ຂປລ
ຂປລ. ໃນຕອນເຊົ້າວັນທີ 21 ມັງກອນ 2025 ນີ້, ທ່ານ ສອນໄຊ ສີພັນດອນ ນາຍົກລັດຖະ ມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງເຖິງນະຄອນຫລວງໂຕກຽວ, ປະເທດຍີ່ປຸ່ນ ເພື່ອດໍາເນີນການຢ້ຽມຢາມ ແລະ ເຮັດວຽກທາງການ ແຕ່ວັນທີ 21-23 ມັງກອນ 2025 ເຊິ່ງຖືກຕ້ອນຮັບໂດຍ ທ່ານ ມິຢາຊິຕະ ທາດະຢຸກິ (MIYASHITA Tadayuki) ຫົວໜ້າກົມພິທີ ການທູດ, ກະຊວງການຕ່າງປະເທດຍີ່ປຸ່ນ, ພ້ອມດ້ວຍຄະນະນໍາ ແລະ ພະນັກງານຈາກສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາ ຍີ່ປຸ່ນ ໃຫ້ການຕ້ອນຮັບຢ່າງອົບອຸ່ນ.
ຂປລ. ໃນຕອນເຊົ້າວັນທີ 21 ມັງກອນ 2025 ນີ້, ທ່ານ ສອນໄຊ ສີພັນດອນ ນາຍົກລັດຖະ ມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງເຖິງນະຄອນຫລວງໂຕກຽວ, ປະເທດຍີ່ປຸ່ນ ເພື່ອດໍາເນີນການຢ້ຽມຢາມ ແລະ ເຮັດວຽກທາງການ ແຕ່ວັນທີ 21-23 ມັງກອນ 2025 ເຊິ່ງຖືກຕ້ອນຮັບໂດຍ ທ່ານ ມິຢາຊິຕະ ທາດະຢຸກິ (MIYASHITA Tadayuki) ຫົວໜ້າກົມພິທີ ການທູດ, ກະຊວງການຕ່າງປະເທດຍີ່ປຸ່ນ, ພ້ອມດ້ວຍຄະນະນໍາ ແລະ ພະນັກງານຈາກສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາ ຍີ່ປຸ່ນ ໃຫ້ການຕ້ອນຮັບຢ່າງອົບອຸ່ນ.
ການຢ້ຽມຢາມຄັ້ງນີ້, ແມ່ນຕອບຮັບຕາມການເຊື້ອເຊີນຂອງ ທ່ານ ອິຊິບະ ຊິເງະຣຸ ນາຍົກລັດ ຖະມົນຕີ ແຫ່ງ ປະເທດຍີ່ປຸ່ນ ເພື່ອສືບຕໍ່ຮັດແໜ້ນສາຍພົວພັນ ມິດຕະພາບອັນເປັນມູນເຊື້ອ ແລະ ການຮ່ວມມືອັນດີງາມ ໃນໂອກາດສະເຫລີມສະຫລອງ ວັນສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ຍີ່ປຸ່ນ ຄົບຮອບ 70 ປີ.
ໃນໄລຍະເຄື່ອນໄຫວຢ້ຽມຢາມຢູ່ປະເທດຍີ່ປຸ່ນ ຄັ້ງນີ້, ທ່ານ ສອນໄຊ ສີພັນດອນ ຈະເຂົ້າຢ້ຽມ ຂໍ່ານັບສົມເດັດ ອົງມຸງກຸດຣາຊະກຸມມານ ອາກິຊິໂນະ ແຫ່ງ ປະເທດຍີ່ປຸ່ນ, ພົບປະສຸດຍອດສອງຝ່າຍກັບ ທ່ານ ອິຊິບະ ຊິເງະຣຸ ນາຍົກລັດຖະມົນຕີ ແຫ່ງ ຍີ່ປຸ່ນ, ເຂົ້າຮ່ວມກອງປະຊຸມສົ່ງເສີມການລົງທຶນ ລາວ-ຍີ່ປຸ່ນ ແລະ ເຂົ້າຮ່ວມງານລ້ຽງສະເຫລີມສະຫລອງ ການສ້າງຕັ້ງສາຍພົວພັນການທູດ ລາວ-ຍີ່ປຸ່ນ ຄົບຮອບ 70 ປີ.
ຂ່າວ-ພາບ: ກຕທ
KPL
