ຂປລ
ສິ່ງເສດເຫລືອ ທີ່ຫລາຍຄົນເບິ່ງ ຂ້າມ ແຕ່ກັບມີປະໂຫຍດ ຖ້າເຮົາຮູ້ ນໍາມາປະຍຸກໃຊ້ໃຫ້ເກີດປະໂຫຍດ ເໝືອນດັ່ງ ນາງ ດາວວະດີ ມະຫາໄຊ ເປັນອີກຄົນໜຶ່ງທີ່ມີແນວຄິດສ້າງສັນ ນໍາເອົາແພເສດ ມາປະຍຸກເປັນເຄື່ອງໃຊ້.
*ສິ່ງເສດເຫລືອ ທີ່ຫລາຍຄົນເບິ່ງ ຂ້າມ ແຕ່ກັບມີປະໂຫຍດ ຖ້າເຮົາຮູ້ ນໍາມາປະຍຸກໃຊ້ໃຫ້ເກີດປະໂຫຍດ ເໝືອນດັ່ງ ນາງ ດາວວະດີ ມະຫາໄຊ ເປັນອີກຄົນໜຶ່ງທີ່ມີແນວຄິດສ້າງສັນ ນໍາເອົາແພເສດ ມາປະຍຸກເປັນເຄື່ອງໃຊ້ ເປັນຕົ້ນຖົງແພຝ້າຍ, ຜ້າຮອງ ຈອກ, ໂບຜັດຜົນ , ຜ້າປິດປາກ ແລະ ອື່ນໆທີ່ສວຍງາມ ແລະ ເປັນເອກະລັກຂອງຄົນລາວອອກສູ່ສັງຄົມ ອີກຢ່າງໜຶ່ງກໍເປັນການປົກຮັກສາສິ່ງແວດລ້ອມອີກດ້ວຍ.
ນາງ ດາວວະດີ ມະຫາໄຊ ເປັນຜູ້ບໍລິຫານ ລີຄາບລາວ ( RE CRAFT LAOS) ເວົ້າສູ່ຟັງວ່າ: ຈຸດເລີ່ມຕົ້ນຂອງຜະລິດ ຕະພັນ ລີ ຄາບລາວ ເກີດຂຶ້ນຍ້ອນຕົນເອງ ເບິ່ງ ເຫັນຄຸນຄ່າຈາກສິ່ງເສດເຫລືອ ກໍຄື ແພເສດທີ່ເຫລືອຈາກການຕັດຫຍີບມີຈໍານວນຫລາຍຖ້າເຮົາຖີ້ມໄປກໍ ເພີ່ມຈໍານວນຂີ້ເຫຍື້ອໃນແຕ່ລະມື້. ດັ່ງນັ້ນຈຶ່ງມີຄວາມຄິດ ຢາກເອົາສີ່ງ ເສດເຫລືອເຫລົ່ານີ້ມາສ້າງມູນຄ່າ ເພີ່ມ ຈົນກາຍມາເປັນ ຜະລິດຕະພັນ ລີຄາບລາວ, ອີກຢ່າງໜຶ່ງກໍຍ້ອນຕົນ ເອງ ເປັນຄົນພື້ນຖານຈາກແຂວງຫລວງພະບາງ ຈຶ່ງຮູ້ວ່າ ແມ່ຍິງ ແຂວງຫລວງພະບາງສ່ວນຫລາຍມີ ຄວາມຮູ້, ຄວາມສາມາດດ້ານການ ຫຍິບປັກ, ຖັກແຊວ, ຕໍ່າຫູກທໍໄໝ ຢູ່ແລ້ວ ກໍເລີຍຢາກຊຸກຍູ້ສົ່ງເສີມໃຫເຂົາເຈົ້າ ໂດຍໃຫ້ເຂົາເຈົ້າເຮັດຜະ ລິດຕະພັນຕ່າງໆ ເພື່ອສະໜອງໃຫ້ ແລ້ວຮັບຊື້ນໍາມາຈໍໜ່າຍ ເລີ່ມແຕ່ປີ 2021 ເຊິ່ງໄລຍະນັ້ນ ເປັນພຽງ ໂຄງການໄລຍະສັ້ນ ແຕ່ຍ້ອນສັງຄົມໃຫ້ຄວາມສົນໃຈຜະລິດຕະພັນຫລາຍ ຈຶ່ງກາຍມາເປັນທຸລະກິດ ໃນ ປັດຈຸບັນ ໂດຍມີສິນຄ້າຫລາຍແບບ ບໍ່ວ່າຈະເປັນກະເປົາ, ຜ້າຮອງຈອກ, ໂບຜັດຜົນ, ຜ້າປິດປາກ ແລະ ໃນໄວໆ ນີ້ກໍມີຜະລິດຕະພັນໃໝ່ອອກມາກໍຄື ກະເປົາສໍາລັບໃສ່ທໍ່ດູດ, ຖົງຫີ້ວກະ ຕິກນໍ້າ, ຈອກ ໂດຍການຂາຍແມ່ນ ຂາຍອອກລາຍ ແລະ ກໍມີການຝາກຂາຍບັນດາຮ້ານຫັດຖະກໍາຕ່າງໆ ໃນນະຄອນຫລວງວຽງຈັນ.
