ຂປລ
ຂປລ. ພິທີມອບການຍ້ອງຍໍນັກສິລະປິນ, ນັກປະພັນທີ່ມີ ຜົນງານດີເດັ່ນ ໃນໂອກາດສະເຫລີມ ສະຫລອງ 75 ປີ ຂອງກອງທັບປະຊາຊົນລາວ ຈັດຂຶ້ນໃນວັນທີ 27 ພະຈິກ 2024 ຢູ່ສະໂມສອນກອງສິລະປະກອນກອງທັບປະຊາຊົນລາວ ໂດຍການເປັນປະທານ ແລະ ມອບໃບຍ້ອງຍໍຂອງ ທ່ານ ພົນໂທ ທອງລອຍ ສີລິວົງ ຮອງລັດຖະມົນຕີກະຊວງປ້ອງກັນປະເທດ, ມີຜູ້ຕາງໜ້າຄະນະນໍາ, ບັນດາກະ ຊວງ, ກົມໃຫຍ່, ຫ້ອງວ່າການກະຊວງ, ນັກສິລະປິນ, ນັກປະພັນ ແລະ ພາກສ່ວນກ່ຽວຂ້ອງເຂົ້າຮ່ວມ.
ຂປລ. ພິທີມອບການຍ້ອງຍໍນັກສິລະປິນ, ນັກປະພັນທີ່ມີ ຜົນງານດີເດັ່ນ ໃນໂອກາດສະເຫລີມ ສະຫລອງ 75 ປີ ຂອງກອງທັບປະຊາຊົນລາວ ຈັດຂຶ້ນໃນວັນທີ 27 ພະຈິກ 2024 ຢູ່ສະໂມສອນກອງສິລະປະກອນກອງທັບປະຊາຊົນລາວ ໂດຍການເປັນປະທານ ແລະ ມອບໃບຍ້ອງຍໍຂອງ ທ່ານ ພົນໂທ ທອງລອຍ ສີລິວົງ ຮອງລັດຖະມົນຕີກະຊວງປ້ອງກັນປະເທດ, ມີຜູ້ຕາງໜ້າຄະນະນໍາ, ບັນດາກະ ຊວງ, ກົມໃຫຍ່, ຫ້ອງວ່າການກະຊວງ, ນັກສິລະປິນ, ນັກປະພັນ ແລະ ພາກສ່ວນກ່ຽວຂ້ອງເຂົ້າຮ່ວມ.
ຜູ້ທີ່ໄດ້ຮັບການຍ້ອງຍໍຄັ້ງນີ້, ປະກອບມີນັກສິລະປິນ, ນັກປະພັນທີ່ມີຜົນງານດີເດັ່ນ ດ້ານເນື້ອຮ້ອງ, ທໍານອງບົດເພງ ແລະ ກອນລໍາ ທີ່ມີເນື້ອໃນ ສັນລະເສີນກອງທັບປະຊາຊົນລາວ ໃນໄລຍະຜ່ານມາ, ລວມທັງຜູ້ທີ່ພັກຜ່ອນຮັບເບ້ຍບຳນານ, ຜູ້ທີ່ລ່ວງລັບໄປແລ້ວ ແລະ ພະນັກງານນັກສະແດງຮຸ່ນສືບທອດ ທັງໝົດ 31 ສະຫາຍ, ທັງນັກສິລະປິນໃນກອງທັບ ແລະ ນອກກອງທັບ. ໃນນີ້, ໄດ້ຮັບຫລຽນໄຊພິລະອາດຫານ ຊັ້ນ 1 ຈໍານວນ 5 ສະຫາຍ, ໄດ້ຮັບຫລຽນໄຊພິລະອາດຫານ ຊັ້ນ II ຈໍານວນ 9 ສະຫາຍ ແລະ ໄດ້ຮັບຫລຽນໄຊພິລະອາດຫານ ຊັ້ນ III ຈໍານວນ 17 ສະຫາຍ.
ໃນພິທີ, ທ່ານ ພົນໂທ ທອງລອຍ ສີລິວົງ ໄດ້ໃຫ້ຮູ້ວ່າ: ການຍ້ອງຍໍນັກສິລະປິນຄັ້ງນີ້, ເປັນການຢັ້ງຢືນຕໍ່ໝາກຜົນໃນການປະກອບສ່ວນ ໃນການປະພັນເນື້ອງຮອງທໍານອງເພັງ, ບົດເພງ, ຂັບລຳ, ບົດຟ້ອນ ແລະ ປະດິດດົນຕີ ເຂົ້າໃນວຽກງານໂຄສິນາ ສຶກສາອົບຮົມການເມືອງ-ແນວຄິດ ໃນກອງທັບເຮົາໃນໄລຍະຜ່ານມາ, ເຮັດໃຫ້ວຽກງານ ສຶກສາອົບຮົມການເມືອງ-ແນວຄິດຢູ່ ໃນກອງທັບເຮົາໄດ້ຮັບຜົນດີ ແລະ ມີຫລາຍຮູບການ ໂດຍຜ່ານບັນດາບົດເພງ, ບົດຂັບລຳ, ບົດຟ້ອນ, ບົດດົນຕີ ແລະ ຫລາຍສຽງເພງ ຍັງເປັນອຳມະຕະຢູ່ໃນສັງຄົມປັດຈຸບັນ ທີ່ຮັບໃຊ້ສັງຄົມ, ຜ່ານສື່ມວນ ຊົນຂອງກອງທັບເຮົາ(ທາງວິ ທະຍຸເອັບເອັມກອງທັບ, ລາຍການໂທລະພາບກອງທັບ) ໂຄສະນາເຜີຍແຜ່ແນວທາງ ນະໂຍບາຍຂອງພັກ, ມະຕິຂອງຄະນະພັກກະຊວງປ້ອງກັນປະເທດ, ທາດແທ້ ມູນເຊື້ອ ກໍຄື ຜົນງານໄຊຊະນະທີ່ກອງທັບເຮົາຍາດມາໄດ້ໃນໄລຍະ 75 ປີ ຜ່ານມາ ແລະ ອື່ນໆ.
ການຍ້ອງຍໍນັກ ສິລະປິນຄັ້ງນີ້, ຈະເປັນການປະກອບສ່ວນສໍາຄັນທີ່ສຸດ ໃຫ້ແກ່ນັກສິລະປິນ, ນັກປະດິດຄິດແຕ່ງ ແນໃສ່ປຸກລະດົມແນວຄິດ ຖັນແຖວພະນັກງານ-ນັກຮົບ, ນັກປະພັນ ຢູ່ບັນດາກົມກອງ-ທ້ອງຖິ່ນ ໃຫ້ລາຍຂຶ້ນ ເພື່ອເຄື່ອນໄຫວໂຄ ສະນາເຜີຍແຜ່ປະຫວັດມູນເຊື້ອ, ປະຫວັດສາດສໍາຄັນຕ່າງໆຂອງ ພັກ, ຂອງຊາດ, ຂອງກອງທັບ ແລະ ສາກົນຢ່າງກວ້າງຂວາງ-ເລິກເຊິ່ງ.
ຂ່າວ: ວຽງສະຫວັນ
ພາບ: ເກດສະໜາ
KPL
