ຂປລ
ອົງການ ພະລັງງານສາກົນ (IEA) ໄດ້ສະເໜີໃຫ້ປ່ອຍປະລິມານນ້ຳມັນສຳຮອງໃຫ້ຫລາຍສຸດ ໃນປະຫວັດສາດ ເພື່ອແນໃສ່ ຫລຸດຜ່ອນ ລາຄາ ນ້ຳມັນ ທີ່ພວມເພີ່ມຂຶ້ນ ຢ່າງຫລວງຫລາຍ. ຍ້ອນຄວາມເຄັ່ງຕຶງ ຂອງ ການປະທະກັນ ຢູ່ເຂດຕາເວັນອອກກາງ.
ຂປລ.ວິທະຍຸກະຈາຍສຽງ ຫວຽດນາມ ລາຍງານວ່າ: ອົງການ ພະລັງງານສາກົນ (IEA) ໄດ້ສະເໜີໃຫ້ປ່ອຍປະລິມານນ້ຳມັນສຳຮອງໃຫ້ຫລາຍສຸດ ໃນປະຫວັດສາດ ເພື່ອແນໃສ່ ຫລຸດຜ່ອນ ລາຄາ ນ້ຳມັນ ທີ່ພວມເພີ່ມຂຶ້ນ ຢ່າງຫລວງຫລາຍ. ຍ້ອນຄວາມເຄັ່ງຕຶງ ຂອງ ການປະທະກັນ ຢູ່ເຂດຕາເວັນອອກກາງ.
ໂດຍແຫລ່ງຂ່າວ ດັ່ງກ່າວ ໃຫ້ຮູ້ວ່າ ປະລິມານນ້ຳມັນ ສຳຮອງ ຄາດວ່າ ຈະໄດ້ປ່ອຍອອກ ໄປສູ່ ຕະຫລາດຫລາຍເຖິງ 182 ລ້ານຖັງ, ລື່ນກາຍ ຕົວເລກ ທີ່ ບັນດາປະເທດ ສະມາຊິກ IEA ໄດ້ຂາຍອອກ ໄປສູ່ຕະຫລາດ ເມື່ອປີ 2022 ພາຍຫລັງ ທີ່ ຣັດເຊຍ ຜັນຂະຫຍາຍ ບັ້ນການທະຫານ ຢູ່ ອູແກຣນ. ຂໍ້ສະເໜີນີ້ ໄດ້ຍົກອອກ ມາໃນການຖະແຫລງຂ່າວດ່ວນ ຂອງ 32 ປະເທດ ສະມາຊິກ IEA ກັບ ກຸ່ມບັນດາປະເທດ ອຸດສາຫະກຳ ພັດທະນາ ແຖວໜ້າໂລກ (G7) ເມື່ອວັນທີ 10 ມີນາ ແລະ ຄຳຕັດສິນ ສຸດທ້າຍ ຈະໄດ້ປະກາດ ໃນວັນທີ 11 ມີນາ. ປັດຈຸບັນ, ອົງການ IEA ໄດ້ສະສົມນ້ຳມັນສຳຮອງ ຫລາຍກວ່າ 1,2 ຕື້ຖັງ ແລະ ປະມານ 600 ລ້ານຖັງ ໂດຍວິສາຫະກິດ ຄຸ້ມຄອງ ຕາມຄຳສັ່ງຂອງລັດຖະບານ. /
KPL