ນອກຈາກນີ້, ກໍຍັງມີລູກຄ້າຕ່າງ ປະເທດເຂົ້າສັ່ງຈອງທາງອອນລາຍ ອີກດ້ວຍ. ສິ່ງນີ້ ສ້າງຄວາມພູມໃຈ ຫລາຍທີ່ຜະລິດຕະພັນເຮົາໄດ້ຮັບ ຄວາມນິຍົມທັງພາຍໃນ ແລະ ຕ່າງປະເທດ ເນຶ່ອງຈາກວ່າ ກ່ອນຈະ ອອກແບບຕ້ອງໄດ້ຄິດ, ວິເຄາະເຖິງ ຄວາມຕ້ອງການຂອງຜູ້ບໍລິໂພກ ເຮັດແນວໃດຈຶ່ງເຮັດໃຫ້ຜະລິດຕະ ພັນອອກມາທັນສະໄໝ ຕອບໂຈດ ກັບຫລາຍໆໄວ, ຫລາຍໆກຸ່ມຄົນ ເຊິ່ງວ່າແພທີ່ນໍາມາຜະລິດເປັນກະ ເປົານັ້ນ ແມ່ນແພຈາກແຂວງຫລວງ ພະບາງ, ສ່ວນແພເສດ ແມ່ນມາ ຈາກຮ້ານຫັດຖະກໍາ ແລະ ຮ້ານຕັດຫຍິບໃນນະຄອນຫລວງວຽງຈັນ ແລ້ວນໍາມາປະສົມປະສານກັນ ຈຶ່ງ ໄດ້ຜະລິດຕະພັນທີ່ສວຍງາມ.
ນາງ ດາວວະດີ ເວົ້າຕື່ມວ່າ: ສໍາ ລັບເປົ້າໝາຍຫລັກໆ ກໍຢາກຂະ ຫຍາຍຜະລິດຕະພັນໃຫ້ທົ່ວເຖິງພາຍ ໃນປະເທດ ແລະ ຢາກຂະຫຍາຍຖານ ລູກຄ້າຕ່າງປະເທດໃຫ້ຫລາຍຂຶ້ນ. ຂະຫຍາຍການຜະລິດ ໃຫ້ແຕ່ລະ ບ້ານໃນແຂວງຫລວງພະບາງມີ ລາຍຮັບຫລາຍຂຶ້ນ ເນື່ອງຈາກວ່າ ຄວາມຕ້ອງການຂອງລູກຄ້າມີ ຫລາຍແຕ່ຜູ້ຜະລິດບໍ່ສາມາດຜະ ລິດໄດ້ຕາມຄວາມຕ້ອງການ ແລະ ຍັງໃຊ້ເວລາໃນການຜະລິດຫລາຍ ດັ່ງນັ້ນ, ສິ່ງນີ້ ຈຶ່ງເປັນສິ່ງສໍາຄັນ ແລະ ເປົ້າໝາຍໃນອະນາຄົດທີ່ຫວັງ ວ່າຈະເຮັດໃຫ້ປະສົບຜົນສໍາເລັດໄດ້.
ໂດຍ: ມາລິດາ
KPL
