ຂປລ
ທ່ານ ໂດນັນ ທຣຳ,ວ່າທີ ປະທານາທິບໍດີ ສ.ອາເມລິກາ ປະກາດ ຈະເກັບພາສີ 25% ຕໍ່ສິນຄ້າ ທັງໝົດ ທີ່ມາຈາກ ເມັກຊິກ ແລະ ການາດາ ສົ່ງເຂົ້າ ສ.ອາເມຣິກາ. ນອກນີ້, ຍັງຈະຂຶ້ນພາສີ ອີກ 10% ຕໍ່ສິນຄ້າທີ່ນຳເຂົ້າ ຈາກ ສປ ຈີນ.
ຂປລ.ວິທະຍຸ ສາກົນ ແຫ່ງ ສປ ຈີນ, ທ່ານ ໂດນັນ ທຣຳ,ວ່າທີ ປະທານາທິບໍດີ ສ.ອາເມລິກາ ປະກາດ ຈະເກັບພາສີ 25% ຕໍ່ສິນຄ້າ ທັງໝົດ ທີ່ມາຈາກ ເມັກຊິກ ແລະ ການາດາ ສົ່ງເຂົ້າ ສ.ອາເມຣິກາ. ນອກນີ້, ຍັງຈະຂຶ້ນພາສີ ອີກ 10% ຕໍ່ສິນຄ້າທີ່ນຳເຂົ້າ ຈາກ ສປ ຈີນ.ໃນການໃຫ້ສຳພາດ ເທື່ອໜຶ່ງໃນປີ 2023 ຜ່ານມາ, ທ່ານ ໂດໂນ ທຣຳ ໄດ້ສະເໜີວ່າ: ຈະເກັບພາສີທົ່ວໄປ ໃນອັດຕາ 10% ຕໍ່ສິນຄ້ານຳເຂົ້າທັງໝົດ. ໃນເດືອນພະຈິກປີນີ້, ຜົນການຄົ້ນຄວ້າ ຂອງສະມາຄົມ ຂາຍຍ່ອຍທົ່ວປະເທດ ອາເມລິກາ(NFR) ສະແດງໃຫ້ເຫັນວ່າ: ຖ້າວ່າ ແຜນການເກັບພາສີ ສະບັບໃໝ່ ຂອງທ່ານ ໂດນັນ ທຣຳ ໄດ້ຮັບການປະຕິບັດແທ້, ຄວາມສາມາດ ການບໍລິໂພກ ປະຈຳປີ ຂອງຜູ້ບໍລິໂພກ ອາເມລິກາ ຈະຫລຸດລົງ 78 ຕື້ໂດລາສະຫະລັດ. ຜົນການຄົ້ນຄວ້າ ສະແດງໃຫ້ເຫັນວ່າ, ພາສີເຫລົ່ານີ້ ຈະກະທົບເຖິງ ເຄື່ອງອຸປະໂພກ ບໍລິໂພກ ປະເພດເຄື່ອງນຸ່ງ, ເຄື່ອງຫລິ້ນ, ເຟີນີເຈີ, ເຄື່ອງໃຊ້ໄຟຟ້າ, ເກີບ ແລະ ເຄື່ອງໃຊ້ໃນການເດີນທາງ ແລະ ອື່ນໆອີກ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
