ຂປລ
ເຈົ້າໜ້າທີ່ ເອທີໂອປີ ລາຍງານ ຄວາມຄືບໜ້າ ກ່ຽວກັບ ເຫດດິນເຈື່ອນ ໃນເຂດ ໂກຟາ ທາງພາກພື້ນ ເຊົາເອທິໂອປີ ຫລື ເອທີໂອປີໃຕ້ ທາງຕອນໃຕ້ ຂອງ ເອທິໂອປີ ວ່າ ຍອດຈໍານວນ ຜູ້ເສຍຊີວິດ ໄດ້ເພີ່ມຂຶ້ນເປັນ 500 ກວ່າຄົນ
ຂປລ. ສຳນັກຂ່າວ ຕ່າງປະເທດ ລາຍງານ ຈາກ ນະຄອນຫລວງ ອັດດິດ-ອາເບຢາ ປະເທດ ເອທິໂອປິີເມື່ອວັນທີ 26 ກໍລະກົດ ເຈົ້າໜ້າທີ່ ເອທີໂອປີລາຍງານ ຄວາມຄືບໜ້າ ກ່ຽວກັບ ເຫດດິນເຈື່ອນ ໃນເຂດ ໂກຟາ ທາງພາກພື້ນ ເຊົາເອທິໂອປີ ຫລື ເອທີໂອປີໃຕ້ ທາງຕອນໃຕ້ ຂອງ ເອທິໂອປີ ວ່າ ຍອດຈໍານວນ ຜູ້ເສຍຊີວິດ ໄດ້ເພີ່ມຂຶ້ນເປັນ 500 ກວ່າຄົນ, ສູນຫາຍອີກ ຢ່າງຫລວງຫລາຍ ແລະ ສົ່ງຜົນກະທົບຕໍ່ ປະຊາຊົນ ຫລາຍກວ່າ 15.000 ຄົນ , ໃນຂະນະທີ່ ການສົ່ງມອບ ຄວາມຊ່ວຍເຫລືອ ຍັງມີຄວາມຫຍຸ້ງລຳບາກ ແລະ ຊັກຊ້າ ເນື່ອງຈາກ ພື້ນທີ່ ເກີດເຫດ ເປັນເຂດ ທຸລະກັນດານ, ຫ່າງຈາກ ນະຄອນຫລວງ ອັດດິດ-ອາເບຢາ ປະມານ 450 ກິໂລແມັດ ແລະ ຕ້ອງໃຊ້ ເວລາເດີນທາງ ປະມານ 10 ຊົ່ວໂມງ .
ນອກນັ້ນ, ທ່ານ ອາບີ ອາເໝັດ ອາລີ ນາຍົກລັດ ຖະມົນຕີ ເອທີໂອປີ ໄດ້ສະແດງ ຄວາມເສຍໃຈ ຢ່າງສູງໄປຍັງ ຄອບຄົວ ຂອງ ຜູ້ເສຍຊີວິດ ພ້ອມທັງ ກ່າວເນັ້ນ ໃຫ້ໜ່ວຍງານ ທຸກແຫ່ງ ທີ່ກ່ຽວຂ້ອງ ເລັ່ງໃຫ້ຄວາມຊ່ວຍເຫລືອ ປະຊາຊົນ ທຸກຄົນ ທີ່ໄດ້ຮັບຜົນກະທົບ ໃນຄັ້ງນີ້ດ້ວຍ. /
KPL
