ຂປລ
ຄໍາສັບໃນພາສາລາວ ມີທັງພະຍາງດຽວ ແລະ ຫລາຍພະຍາງ ເຊິ່ງໂດຍພື້ນຖານຄໍາເຄົ້າທີ່ມີພະຍາງດຽວ ມັກຈະແມ່ນພາສາລາວດັ້ງເດີມ, ບໍ່ແມ່ນຄໍາຢືມ ຫລື ທີ່ມາຈາກພາສາອື່ນທີ່ເຂົ້າມາຢູ່ໃນພາສາລາວ.
*ຄໍາສັບໃນພາສາລາວ ມີທັງພະຍາງດຽວ ແລະ ຫລາຍພະຍາງ ເຊິ່ງໂດຍພື້ນຖານຄໍາເຄົ້າທີ່ມີພະຍາງດຽວ ມັກຈະແມ່ນພາສາລາວດັ້ງເດີມ, ບໍ່ແມ່ນຄໍາຢືມ ຫລື ທີ່ມາຈາກພາສາອື່ນທີ່ເຂົ້າມາຢູ່ໃນພາສາລາວ. ເຖິງຢ່າງໃດກໍ່ດີ ພຶດຕິກໍາການໃຊ້ຕົວຈິງ ຍັງພົບການໃຊ້ຄໍາຫຍ້ໍຈາກຄໍາສອງພະຍາງ ແລະ ຈໍານວນໜຶ່ງກໍ່ຍັງຮັກສາເຄົ້າ ຄວາມໝາຍຂອງມັນເອົາໄວ້, ທັງນີ້ກໍ່ຍ້ອນການພັດທະນາດ້ານພາສາຕາມສະພາບແຕ່ລະໄລຍະ.
ຄໍາວ່າ “ກັນ” ເປັນຄໍາກໍາມະ ຫລື ກິລິຍາ ໝາຍເຖິງຫ້າມ, ກັ້ນ, ບັງ, ປິດ, ອັດດັ່ງວ່າ: ກັນດີກວ່າແກ້... ຄໍາວ່າ “ປ້ອງກັນ” ເປັນຄໍາກໍາມະ ໝາຍເຖິງກັນໄວ້ ເພື່ອຕ້ານທານ ຫລື ຄຸ້ມຄອງ, ປົກປັກຮັກສາບໍ່ໃຫ້ເສຍຫາຍ, ກັນບໍ່ໃຫ້ຜູ້ໃດມາ ທໍາລາຍ. ປະເດັນທີ່ຖືກຕັ້ງຂຶ້ນສົມທຽບຄໍາວ່າ ປ້ອງກັນປະເທດ ແລະ ປ້ອງກັນພະຍາດ, ມີຄວາມໝາຍກົງກັນຂ້າມກັນ, ເຫັນຜູ້ອາວຸໂສສະເໜີ ຜ່ານສ່ືອອນລາຍ ແລະ ມີຫລາຍຄໍາເຫັນ ແລະ ທັດສະນະ.
ສອງຄໍາ ທີ່ເພິ່ນຍົກຂຶ້ນມາຄໍາວ່າ ປ້ອງກັນປະເທດໝາຍເຖິງບໍ່ໃຫ້ສັດຕູຮຸກຮານປະເທດ, ສ່ວນຄໍາປ້ອງກັນພະຍາດໝາຍເຖິງຕ້ານພະຍາດ. ຄວາມໝາຍສອງຄໍາ ມີລັກສະນະປີ້ນກັນ. ແນວໃດກໍ່ດີກໍ່ມີການໃຊ້ມາເປັນໄລຍະເວລາດົນພໍສົມຄວນ, ຂໍໃຫ້ເປັນໜ້າທີ່ຂອງນັກຄົ້ນຄວ້າດ້ານພາສາລົງເລິກຕໍ່ໄປ.
ດັ່ງນັ້ນ ຈຶ່ງນໍາສຶກສາຮ່ວມກັນຄືດັ່ງນີ້ແລ, ພໍ້ກັນໃໝ່ບົດຕໍ່ໄປ.
ຮິບໂຮມໂດຍ: ພະກາ
KPL
