ສະຖາບັນຂົງຈື ສະຫລອງວັນຂົງຈືໂລກ ພ້ອມເປີດສົກຮຽນໃໝ່ສົກຮຽນ 2024-2025

25/11/2024 11:03
Email Print 2074
ຂປລ ຂປລ. ສະຖາບັນຂົງຈື ມະຫາວິທະຍາໄລແຫ່ງຊາດ ຈັດພິທີສະເຫລີມສະຫລອງວັນຂົງຈືໂລກ ຄົບຮອບ 20 ປີ ແລະ ເປີດສົກຮຽນໃໝ່ສົກຮຽນ 2024-2025 ໃນວັນທີ 23 ພະຈິກ 2024 ທີ່ສະຖາບັນຂົງຈື



ຂປລ. ສະຖາບັນຂົງຈື  ມະຫາວິທະຍາໄລແຫ່ງຊາດ ຈັດພິທີສະເຫລີມສະຫລອງວັນຂົງຈືໂລກ ຄົບຮອບ 20 ປີ ແລະ ເປີດສົກຮຽນໃໝ່ສົກຮຽນ 2024-2025 ໃນວັນທີ 23 ພະຈິກ 2024 ທີ່ສະຖາບັນຂົງຈື ໂດຍການເປັນກຽດເຂົ້າຮ່ວມຂອງ ທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ,  ທ່ານນາງ ຟາງຫົງ ເອກອັກຄະລັດຖະທູດ ສປ ຈີນ ປະຈໍາ ສປປ ລາວ, ທ່ານ ເດຊານຸລາດ ແສນດວງເດດ ວ່າການແທນອະທິການບໍດີ ມະຫາວິທະຍາໄລແຫ່ງຊາດ, ມີຜູ້ອໍານວຍການສະຖາບັນຂົງຈືຝ່າຍລາວ, ຝ່າຍຈີນ ແລະ ພາກສ່ວນ ກ່ຽວຂ້ອງເຂົ້າຮ່ວມ.




ໂອກາດນີ້,  ທ່ານ ຄຳຮຸ່ງ ຈັນທະວົງ ຜູ້ອຳນວຍການສະຖາບັນຂົງຈືຝ່າຍລາວ ໄດ້ຜ່ານບົດສະຫລຸບ ການຈັດ ຕັ້ງປະຕິບັດ ວຽກງານປະຈໍາສົກຮຽນ 2023-2024 ແລະ ແຜນການປີ 2024-2025  ເຊິ່ງສະຖາບັນຂົງຈື ໄດ້ສ້າງຕັ້ງຂຶ້ນໃນວັນທີ 23 ມີນາ 2010 ປັດຈຸບັນສະຖາບັນຂົງຈື ມີຫ້ອງຮຽນຂົງຈືທີ່ຂຶ້ນກັບ 5 ແຫ່ງຄື: ຫ້ອງຮຽນຂົງຈື ມສ ສາທິດ, ມສ ວຽງຈັນ, ໂຮງຮຽນຊົນເຜົ່າ ກິນນອນວັງວຽງ, ສະຖາບັນການເມືອງ-ການປົກຄອງແຫ່ງຊາດ ແລະ ວິທະຍຸກະຈາຍສຽງແຫ່ງຊາດລາວ.  ໃນສົກຮຽນ 2023-2024 ສະຖາບັນຂົງຈື ໄດ້ສໍາເລັດການ ຈັດສອບເສັງ ຄັດເລືອກນັກສຶກສາເຂົ້າຮຽນ ແລະ ລົງທະບຽນຮັບນັກສຶກສາ ຫລັກສູດປະລິນຍາຕີ ສາຂາຄູພາສາຈີນປີ 1 ສົກຮຽນ 2024 ຈໍານວນ 106 ຄົນ, ປັດຈຸບັນສະຖາບັນຂົງຈື ມີນັກສຶກສາປີ 1 ຫາ ປີ 4 ຈໍານວນ 336 ຄົນ ຍິງ 103 ຄົນ, ໄດ້ສໍາເລັດການຝຶກອົບຮົບ ພາສາຈີນສະເພາະ ໃຫ້ຄະນະນໍາຄະນະຈັດຕັ້ງສູນກາງພັກ, ສໍາເລັດການຝຶກອົບຮົມ ຫລັກສູດ ບໍາລຸງ ພາສາຈີນ ໃຫ້ກໍາລັງປ້ອງກັນຄວາມສະຫງົບ ກົມໃຫຍ່ສັນຕິບານ, ສໍາເລັດການດໍາເນີນຂໍ້ຕົກລົງ ທຶນນະໂຍບາຍໃຫ້ແກ່​ນັກສຶກ​ສາ​​ທຸກ​ຍາກ, ຮຽນ​ດີ​ຮຽນ​ເກັ່ງທີ່​ສະ​ຖາ​ບັນ​ຂົງ​ຈືຊຸດທີ 27-28 ປະຈໍາສົກປີ 2023-2024 ທັງໝົດ 240 ທຶນຕໍ່ປີ, ສໍາເລັດການປະເມີນ ການສອນຂອງອາຈານ ໃນຫລັກສູດປະລິນຍາຕີສາຂາຄູພາສາຈີນ, ພາກບໍາລຸງພາສາຈີນ, ຫ້ອງຮຽນຂົງຈື ແລະ ຈຸດຮຽນພາສາຈີນ ຂອງສະຖາບັນຂົງຈືປະຈໍາສົກຮຽນ 2023-2024 ຈໍານວນ 2 ຄັ້ງ ແລະ ອື່ນໆ.




