ຂປລ
ຕະຫລອດ ໄລຍະ 30 ປີ ແຫ່ງການຮ່ວມ ເດີນທາງ ພ້ອມກັບ ອາ ຊຽນ, ສສ ຫວຽດນາມ ບໍ່ພຽງແຕ່ ປະກອບສ່ວນ ເຂົ້າວຽກງານ ປັບປຸງ ຄວາມສາ ມັກຄີ ພາຍໃນກຸ່ມ, ສ້າງປະຊາຄົມ ອາຊຽນ ທີ່ໝັ້ນຄົງ ເຂັ້ມແຂງ ເທົ່ານັ້ນ ຫາກຍັງ ປະກອບສ່ວນ ຍົກສູງຖານະ ບົດບາດ ຂອງປະເທດຊາດ ບົນເວທີສາກົນ.
ຂປລ.ວິທະຍຸ ກະຈາຍສຽງ ຫວຽດນາມ, ວັນທີ21ກໍລະກົດນີ້, ຕະຫລອດ ໄລຍະ 30 ປີ ແຫ່ງການຮ່ວມ ເດີນທາງ ພ້ອມກັບ ອາ ຊຽນ, ສສ ຫວຽດນາມ ບໍ່ພຽງແຕ່ ປະກອບສ່ວນ ເຂົ້າວຽກງານ ປັບປຸງ ຄວາມສາ ມັກຄີ ພາຍໃນກຸ່ມ, ສ້າງປະຊາຄົມ ອາຊຽນ ທີ່ໝັ້ນຄົງ ເຂັ້ມແຂງ ເທົ່ານັ້ນ ຫາກຍັງ ປະກອບສ່ວນ ຍົກສູງຖານະ ບົດບາດ ຂອງປະເທດຊາດ ບົນເວທີສາກົນ. ນີ້ແມ່ນການຢັ້ງຢືນ ຂອງວົງການ ນັກຊ່ຽວຊານ ອິນໂດເນເຊຍ ກ່ຽວກັບ ເສັ້ນທາງ 30 ປີທີ່ ສສ ຫວຽດນາມ ເຂົ້າຮ່ວມ ອາຊຽນ. ຕາມທ່ານ ນາງ ດິນນາ ປຣາໂຕ ຣາຮາຈາ(Dinna Prapto Raharja), ນັກຊ່ຽວຊານ ຄົ້ນຄວ້າ ຂຶ້ນກັບ ສະຖາບັນຄົ້ນຄວ້າ ນະໂຍບາຍ Synergy ຂອງ ອິນໂດເນເຊຍແລ້ວ, ເລື່ອງ ສສ ຫວຽດນາມ ເຂົ້າຮ່ວມ ອາຊຽນ ເມື່ອປີ 1995 ໄດ້ປັບປຸງ ຖານະພູມີສາດ ການເມືອງ ຂອງບັນດາປະເທດ ອາຊີ ຕາເວັນອອກ ສ່ຽງໃຕ້(ອາຊຽນ). ສສ ຫວຽດນາມ ມີຄວາມສະເໝີຕົ້ນ ສະເໝີປາຍ ຕໍ່ການປະຕິບັດ ການປະຕິຮູບ, ອາດສາມາດ ແມ່ນຮູບແບບ ໃນອາຊຽນ. ໃນຂະນະນັ້ນ, ທ່ານ ເບນິສ ຊູກາດິສ (Beni Sukadis) ຜູ້ປະສານງານ ຂັ້ນສູງຂອງ ສະຖາບັນ ຄົ້ນຄວ້າ ການປ້ອງກັນຊາດ ແລະ ຍຸດທະສາດ ອິນໂດເນເຊຍ(Lesperssi) ຖືວ່າ ສສ ຫວຽດນາມ ດ້ວຍຄວາມໄວ ໃນການພັດທະນາ ແລະ ນະໂຍບາຍ ເສດຖະກິດ, ປະກອບສ່ວນ ຊຸກຍູ້ອາຊຽນ ກາຍເປັນຕະຫລາດ ເຊື່ອມໂຍງກ່ວາ, ພິເສດ ໃນການປະເສີນໜ້າກັບ ຕະຫລາດ ເສລີ ໃນອາຊຽນ. ຮອດປີ 2045, ສສ ຫວຽດນາມ ຈະກາຍເປັນໜຶ່ງ ໃນບັນດາກຳລັງໜູນ ຊຸກຍູ້ ອາຊຽນ ຮັກສາ ບົດບາດ ເປັນໃຈກາງ ໃນໂຄງປະກອບ ພາກພື້ນ ມະຫາສະໝຸດ ອິນເດຍ-ປາຊີຟິກ, ສືບຕໍ່ປະກອບສ່ວນ ໃຫ້ແກ່ ອາຊຽນ ສ້າງຄວາມເຂັ້ມ ແຂງ ດ້ວຍຕົນເອງ, ເຊື່ອມໂຍງ ແລະ ຖືປະຊາຊົນ ເປັນໃຈກາງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
