ຂປລ
ແຫລ່ງຂ່າວ ຈາກກະຊວງ ການຄ້າຈີນ ໃຫ້ຮູ້ວ່າ: ສັນຍາ ການຄ້າ ເສລີ ຈີນ-ມານດິວ ເລີ່ມມີຜົນບັງຄັບໃຊ້ ຢ່າງເປັນທາງການ ນັບແຕ່ຕົ້ນປີ 2025 ເປັນຕົ້ນໄປ.
ຂປລ.ວິທະຍຸ ສາກົນ ແຫ່ງ ສປ ຈີນ, ແຫລ່ງຂ່າວ ຈາກກະຊວງ ການຄ້າຈີນ ໃຫ້ຮູ້ວ່າ: ສັນຍາ ການຄ້າ ເສລີ ຈີນ-ມານດິວ ເລີ່ມມີຜົນບັງຄັບໃຊ້ ຢ່າງເປັນທາງການ ນັບແຕ່ຕົ້ນປີ 2025 ເປັນຕົ້ນໄປ.ພາຍຫລັງ ສັນຍາດັ່ງກ່າວ ມີຜົນບັງຄັບໃຊ້ແລ້ວ, ຜະລິດ ຕະພັນ ອຸດສາຫະກຳ ສວນຫລາຍຂອງ ສປ ຈີນ ເຊັ່ນ: ກ່ຳປັ່ນ, ອຸປະກອນໄຟຟ້າ ແລະ ເຟີນີເຈີ ເປັນຕົ້ນ ພ້ອມທັງ ຜັກ ແລະ ໝາກໄມ້ ທີ່ ສປ ຈີນ ສົ່ງອອກຂາຍໃຫ້ ມານດິວ ຈະໄດ້ຮັບຜົນປະໂຫຍດ, ຜະລິດ ຕະພັນໃນນ້ຳ ສ່ວນຫລວງຫລາຍທີ່ ມານດິວ ສົ່ງອອກຂາຍໃຫ້ ສປ ຈີນ ກໍບໍ່ຕ້ອງ ເສຍພາສີນຳເຂົ້າ ເຊິ່ງຈະເປັນສິ່ງ ຄ້ຳປະກັນດ້ານລະບຽບການ ທີ່ໜັກແໜ້ນ ຕໍ່ການຍົກລະດັບເສລີ ແລະ ຄວາມສະດວກ ໃຫ້ແກ່ ການຄ້າ ແລະ ການາລົງທຶນ ລະຫວ່າງສອງປະເທດ, ຊຸກຍູ້ ໃຫ້ການພົວພັນ ເສດຖະກິດ ການຄ້າ ລະຫວ່າງ ສອງປະເທດ ມີການພັດທະນາດີ ກວ່າເກົ່າ ແລະ ເພີ່ມຄວາມສຸກ ໃຫ້ແກ່ ວິສາຫະກິດ ແລະ ປະຊາຊົນ ສອງຊາດ ຢ່າງບໍ່ຢຸດຢັ້ງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
