ຂປລ
, ໜ່ວຍງານ ຂອງ ສະຫະປະຊາຊາດ (ຢູເອັນ) ລາຍງານວ່າ ສົງຄາມ, ບັນຫາ ເສດຖະກິດ ແລະ ສະພາບ ອາກາດ ປ່ຽນແປງ ໄດ້ສົ່ງຜົນກະທົບ ຕໍ່ ຄວາມພະພຍາຍາມ ໃນການ ແກ້ໄຂ ບັນຫາ
ຂປລ. ສຳນັກຂ່າວ ເອເອຟພີ ລາຍງານ ຈາກ ນະຄອນຫລວງ ປາຣີ ປະເທດຝຣ່ັງ ເມື່ອວັນທີ 25 ກໍລະກົດ, ໜ່ວຍງານ ຂອງ ສະຫະປະຊາຊາດ (ຢູເອັນ) ລາຍງານວ່າ ສົງຄາມ, ບັນຫາ ເສດຖະກິດ ແລະ ສະພາບ ອາກາດ ປ່ຽນແປງ ໄດ້ສົ່ງຜົນກະທົບ ຕໍ່ ຄວາມພະພຍາຍາມ ໃນການ ແກ້ໄຂ ບັນຫາ ຄວາມທຸກຍາກ ອຶດຫີວ ເມື່ອປີ 2023 ຜ່ານມາ, ຊື່ງ ສ້າງຄວາມ ເດືອນຮ້ອນ ຕໍ່ ປະຊາກອນ ປະມານ 733 ລ້ານຄົນ ກວມເອົາ 9% ຂອງ ປະຊາກອນ ທີ່ ໄດ້ຮັບຜົນກະທົບ.
ຍ້ອນຄວາມ ຂັດແຍ້ງ, ຄວາມຫຍຸ້ງຍາກ ທາງດ້ານ ເສດຖະກິດ ແລະ ສະພາບອາກາດ ປ່ຽນແປງ ໄດ້ທຳລາຍຄວາມ ພະຍາຍາມ ໃນການ ຄວບຄຸມ ໄພອຶດຫີວ ໃນໄລຍະ ເວລາ 3 ປີ ຜ່ານມາ ຫລັງຈາກ ການແພ່ລະບາດຂອງ ພະຍາດ ໂຄວິດ-19, ຄວາມອຶດຫີວ ໄດ້ສົ່ງຜົນກະທົບ ຕໍ່ປະຊາກອນ 1 ໃນ 5 ຂອງປະເທດ ອາຟຣິກາ, ໃນຂະນະທີ່ ຄ່າສະເລ່ຍ ທົ່ວໂລກ ຢູ່ທີ 1 ໃນ 11 ໃນພື້ນທີ່ ອາເມລິກາ ແລະ ກາຣາອິບ. ນອກນີ້ ເປົ້າໝາຍ ການການຊຸກຍູ້ ເຂົ້າເຖິງ ອາຫານ ໃຫ້ພຽງພໍ ສຳລັບ ທຸກຄົນ ກໍ່ຢຸດຈຶ້ງເຊັ່ນກັນ. ໃນຂະນະທີ່ ຄວາມບໍ່ໝັ້ນຄົງ ດ້ານອາຫານ ໃນລະດັບ ປານກາງ ຫລື ຮຸນແຮງ ໄດ້ສົ່ງຜົນກະທົບ ຕໍ່ຜູ້ຄົນ ປະມານ 2.330 ລ້ານຄົນ ໃນປີກາຍ ຫລື ເກືອບ 29% ຂອງ ປະຊາກອນໂລກ. /
KPL
