ຂປລ
ງານເທດສະການ ນ້ຳກ້ອນ ແລະ ຫິມະ ປະຈຳປີນີ້ ໃນເມືອງຮາບິນ ຂອງ ສປ ຈີນ ໄດ້ຈັດຂຶ້ນ ຢ່າງຍິງໃຫຍ່ ໃນວັນທີ6 ມັງກອນນີ້ ຊຶ່ງເປັນງານໃຫຍ່ທີ່ສຸດ ເທົ່າທີ່ຈັດມາ ໂດຍນຳ ໃຊ້ນ້ຳກ້ອນ ແລະ ຫິມະ ຫລາຍກວ່າ 300.000 ແມັດກ້ອນ.
ຂປລ.ຕາມຂ່າວ ຈາກເມືອງຮາບິນ, ງານເທດສະການ ນ້ຳກ້ອນ ແລະ ຫິມະ ປະຈຳປີນີ້ ໃນເມືອງຮາບິນ ຂອງ ສປ ຈີນ ໄດ້ຈັດຂຶ້ນ ຢ່າງຍິງໃຫຍ່ ໃນວັນທີ6 ມັງກອນນີ້ ຊຶ່ງເປັນງານໃຫຍ່ທີ່ສຸດ ເທົ່າທີ່ຈັດມາ ໂດຍນຳ ໃຊ້ນ້ຳກ້ອນ ແລະ ຫິມະ ຫລາຍກວ່າ 300.000 ແມັດກ້ອນ.ຮາບິນ ເປັນເມືອງເອກ ຂອງແຂວງ ເຮຍຫລົງເຈຍ ທາງຕາເວັນອອກ ສຽງເໜືອສຸດ ຂອງ ສປ ຈີນ ມີການສະແດງ ແສງສີສຽງ ການຈຸດດອກໄມ້ໄຟ, ສີລະປະ ແກະສະຫລັກ ປາສາດນ້ຳກ້ອນ ແລະ ໂຄງສ້າງຮູບຕ່າງໆ ແລະ ມີລານນ້ຳກ້ອນ ຂະໜາດໃຫຍ່ ດ້ວຍຄວາມຍາວ ຫລາຍກວ່າ 500 ແມັດ ທ່າມກາງ ສະພາບ ອາກາດໜາວແຮງ ອຸນຫະພູມ ຕິດລົບ 20 ອົງສາເຊ ແລະ ມີຜູ້ເຂົ້າຮ່ວມງານຄັ້ງນີ້ ຢ່າງຫລວງຫລາຍ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
