ຂປລ
ຂປລ. ເມື່ອບໍ່ດົນມານີ້, ສະຖານເອກອັກຄະລັດຖະທູດລາວ ປະຈຳ ສສ ຫວຽດນາມ ຈັດກອງປະຊຸມ ສະຫລຸບວຽກງານ ການຄຸ້ມຄອງການສຶກສາລາວ ສົກປີ 2023-2024 ແລະ ວາງທິດທາງແຜນການ ສົກປີ 2024-2025 ຢູ່ໂຮງຮຽນມະຫາວິທະຍາໄລ ກິວລອງ ແຂວງຫວິງລອງ ສສ ຫວຽດນາມ ໂດຍມີ ທ່ານ ສຳລານ ພັນຄະວົງ ຮອງລັດຖະມົນຕີກະຊວງສຶກສາທິການ ແລະ ກິລາ ແຫ່ງ ສປປ ລາວ, ທ່ານ ຄຳຕັນ ສົມວົງ ທີ່ປຶກສາສຶກສາ-ວັດທະນະທຳ ສະຖານທູດລາວ ປະຈຳ ສສ ຫວຽດນາມ, ທ່ານ ຫງວຽນ ວັນຟຸກ ຮອງລັດຖະມົນຕີກະຊວງສຶກສາ ແລະ ກໍ່ສ້າງພະນັກງານຫວຽດນາມ, ທ່ານ ຫງວຽນ ທິກວຽນແທັກ ຮອງປະທານສະພາປະຊາຊົນແຂວງຫວິງລອງ, ມີຜູ້ອຳນວຍການໂຮງຮຽນມະຫາວິທະຍາໄລ ກິວລອງ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ຂປລ. ເມື່ອບໍ່ດົນມານີ້, ສະຖານເອກອັກຄະລັດຖະທູດລາວ ປະຈຳ ສສ ຫວຽດນາມ ຈັດກອງປະຊຸມ ສະຫລຸບວຽກງານ ການຄຸ້ມຄອງການສຶກສາລາວ ສົກປີ 2023-2024 ແລະ ວາງທິດທາງແຜນການ ສົກປີ 2024-2025 ຢູ່ໂຮງຮຽນມະຫາວິທະຍາໄລ ກິວລອງ ແຂວງຫວິງລອງ ສສ ຫວຽດນາມ ໂດຍມີ ທ່ານ ສຳລານ ພັນຄະວົງ ຮອງລັດຖະມົນຕີກະຊວງສຶກສາທິການ ແລະ ກິລາ ແຫ່ງ ສປປ ລາວ, ທ່ານ ຄຳຕັນ ສົມວົງ ທີ່ປຶກສາສຶກສາ-ວັດທະນະທຳ ສະຖານທູດລາວ ປະຈຳ ສສ ຫວຽດນາມ, ທ່ານ ຫງວຽນ ວັນຟຸກ ຮອງລັດຖະມົນຕີກະຊວງສຶກສາ ແລະ ກໍ່ສ້າງພະນັກງານຫວຽດນາມ, ທ່ານ ຫງວຽນ ທິກວຽນແທັກ ຮອງປະທານສະພາປະຊາຊົນແຂວງຫວິງລອງ, ມີຜູ້ອຳນວຍການໂຮງຮຽນມະຫາວິທະຍາໄລ ກິວລອງ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ກອງປະຊຸມຄັ້ງນີ້, ໄດ້ສະຫລຸບ, ຕີລາຄາຄືນສະພາບການຄຸ້ມຄອງ, ການເຄື່ອນໄຫວ ແລະ ການ ຮໍ່າຮຽນຂອງນັກສຶກສາລາວ ທີ່ກຳລັງສຶກສາຮ່ຳຮຽນ ຢູ່ຕາມສະຖານການສຶກສາຕ່າງໆ ທົ່ວປະເທດ ສສຫວຽດນາມ ໃນສົກປີ 2023-2024 ທີ່ຜ່ານມາ ແລະ ກຳນົດທິດທາງແຜນການເຄື່ອນໄຫວ ໃນສົກປີ2024-2025 ເຊິ່ງເປັນສົກຮຽນທີ່ມີຄວາມໝາຍສຳຄັນ ເພື່ອສືບຕໍ່ຈັດຕັ້ງຜັນຂະຫຍາຍ ໂຄງການຍົກສູງຄຸນນະພາບ ແລະ ປະສິດທິຜົນໃນການຮ່ວມມືລາວ-ຫວຽດນາມ, ຫວຽດນາມ-ລາວ ໃນຂົງເຂດການສຶກສາ ແລະ ພັດທະນາຊັບພະຍາກອນມະນຸດ ໃນແຕ່ໄລຍະ ຂອງກະຊວງສຶກສາທິການ ແລະ ກິລາຂອງລາວ ແລະ ກະຊວງສຶກສາ ແລະ ກໍ່ສ້າງພະນັກງານຂອງຫວຽດນາມ.
ໃນສົກປີ 2023-2024 ມີນັກຮຽນ, ນັກສຶກສາລາວທີ່ກຳລັງສຶກສາຮ່ຳຮຽນຢູ່ ສສ ຫວຽດນາມ ທັງໝົດ 10.190 ຄົນ, ຍິງ 4.277 ຄົນ. ໃນນັ້ນ, ສາຍປົກຄອງມີ 8.478 ຄົນ, ຍິງ 3.911 ຄົນ; ສາຍປ້ອງກກັນຄວາມສະຫງົບ 827 ຄົນ, ຍິງ 335 ຄົນ ແລະ ປ້ອງກັນຊາດ 885 ຄົນ, ຍິງ 31 ຄົນ; ທຶນລັດຖະບານມີ 3.417 ຄົນ, ຍິງ 1.431 ຄົນ; ທຶນຮ່ວມມືລະຫວ່າງແຂວງ 4.244 ຄົນ, ຍິງ 2.221 ຄົນ; ທຶນສ່ວນຕົວ 1.058 ຄົນ, ຍິງ 561 ຄົນ ແລະ ຜູ້ໃຫ້ທຶນອື່ນໆ 141 ຄົນ, ຍິງ 64 ຄົນ. ສຳເລັດການສຶກສາ ແລະ ກັບຄືນປະເທດທັງໝົດ 476 ຄົນ, ຍິງ 256 ຄົນ.
ຂ່າວ-ພາບ: ສະຖານທູດລາວ ປະຈຳຫວຽດນາມ
KPL
