ຂປລ
ທ່ານນາງ ຮັດຍາ ລາບິນ ຫົວໜ້າ ຝ່າຍຈັດການ ພາວະ ວິກິດ ຂອງ ສະຫະພາບ ເອີຣົບ (ອີຢູ) ປະກາດຄວາມຊ່ວຍເຫລືອ ດ້ວຍມູນຄ່າ 235 ລ້ານເອີໂຣ ສໍາລັບ ຊີຣີ ແລະ ປະເທດ ເພື່ອນບ້ານ ໃນລະຫວ່າງ ການເດີນທາງ ຢ້ຽມຢາມ ຄັ້ງທຳອິດ ຂອງ ເຈົ້າໜ້າທີ່ ລະດັບສູງ ຂອງ ອີຢູ.
ຂປລ. ສຳນັກຂ່າວ ເອເອຟພີ ລາຍງານ ຈາກ ນະຄອນຫລວງ ດານັດ ປະເທດ ຊີຣີ ເມື່ອວັນທີ 19 ມັງກອນ 2025, ທ່ານນາງ ຮັດຍາ ລາບິນ ຫົວໜ້າ ຝ່າຍຈັດການ ພາວະ ວິກິດ ຂອງ ສະຫະພາບ ເອີຣົບ (ອີຢູ) ປະກາດຄວາມຊ່ວຍເຫລືອ ດ້ວຍມູນຄ່າ 235 ລ້ານເອີໂຣ ສໍາລັບ ຊີຣີ ແລະ ປະເທດ ເພື່ອນບ້ານ ໃນລະຫວ່າງ ການເດີນທາງ ຢ້ຽມຢາມ ຄັ້ງທຳອິດ ຂອງ ເຈົ້າໜ້າທີ່ ລະດັບສູງ ຂອງ ອີຢູ. ການເດີນທາງ ຢ້ຽມຢາມ ຊີຣີ ໃນຄັ້ງນີ້ ເກີດຂຶ້ນ ຫລັງຈາກ ລັດຖະມົນຕີ ຕ່າງປະເທດ ຈາກ ຝຣັ່ງ ແລະ ເຢຍລະມັນ ຢ້ຽມຢາມ ນະຄອນຫລວງ ດານັດ ພ້ອມກັນນັ້ນ ຮຽກຮ້ອງ ການປ່ຽນຜ່ານ ອຳນາດ ເຊັ່ນ ສັນຕິພາບ ແລະ ຄວບຄຸມ ທ່າມກາງ ກິດຈະກຳ ທາງການທູດຂອງປະເທດຕ່າງໆ ທີ່ ຕ້ອງການຮ່ວມມືກັບ ລັດຖະບານ ຊຸດໃໝ່ ຂອງ ຊີຣີ. ບ້ວງເງິນ ອຸດໜູນ ດັ່ງກ່າວ ຈະຊ່ວຍເຫລືອດ້ານຄວາມຕ້ອງການ ພື້ນຖານ ເຊັ່ນ: ທີ່ພັກອາໄສ, ອາຫານ, ນໍ້າສະອາດ, ສຸຂະອະນາໄມ, ການດູແລ ສຸຂະພາບ, ການສຶກສາ, ສະຖານະການ ສຸກເສີນ ແລະ ອື່ນໆ./.
KPL