ໃນພິທີ, ຍັງໄດ້ມອບນາມມະຍົດພັດທະນາດີເດັ່ນ ໃຫ້ພະນັກງານຄູ-ອາຈານ, ມອບໃບຍ້ອງຍໍຂັ້ນລັດຖະມົນ ຕີກະຊວງສຶກສາທິການ ແລະ ກິລາ ແລະ ຂັ້ນອະທິການບໍດີ ມຊ ໃຫ້ຄູ-ອາຈານ ທີ່ມີຜົນງານດີເດັ່ນໃນໄລຍະ 1 ປີຜ່ານມາ ແລະ ພິທີເຊັນສັນຍາສືບຕໍ່ມອບທຶນ ການສຶກສາໃຫ້ແກ່ ​ນັກສຶກ​ສາ​​ທຸກ​ຍາກ, ຮຽນ​ດີ​ຮຽນ​ເກັ່ງຂອງທະນາ ຄານລາວ-ຈີນ ໃຫ້ແກ່ ສະຖາບັນຂົງຈື ຕື່ມອີກ.



ຂ່າວ-ພາບ: ກິດຕາ

KPL

ຂ່າວອື່ນໆ

    • ສົ່ງເສີມການສະໜັບສະໜູນຄູ ເນັ້ນໃສ່ການນຳພາໃນຂັ້ນທ້ອງຖິ່ນຢູ່ ສປປ ລາວສຶກສາ-ກິລາ

      ສົ່ງເສີມການສະໜັບສະໜູນຄູ ເນັ້ນໃສ່ການນຳພາໃນຂັ້ນທ້ອງຖິ່ນຢູ່ ສປປ ລາວ

      10/30/2026 9:31:17 AM

      ກະຊວງສຶກສາທິການ ແລະ ກິລາ (ສສກ) ແຫ່ງ ສປປ ລາວ ໂດຍໄດ້ຮັບການສະໜັບສະໜູນຈາກລັດຖະບານອົດສະຕຣາລີ ຜ່ານແຜນງານບີຄວາ ຈັດສຳມະນາຄັ້ງທີ 2 ກ່ຽວກັບ “ການຂຽນເອກະສານການຊ່ວຍເຫຼືອຄູ” ໃນວັນທີ 19-23 ຕຸລາ 2026. ກອງປະຊຸມດັ່ງກ່າວຈະຊ່ວຍໃຫ້ຜູ້ຝຶກອົບຮົມຄູສາມາດພັດທະນາເອກະສານທີ່ນຳໄປໃຊ້ໄດ້ຈິງ ເພື່ອສະໜັບສະໜູນຄູ, ພ້ອມທັງສົ່ງເສີມຄວາມສາມາດຂອງເຂົາເຈົ້າໃນການສ້າງ ແລະ ປັບປຸງເອກະສານເຫຼົ່ານັ້ນໃນອະນາຄົດ.

    • ອະດີດຮອງປະທານປະເທດ ເຄື່ອນໄຫວຢ້ຽມຢາມໂຮງຮຽນປະຖົມບ້ານແກສຶກສາ-ກິລາ

      ອະດີດຮອງປະທານປະເທດ ເຄື່ອນໄຫວຢ້ຽມຢາມໂຮງຮຽນປະຖົມບ້ານແກ

      10/28/2026 9:51:27 AM

      ວັນທີ 25 ຕຸລາ 2026 ຜ່ານມາ, ທ່ານ ນາງ ປານີ ຢາທ່ໍຕູ້ ອະດີດກຳມະການກົມການເມືອງສູນກາງພັກ, ອະດີດຮອງປະທານປະເທດ, ອະດີດຜູ້ຊີ້ນຳວຽກງານຮອບດ້ານແຂວງຈຳປາສັກ ໄດ້ເດີນທາງມາຢ້ຽມຢາມ ແລະ ມອບເຄື່ອງບັນເທົາທຸກ ພ້ອມທຶນເພື່ອຊຸກຍູ້, ພັດທະນາໂຮງຮຽນປະຖົມບ້ານແກ ນະຄອນປາກເຊ.

