ຂປລ
ໃນເດືອນມັງກອນ ປີນີ້ ດັດຊະນີ ຄວາມຈະເລີນ ໃນຂະແໜງການ ຂາຍຍ່ອຍ ຂອງ ສປ ຈີນ ໄດ້ສູງຂຶ້ນ ຢ່າງເດັ່ນຊັດ. ວິສາຫະກິດ ຂາຍຍ່ອຍ ມີຄວາມໝັ້ນໃຈ ເພິ່ມຂຶ້ນ ຢ່າງໝັ້ນທ່ຽງ ຕໍ່ຕະຫລາດ ອຸປະໂພກ-ບໍລິໂພກ.
ຂປລ.ວິທະຍຸ ສາກົນ ແຫ່ງ ສປ ຈີນ, ສະຫະພັນ ສະພາ ການຄ້າຈີນ ແຈ້ງໃຫ້ຮູ້ວ່າ: ໃນເດືອນມັງກອນ ປີນີ້ ດັດຊະນີ ຄວາມຈະເລີນ ໃນຂະແໜງການ ຂາຍຍ່ອຍ ຂອງ ສປ ຈີນ ໄດ້ສູງຂຶ້ນ ຢ່າງເດັ່ນຊັດ. ວິສາຫະກິດ ຂາຍຍ່ອຍ ມີຄວາມໝັ້ນໃຈ ເພິ່ມຂຶ້ນ ຢ່າງໝັ້ນທ່ຽງ ຕໍ່ຕະຫລາດ ອຸປະໂພກ-ບໍລິໂພກ. ສະຫະພັນ ສະພາ ການຄ້າຈີນ ປະກາດ ຂໍ້ມູນຫລ້າສຸດ ສະແດງ ໃຫ້ເຫັນວ່າ: ໃນເດືອນມັງກອນປີນີ້ ດັດຊະນີ ຄວາມຈະເລີນ ໃນຂະແໜງການ ຂາຍຍ່ອຍ ຂອງ ສປ ຈີນ ສູງເຖິງ 51,1%, ເພີ່ມຂຶ້ນ ເດືອນແລ້ວນີ້ 0,7%, ເພີ່ມຂຶ້ນ 0,2% ເມື່ອທຽບໃສ່ ໄລຍະດຽວກັນ ຂອງປີກາຍ. ຄຽງຄູ່ກັບ ການບໍລິໂພກ ໃນຍາມບຸນກຸດຈີນ ພ້ອມດ້ວຍ ການປະຕິບັດ ນະໂຍບາຍ ຊື້ໃໝ່ ແທນເກົ່າ ໃນສິນຄ້າ ປະເພດຕ່າງໆ ເຊັ່ນ: ເຄື່ອງໃຊ້ໄຟຟ້າ ເປັນຕົ້ນ ໃນຮອບໃໝ່, ການອຸປະໂພກ-ບໍລິໂພກສິນຄ້າ ໃນຕະຫລາດ ຂັ້ນເມືອງ ນັບມື້ ນັບຄຶກຄື້ນ ຟົດຟື້ນ, ມີບົດບາດ ເດັ່ນຊັດ ໃນການຊຸກຍູ້ ການບໍລິໂພກ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
