*ບໍລິສັດ ໂລກ້າ ຈຳກັດ ຖືເປັນບໍລິສັດອັນດັບໜຶ່ງ ໃນການໃຫບໍລິການຕັກຊີອອນລາຍຜ່ານແອັບພລິເຄຊັນ ແລະ ໄດ້ນໍາສະເໜີບໍລິການໃໝ່ຊ່ືວ່າ ໂລກ້າ ມິນິ (Loca Mini) ຢ່າງເປັນທາງການໃນທ້າຍອາທິດຜ່ານມາ  ດ້ວຍຄວາມມຸ່ງໝັ້ນທ່ີຈະຄົ້ນຄວ້າພັດທະນາຜະລິດຕະພັນ ແລະ  ການບໍລິການໃໝ່ຢ່າງຕໍ່ເນື່ອງ ເພື່ອໃຫ້ທຸກຄົນສາມາດເດີນທາງໄປກັບໂລກ້າຢ່າງສະດວກສະບາຍ, ວ່ອງໄວ ແລະ ປອດໄພ.

     ເນື່ອງຈາກວ່າລົດ ໂລກ້າ ມິນິ  ມາພ້ອມການບໍລິການທ່ີແປກໃໝ່  ແລະ ທັນສະໄໝໃຫ້ທຸກຄົນໄດ້ສຳຜັດແລ້ວມື້ນີ້ໃນນະຄອນຫລວງວຽງຈັນ ດ້ວຍຂະໜາດຂອງລົດທ່ີມີຄວາມກະທັດຮັດສາມາດຮັບຜູ້ໂດຍສານໄດ້ສູງສຸດເຖິງ 2-3 ຄົນ, ມີ ແອເຢັນສະບາຍ ແລະ ໝົດບັນຫາ ກ່ຽວກັບສະພາບອາກາດຝົນຕົກ  ຫລື ມົນລະພິດຈາກຄວັນລົດ, ບໍລິການໂລກ້າ ມິນິ ສ້າງຂຶ້ນມາເພື່ອຕອບໂຈດຫລາຍບັນຫາ ບ່ວ່າຈະເປັນການນັ່ງລົດທີ່ມີແອເຢັນສະບາຍໃນລາຄາປະຢັດ, ບໍ່ຕ້ອງຢ້ານປຽກຝົນ, ແດດຮ້ອນ ແລະ ຝຸ່ນຄວັນ.  ນອກຈາກນັ້ນຍັງມີສາຍຮັດ ເພື່ອຄວາມປອດໄພ ແລະ ຖົງລົມນີລະໄພ ເພື່ອຄວາມປອດໄພຂອງຜູ້ໂດຍສານທຸກຄົນອີກດ້ວຍ.

    ລົດໂລກ້າມິນິແມ່ນລົດພະລັງງານໄຟຟ້າ 100  ເປີເຊັນ  ໂຕລົດມີຄວາມກະທັດຮັດ ແລະ ແຂງແຮງ,  ມີລະບົບຂັບເຄື່ອນທີ່ທັນສະໄໝ ເຊັ່ນ: ລະບົບເລກ ABS, ກ້ອງຫລັງ  ແລະ ມາພ້ອມກັບລະບົບເຊັນເຊີຊ່ວຍເຕືອນຕ່າງໆ ເຊິ່ງມັນໄດ້ເພີ່ມຄວາມເຊື່ອໝັ້ນ ແລະ ເພີ່ມປະສິດທິພາບຂອງການເດີນທາງຄຽງຄູ່ກັບຄວາມທັນສະໄໝທີ່ພາໃຫ້ການເດີນທາງພາຍໃນຕົວເມືອງມີຄວາມສະດວກສະບາຍ, ປອດໄພ ແລະ ວ່ອງໄວ ທັນໃຈຍິ່ງຂຶ້ນ ດ້ວຍປະກັນໄພເດີນທາງພາຍໃນຖ້ຽວທີ່ຄຸ້ມຄອງສູງສຸດເຖິງ 500 ລ້ານກີບ. ມີຄ່າບໍລິການທ່ີປະຢັດກວ່າ ແລະ ຍັງຊ່ວຍຫລຸດຜ່ອນມົນລະພິດທາງອາກາດເປັນການສົ່ງເສີມການນໍາໃຊ້ພະລັງງານສີຂຽວທີ່ຜະລິດພາຍໃນປະເທດອີກດ້ວຍ.

    ການນໍາໃຊ້ບໍລິການໂລກ້າ ມິນິ ແມ່ນຕ້ອງຜ່ານແອັບຂອງ ໂລກ້າ  ເທ່ົານ້ັນເຊ່ິງສາມາດດາວໂຫລດ ໄດ້ຈາກ Apple AppStore ຫລື  Android Play Store ດ້ວຍການຄົ້ນຫາ LOCA LAOS. ສໍາລັບຄ່າໂດຍສານຂອງບໍລິການໂລກ້າ ມິນິ ແມ່ນໄລ່ເປັນຖ້ຽວ,  ເຊິ່ງລາຄາຢູ່ທີ່ 29.500 ກີບໃນ ລັດສະໝີເດີນທາງບໍ່ເກີນ 3 ກິໂລແມັດ. ຫລັງຈາກ 3 ກິໂລແມັດ ຂຶ້ນໄປແມ່ນຈະໄລ່ 7000 ກີບຕໍ່1 ກິໂລ ແມັດ. ແອັບພລິເຄຊັນ ໂລກ້າ ກໍເປັນອີກບໍລິການໜຶ່ງທີ່ໄດ້ຮັບຄວາມສົນໃຈ, ຄວາມເຊື່ອໃຈຈາກການໃຊ້ ບໍລິການຂອງຄົນຕ່າງປະເທດ ແລະ  ພາຍໃນປະເທດເປັນຢ່າງສູງ.

    ບໍລິການໃໝ່ນີ້ຖືວ່າເປັນອີກບາດ ກ້າວໜຶ່ງທີ່ສຳຄັນໃນການສົ່ງເສີມພະລັງງານສະອາດ ແລະ ບໍລິການ ໃໝ່ນີ້ຈະຊ່ວຍຕອບໂຈດທຸກຄວາມຕ້ອງການຂອງຜູ້ໃຊ້ບໍລິການໃນການການເດີນພາຍໃນຕົວເມືອງຫລາຍຂຶ້ນ.

ໂດຍ: ມາລິດາໂດຍ: ມາລິດາ

KPL