    • ສຳເລັດການຍົກລະດັບຄວາມຮູ້ການຂັບຮ້ອງປະສານສຽງຫຼັກສູດໂຄດາຍສຶກສາ-ກິລາ

      ສຳເລັດການຍົກລະດັບຄວາມຮູ້ການຂັບຮ້ອງປະສານສຽງຫຼັກສູດໂຄດາຍ

      10/19/2026 10:06:39 AM

      ເມື່ອບໍ່ດົນມານີ້, ວິທະຍາໄລສິລະປະແຫ່ງຊາດ, ສະຖານທູດຮົງກາຣີ ປະຈຳລາວ ແລະ ສະຖາບັນ Liszt - ສູນວັດທະນະທຳຮົງກາຣີ ປະຈຳປັກກິ່ງ ໄດ້ສຳເລັດຊຸດຝຶກອົບຮົມຍົກລະດັບຄວາມຮູ້ການຂັບຮ້ອງປະສານສຽງຫຼັກສູດໂຄດາຍ (Kodály) ໂດຍມີ ທ່ານ ວິລະພັນ ຊາພູວົງ ຜູ້ອຳນວຍການວິທະຍາໄລສິລະປະແຫ່ງຊາດ, ທ່ານ László Takács ເອກອັກຄະລັດຖະທູດຮົງກາຣີ ປະຈຳ ສປປ ລາວ, ພ້ອມດ້ວຍຄູ-ອາຈານ ແລະ ນ້ອງນັກຮຽນ ເຂົ້າຮ່ວມ.

    • ມອບ-ຮັບປຶ້ມແບບຮຽນຊັ້ນປະຖົມສຶກສາ ໃຫ້ 2 ແຂວງພາກເໜືອ ທີ່ໄດ້ຮັບຜົນກະທົບຈາກໄພນ້ຳຖ້ວມສຶກສາ-ກິລາ

      ມອບ-ຮັບປຶ້ມແບບຮຽນຊັ້ນປະຖົມສຶກສາ ໃຫ້ 2 ແຂວງພາກເໜືອ ທີ່ໄດ້ຮັບຜົນກະທົບຈາກໄພນ້ຳຖ້ວມ

      10/15/2026 11:32:50 AM

      ລັດຖະບານອົດສະຕຣາລີ ແລະ ລັດຖະບານຍີ່ປຸ່ນ ໄດ້ມອບປຶ້ມແບບຮຽນ ແລະ ອຸປະກອນການຮຽນ-ການສອນ ສຳລັບໂຮງຮຽນປະຖົມສຶກສາ (ຊັ້ນ ປ.1-ປ.5) ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມ ທີ່ແຂວງຫຼວງນ້ຳທາ ແລະ ແຂວງອຸດົມໄຊ ເພື່ອຊ່ວຍໃຫ້ຄູ ແລະ ນັກຮຽນສາມາດສືບຕໍ່ການຮຽນ-ການສອນໄດ້.

    • ສສກ ເປີດຊຸດຝຶກອົບຮົມຫຼັກສູດ ບໍລິຫານ-ຄຸ້ມຄອງລັດ ສຳລັບຜູ້ບໍລິຫານລະດັບສູງສຶກສາ-ກິລາ

      ສສກ ເປີດຊຸດຝຶກອົບຮົມຫຼັກສູດ ບໍລິຫານ-ຄຸ້ມຄອງລັດ ສຳລັບຜູ້ບໍລິຫານລະດັບສູງ

      10/14/2026 9:40:14 AM

      ກະຊວງສຶກສາທິການ ແລະ ກິລາ ເປີດຊຸດຝຶກອົບຮົມຫຼັກສູດການບໍລິຫານ-ຄຸ້ມຄອງລັດ ສຳລັບຜູ້ບໍລິຫານລະດັບສູງ (ປະເພດ 3) ພາຍໃຕ້ການເປັນປະທານຂອງ ທ່ານ ກິ່ງມະໂນ ພົມມະຫາໄຊ ຄະນະປະຈຳພັກກະຊວງ, ຮອງລັດຖະມົນຕີກະຊວງສຶກສາທິການ ແລະ ກິລາ, ມີ ທ່ານ ລຳພູນ ຫຼວງໄຊ ຫົວໜ້າກົມພັດທະນາຄູ ແລະ ບໍລິຫານການສຶກສາ ກະຊວງສຶກສາທິການ ແລະ ກິລາ ພ້ອມດ້ວຍພະນັກງານບໍລິຫານຂັ້ນຮອງຫົວໜ້າຫ້ອງການ, ຮອງຫົວໜ້າກົມພາຍໃນກະຊວງ, ຫົວໜ້າພະແນກສຶກສາທິການ ແລະ ກິລາ ແຂວງ/ນະຄອນຫຼວງ ແລະ ຫົວໜ້າຫ້ອງການຂອງມະຫາວິທະຍາໄລ ເຂົ້າຮ່ວມ.

ads
ads

Top