມບູນ ແລະ ສາມາດນຳມາຮັບປະທານໄດ້ຢ່າງແຊບ.
ໂດຍ: ມາລີດາ
KPL
