ຂປລ
ອີງຕາມຂໍ້ມູນຈາກກອງປະຊຸມ ປະເມີນເກັບກຳຂໍ້ມູນວຽກງານສະຖິຕິຂອງຂະແໜງ ຖວທ ແຂວງ ໄຊສົມບູນ ປະຈຳປີ 2024 ຈັດຂຶ້ນເມື່ອບໍ່ດົນມານີ້ ໃຫ້ຮູ້ວ່າ: ທົ່ວແຂວງມີແຫລ່ງທ່ອງທ່ຽວທັງໝົດ 75 ແຫ່ງ, ສະເພາະປີນີ້, ນັບແຕ່ຕົ້ນປີມາຮອດປັດຈຸບັນມີນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າໄປທ່ຽວຊົມ ພາຍໃນແຂວງແລ້ວ 24.202 ເທື່ອຄົນ.
*ອີງຕາມຂໍ້ມູນຈາກກອງປະຊຸມ ປະເມີນເກັບກຳຂໍ້ມູນວຽກງານສະຖິຕິຂອງຂະແໜງ ຖວທ ແຂວງ ໄຊສົມບູນ ປະຈຳປີ 2024 ຈັດຂຶ້ນເມື່ອບໍ່ດົນມານີ້ ໃຫ້ຮູ້ວ່າ: ທົ່ວແຂວງມີແຫລ່ງທ່ອງທ່ຽວທັງໝົດ 75 ແຫ່ງ, ສະເພາະປີນີ້, ນັບແຕ່ຕົ້ນປີມາຮອດປັດຈຸບັນມີນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າໄປທ່ຽວຊົມ ພາຍໃນແຂວງແລ້ວ 24.202 ເທື່ອຄົນ, ສາມາດສ້າງລາຍຮັບໄດ້ 399.360 ໂດລາສະຫະລັດ ເທົ່າກັບ 120% ຂອງແຜນການປີ.
ສໍາລັບແຂວງໄຊສົມບູນ ປັດຈຸບັນກໍາລັງກະກຽມຈັດງານສະເຫລີມສະຫລອງປີທ່ອງທ່ຽວລາວ 2024 ຕິດພັນກັບການສະເຫລີມສະຫລອງຫໍຫລັກເມືອງ ແລະ ພຸດທະພິເສກຮູບປັ້ນຫລໍ່ເຈົ້າອະນຸວົງ ລະຫວ່າງວັນທີ 28 ພະຈິກ ຫາ ວັນທີ 3 ທັນວາ 2024 ເຊິ່ງຈະມີ ຫລາຍກິດຈະກໍາເພື່ອດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດ ເຊັ່ນ: ການສະແດງສິລະປະ-ວັນນະຄະດີຈາກກະຊວງປ້ອງກັນປະເທດ, ການສະແດງກາຍະສິນຂອງກະຊວງຖະແຫລ່ງຂ່າວວັດທະນະທຳ ແລະ ທ່ອງທ່ຽວ, ງານຕະຫລາດກາງຄືນ, ການວາງສະແດງສິນຄ້າຫັດຖະກຳ, ກະສິກຳ, ເທສະການອາຫານ, ກິດຈະກໍາງົວຊົນງົວ, ຕັ້ງກອງບຸນ ແລະ ຄົບງັນຫາເຈົ້າອະນຸວົງຕາມຮີດຄອງປະເພນີທີ່ສວນສາທາລະນະກໍ້າເຈົ້າອະນຸວົງ, ໃສ່ບາດຖວາຍສັງຄະທານແດ່ພະສົງ 31 ອົງ, ພິທີທາງສາສະໜາສູດປະຣິຕະມຸງຄຸນທີ່ຫໍຫລັກເມືອງປີທີ 3. ນອກຈາກນີ້ ຍັງມີກິດຈະກໍາທ່ອງທ່ຽວເຊັ່ນ: ທ່ຽວຊົມແຫລ່ງທ່ອງທ່ຽວທຳມະຊາດພູຫົວໂລ້ນ, ຖໍ້າເຈົ້າອະນຸວົງ, ວັງນໍ້າຂຽວ ແລະ ຂຶ້ນຊົມທິວທັດທຳມະຊາດພູເບ້ຍ ແລະ ອື່ນໆ.
KPL
