ຂປລ
ສຳນັກງານ ສຳຫລວດ ທາງທໍລະນີວິທະຍາ ແຫ່ງປະເທດ ສປຈີນ ປະກາດວ່າ ການຄົ້ນພົບ ແຫລ່ງແຮ່ທາດ ຫາຍາກ ຂະໜາດໃຫຍ່ ໃນແຂວງວິ໋ນຫນານ (ຢູນນານ) ທາງພາກ ຕາເວັນຕົກ ສຽງໃຕ້ ຂອງ ສປຈີນ ໂດຍຄາດວ່າ ມີຊັບພະຍາກອນ ຈຳນວນ 1,15 ລ້ານໂຕນ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 18 ເດືອນມັງກອນ, ສຳນັກງານ ສຳຫລວດ ທາງທໍລະນີວິທະຍາ ແຫ່ງປະເທດ ສປຈີນ ປະກາດວ່າ ການຄົ້ນພົບ ແຫລ່ງແຮ່ທາດ ຫາຍາກ ຂະໜາດໃຫຍ່ ໃນແຂວງວິ໋ນຫນານ (ຢູນນານ) ທາງພາກ ຕາເວັນຕົກ ສຽງໃຕ້ ຂອງ ສປຈີນ ໂດຍຄາດວ່າ ມີຊັບພະຍາກອນ ຈຳນວນ 1,15 ລ້ານໂຕນ. ສຳນັກງານນີ້ ສັງກັດ ຢູ່ກະຊວງ ຊັບພະຍາກອນ ທຳມະຊາດ ລະບຸວ່າ: ແຫລ່ງແຮ່ທາດ ທີ່ ຄົ້ນພົບໃໝ່ນີ້ ສ່ວນໜຶ່ງ ເປັນແຮ່ທາດ ຫາຍາກ ທີ່ ສຳຄັນເຊັ່ນ: ເພັດຊີໂອດີມຽມ, ນິໂອດີມຽມ, ດີສໂພຣຊຽມ ປະລິມານຫລາຍກວ່າ 4,7 ແສນໂຕນ. ແຫລ່ງແຮ່ທາດ ທີ່ ຄົ້ນພົບໃໝ່ນີ້ ເປັນແຮ່ທາດ ຫາຍາກ ປະເພດ ການດູດຊັບ ອອນລາຍ ຂະໜາດໃຫຍ່ພິເສດ ຊຶ່ງເປັນ ອີກໜຶ່ງ ຄວາມກ້າວໜ້າ ອັນມີໄນສຳຄັນ ໃນສປຈີນ ນັບຕັ້ງແຕ່ ມີການຄົ້ນພົບ ແຮ່ທາດຫາຍາກ ປະເພດນີ້ ຄັ້ງທຳອິດ ໃນແຂວງຈຽງຊີ ທາງຕາເວັນອອກຂອງ ສປຈີນ ໃນປີ 1969. /.
KPL
