ຂປລ
ໂຄສົກລັດຖະບານ ທ້ອງຖິ່ນໃນພາກພື້ນ ຊີດາມາ ທາງພາກໃຕ້ຂອງ ເອທີໂອປີ ກ່າວໃນຖະແຫລງການວ່າ: ເກີດເຫດລົດບັນທຸກ ທີ່ມີຜູ້ໂດຍສານ ຢ່າງໜາແໜ້ນຢູ່ທ້າຍກະບະ ຕົກລົງໃນແມ່ນໍ້າ ເຮັດໃຫ້ມີຜູ້ເສຍຊີວິດ ຢ່າງໜ້ອຍ 71 ຄົນ ແລະ ບາດເຈັບໜັກ 5 ຄົນ ຊຶ່ງພວມປິ່ນປົວຢູ່ໂຮງໝໍ.
ຂປລ.ອ້າງຕາມຂ່າວຕ່າງປະເທດ, ເມື່ອບໍ່ດົນມານີ້, ໂຄສົກລັດຖະບານ ທ້ອງຖິ່ນໃນພາກພື້ນ ຊີດາມາ ທາງພາກໃຕ້ຂອງ ເອທີໂອປີ ກ່າວໃນຖະແຫລງການວ່າ: ເກີດເຫດລົດບັນທຸກ ທີ່ມີຜູ້ໂດຍສານ ຢ່າງໜາແໜ້ນ ຢູ່ທ້າຍກະບະ ຕົກລົງໃນແມ່ນໍ້າ ເຮັດໃຫ້ມີຜູ້ເສຍຊີວິດ ຢ່າງໜ້ອຍ 71 ຄົນ ແລະ ບາດເຈັບໜັກ 5 ຄົນ ຊຶ່ງພວມປິ່ນປົວຢູ່ໂຮງໝໍ.
ອຸບັດເຫດຄັ້ງນີ້ ເກີດຂຶ້ນໃນເຂດ ໂບນາ ໃນຂະນະທີ່ ໂຄສົກຂອງລັດຖະບານ ພາກພື້ນຊີຄາມາ ກ່າວກັບສຳນັກຂ່າວຣອຍເຕີວ່າ: ລົດບັນທຸກຄັນດັ່ງກ່າວ ພວມເດີນທາງ ໄປງານແຕ່ງດອງ ໄດ້ຕົກລົງຂົວ ສູ່ແມ່ນໍ້າ ຊຶ່ງຖະໜົນເສັ້ນນີ້ຄົດລ້ຽວຫລາຍ, ຂະນະທີ່ ລົດບັນທຸກຄັນດັ່ງກ່າວ ບັນທຸກຜູ້ໂດຍສານຫລາຍເກີນໄປ ຈຶ່ງເຮັດໃຫ້ເກີດ ອຸບັດເຫດໃນຄັ້ງນີ້. ປັດຈຸບັນ ເຈົ້າໜ້າທີ່ກ່ຽວຂ້ອງ ພວມເລັ່ງດຳເນີນຄະດີ ສືບສວນ-ສອບສວນ ຂອງອຸບັດເຫດດັ່ງກ່າວ.
KPL
