ຂປລ
ທາງການ ບາເຣນ ຈະເກັບພາສີກັບ ບໍລິສັດ ຕ່າງປະເທດ ຂະໜາດໃຫຍ່ ເປັນຄັ້ງທຳອິດ ສົ່ງຜົນໃຫ້ ປະເທດ ດຳເນີນ ມາດຕະການ ຄວາມພະຍາຍາມ ທີ່ ຈະກຳນົດອັດຕາ ພາສີນິຕິບຸກຄົນຂັ້ນຕໍ່າ ທົ່ວໂລກ.
ຂປລ. ສຳນັກຂ່າວ ເອເອຟພີ ລາຍງານ ຈາກ ນະຄອນຫລວງ ມານາມາ ປະເທດ ບາເຣນ ເມື່ອບໍ່ດົນມານີ້ວ່າ: ສຳນັກຂ່າວ ບາເຣນ (ບີເອັນເອ) ລາຍງານ ວ່າ: ທາງການ ບາເຣນ ຈະເກັບພາສີກັບ ບໍລິສັດ ຕ່າງປະເທດ ຂະໜາດໃຫຍ່ ເປັນຄັ້ງທຳອິດ ສົ່ງຜົນໃຫ້ ປະເທດ ດຳເນີນ ມາດຕະການ ຄວາມພະຍາຍາມ ທີ່ ຈະກຳນົດອັດຕາ ພາສີນິຕິບຸກຄົນຂັ້ນຕໍ່າ ທົ່ວໂລກ.ມາດຕະການດັ່ງກ່າວ ຈະເລີ່ມມີຜົນ ບັງຄັບໃຊ້ ນັບແຕ່ ເດືອນມັງກອນປີ 2025 , ໂດຍ ຈະເລີ່ມເກັບພາສີຂັ້ນຕໍ່າ 15% ຈາກ ລາຍໄດ້ ຫລາຍກວ່າ 750 ລ້ານເອີໂຣ ພາຍໃນປະເທດ. ການເຄື່ອນໄຫວ ດັ່ງກ່າວ ຈະເຮັດໃຫ້ ບາເຣນ ມີຄວາມສອດຄ່ອງກັບ ມາດຕະຖານ ຂອງ ອົງການ ເພື່ອຄວາມຮ່ວມມື ແລະ ການພັດທະນາ ທາງເສດຖະກິດ (ໂອອີຊີດີ) ຊຶ່ງເປັນຜູ້ນໍາ ໃນການກຳນົດພາສີຂັ້ນຕໍ່າ 15% ທົ່ວໂລກ , ໂດຍມີ ປະເທດຕ່າງໆ ປະມານ 140 ປະເທດ ຮ່ວມເຫັນດີ ໃນຫລັກການ ດັ່ງກ່າວ ເມື່ອປີ 2021. /
KPL
