ຂປລ
ຂປລ. ກອງປະຊຸມລັດຖະມົນຕີ ພະລັງງານອາຊຽນ ຄັ້ງທີ 42 ປິດລົງດ້ວຍຜົນສຳເລັດອັນຈົບ ງາມ ໃນຕອນບ່າຍຂອງວັນທີ 26 ກັນຍາ 2024 ໂດຍການເປັນປະທານຂອງ ທ່ານ ໂພໄຊ ໄຊຍະສອນ ລັດຖະມົນຕີ ກະຊວງພະລັງງານ ແລະ ບໍ່ແຮ່, ທັງເປັນປະທານກອງປະຊຸມ ລັດຖະມົນຕີພະລັງງານອາຊຽນ ຄັ້ງທີ 42, ມີບັນດາລັດຖະມົນຕີ, ຮອງລັດຖະມົນຕີ ຈາກປະເທດສະມາຊິກອາຊຽນ ແລະປະເທດ ຕີມໍແລັດສະເຕ, ຮອງເລຂາທິການອາຊຽນ, ກອງເລຂາອາຊຽນ, ສູນພະລັງງານຂອງອາຊຽນເຂົ້າຮ່ວມ.
ຂປລ. ກອງປະຊຸມລັດຖະມົນຕີ ພະລັງງານອາຊຽນ ຄັ້ງທີ 42 ປິດລົງດ້ວຍຜົນສຳເລັດອັນຈົບ ງາມ ໃນຕອນບ່າຍຂອງວັນທີ 26 ກັນຍາ 2024 ໂດຍການເປັນປະທານຂອງ ທ່ານ ໂພໄຊ ໄຊຍະສອນ ລັດຖະມົນຕີ ກະຊວງພະລັງງານ ແລະ ບໍ່ແຮ່, ທັງເປັນປະທານກອງປະຊຸມ ລັດຖະມົນຕີພະລັງງານອາຊຽນ ຄັ້ງທີ 42, ມີບັນດາລັດຖະມົນຕີ, ຮອງລັດຖະມົນຕີ ຈາກປະເທດສະມາຊິກອາຊຽນ ແລະປະເທດ ຕີມໍແລັດສະເຕ, ຮອງເລຂາທິການອາຊຽນ, ກອງເລຂາອາຊຽນ, ສູນພະລັງງານຂອງອາຊຽນເຂົ້າຮ່ວມ.
ທ່ານ ໂພໄຊ ໄຊຍະສອນ ໄດ້ສະແດງຄວາມຂອບໃຈຕໍ່ບັນດາ ຄະນະຜູ້ແທນ ທີ່ໄດ້ປະກອບສ່ວນຢ່າງເຕັມເມັດເຕັມໜ່ວຍ ໂດຍສະເພາະ ການໃຫ້ຄຳເຫັນຊີ້ນຳຂອງ ບັນດາທ່ານລັດຖະມົນຕີ ທີ່ເຕັມ ໄປດ້ວຍຄວາມໝາຍຄວາມສໍາຄັນ ໃນການກຳນົດທິດທາງ ແລະ ຍຸດທະສາດດ້ານພະລັງງານ ເພື່ອໃຫ້ສອດຄ່ອງກັບ ວິໄສທັດອາຊຽນ, ສາມາດສັງລວມປະເດັນສຳຄັນ ໄດ້ຄື: ການຮັບປະກັນການສະໜອງ ພະລັງງານໃຫ້ໝັ້ນຄົງ ທີ່ພວກເຮົາຕ້ອງຮັບຮູ້ເຖິງຄວາມຈໍາເປັນ ໃນການສ້າງຄວາມສົມດຸນ ລະຫວ່າງ ຄວາມໝັ້ນຄົງ ແລະ ການພັດທະນາທີ່ຍືນຍົງ, ການນໍາໃຊ້ຊັບພະຍາກອນ ແລະ ທ່າແຮງພະລັງງານອາຊຽນ ຢ່າງມີປະສິດຕິຜົນໃຫ້ເກີດ ຜົນປະໂຫຍດສູງສຸດ ແກ່ທຸກພາກສ່ວນ; ສ້າງເງື່ອນໄຂສະດວກ ເພື່ອເຊື່ອມໂຍງຕະຫລາດ ພະລັງງານລະຫວ່າງກັນ ເຊັ່ນ: ຊຸກຍູ້ການເຊື່ອມໂຍງຕາຂາຍໄຟຟ້າ (APG) ແລະ ການເຊື່ອມໂຍງທໍ່ສົ່ງອາຍແກັສອາຊຽນ ເຊິ່ງມີຄວາມສຳຄັນຕໍ່ການສ້າງ ຕະຫລາດພະລັງງານທີ່ມີເຂັ້ມແຂງ ແລະ ເຊື່ອມໂຍງກັນຫລາຍຂຶ້ນ ສາມາດຕອບສະໜອງ ຄວາມຕ້ອງການທັງໃນປັດຈຸບັນ ແລະ ອະນາຄົດ; ເສີມຂະຫຍາຍການຮ່ວມມື ກັບບັນດາຄູ່ຮ່ວມພັດທະນາ ແລະ ອົງການຈັດຕັ້ງສາກົນ ເພື່ອແບ່ງປັນຂໍ້ມູນ, ສ້າງອົງຄວາມຮູ້ວິຊາການດ້ານພະລັງງານ ລວມທັງການເປີດຮັບນະວັດຕະກໍາ ເຕັກໂນໂລຊີໃໝ່ໆ ເພື່ອໃຊ້ໃນການຜະລິດ ແລະ ຄຸ້ມຄອງພະລັງງານ ເພື່ອເພີ່ມປະສິດຕິພາບ ແລະ ຫລຸດຄ່າໃຊ້ຈ່າຍ.
ກອງປະຊຸມລັດຖະມົນຕີພະລັງງານອາຊຽນຄັ້ງທີ 42 ໄດ້ສຳເລັດລົງ ແລະ ໄດ້ຮັບໝາກຜົນຕາມຄາດໝາຍ ທີ່ໄດ້ກຳນົດໄວ້, ເຊິ່ງຈະເປັນບ່ອນອີງທີ່ສຳຄັນ ສໍາລັບການສືບຕໍ່ປຶກສາຫາລືເຮັດວຽກຮ່ວມກັນ.
ຂ່າວ: ກິດຕາ
ພາບ: ຂັນໄຊ
KPL
