ຂປລ
ປະເທດ ບຣາຊິນ ຫລືຊື່ທາງການວ່າ: ສະຫະພັນ ສາທາລະນະລັດ ບຣາຊິນ (Federal Republic of Brazil) , ມີນະຄອນຫລວງ ຊື່ວ່າ: ບຼາຊີເລັຍ; ເປັນປະເທດ ທີ່ໃຫຍ່ທີ່ສຸດ ທັງໃນທະວີບ ອາເມລິກາໃຕ້ ແລະ ພາກພື້ນ ອາເມລິກາ ລາຕິນ, ດ້ວຍເນື້ອທີ່ 8,5 ລ້ານກິໂລຕາແມັດ; ມີອານາເຂດ ທິດເໜືອຕິດກັບ ເວເນຊູເອລາ; ທິດຕາເວັນຕົກ ຕິດກັບ ໂບລີວີ ແລະ ເປຣູ; ທິດຕາເວັນອອກຕິດກັບ ມະຫາສະໝຸດ ອັດລັງຕິກເໜືອ ແລະ ມະຫາສະໝຸດ ອັດລັງຕິກໃຕ້;
ປະເທດ ບຣາຊິນ ຫລືຊື່ທາງການວ່າ: ສະຫະພັນ ສາທາລະນະລັດ ບຣາຊິນ (Federal Republic of Brazil) , ມີນະຄອນຫລວງ ຊື່ວ່າ: ບຼາຊີເລັຍ; ເປັນປະເທດ ທີ່ໃຫຍ່ທີ່ສຸດ ທັງໃນທະວີບ ອາເມລິກາໃຕ້ ແລະ ພາກພື້ນ ອາເມລິກາ ລາຕິນ, ດ້ວຍເນື້ອທີ່ 8,5 ລ້ານກິໂລຕາແມັດ; ມີອານາເຂດ ທິດເໜືອຕິດກັບ ເວເນຊູເອລາ; ທິດຕາເວັນຕົກ ຕິດກັບ ໂບລີວີ ແລະ ເປຣູ; ທິດຕາເວັນອອກຕິດກັບ ມະຫາສະໝຸດ ອັດລັງຕິກເໜືອ ແລະ ມະຫາສະໝຸດ ອັດລັງຕິກໃຕ້; ທິດໃຕ້ຕິດກັບ ອຸຣຸກວາຍ; ທິດຕາເວັນຕົກ ສຽງເໜືອຕິດກັບ ໂກໂລມບີ ແລະ ທິດຕາເວັນຕົກ ສຽງໃຕ້ ຕິດກັບ ອາກຊັງຕິນ ແລະ ປຣາກວາຍ. ບຣາຊິນ ມີປະຊາກອນ 215,3 ລ້ານຄົນ (ໃນປີ2022) ຈຶ່ງເປັນປະເທດ ທີ່ມີເນື້ອທີ່ ຫລາຍທີ່ສຸດ ອັນດັບ 5 ແລະ ມີປະຊາກອນ ຫລາຍທີ່ສຸດ ອັນດັບ 6 ຂອງໂລກ. ໃຊ້ພາສາ ປອກຕຸຍການ ເປັນພາສາທາງການ; ນັບຖືສາສະໜາ ຄຣີສນິກາຍ ໂຣມັນຄາທໍລິກ 50%, ສາສະໜາ ຄຣີສນິກາຍ ໂປຣເຕສ ແຕນ 31% ແລະ ສາສະໜາອື່ນໆ; ໃຊ້ສະກຸນເງິນ ເຮອັລ(real/BRL). ສ່ວນວັນຊາດແມ່ນ ວັນທີ 7 ກັນຍາ. ປະເທດ ບຣາຊິນ ແລະ ປະເທດ ສປປລາວ ໄດ້ສ້າງຕັ້ງສາຍພົວພັນ ທາງການ ທູດຮ່ວມກັນ ນັບແຕ່ວັນທີ 12.6.1995 ເປັນຕົ້ນມາ ຫລັງຈາກນັ້ນ ສອງປະເທດ ກໍໄດ້ຮ່ວມມືກັນ ພັດທະນາເສີມສ້າງ ສາຍພົວພັນຂອງສອງຝ່າຍໃຫ້ນັບມື້ ຂະຫຍາຍຕົວຂື້ນ ເລື້ອຍໆ.
ບຣາຊິນ ເປັນປະເທດ ທີ່ມີເສດຖະກິດ ຂະໜາດໃຫຍ່ ເປັນອັນດັບທີ 11 ຂອງໂລກ, ເປັນຜູ້ສົ່ງອອກ ສິນຄ້າ ກະສິກຳລາຍໃຫຍ່ ຂອງໂລກໄດ້ແກ່: ຖົ່ວເຫລືອງ, ນໍ້າຕານ, ຊິ້ນງົວ, ກາເຟ. ລວມທັງເປັນແຫລ່ງ ອຸດສາຫະກຳ ຍານພາຫະນະ ທີ່ສຳຄັນ ຂອງອາເມລິກາລາຕິນ.ໂດຍລວມຍອດ ຜະລິດຕະພັນ ພາຍໃນປະເທດ (GDP) 2,12 ພັນຕື້ ໂດລາສະຫະລັດ(ໃນປີ 2023); ລາຍໄດ້ສະເລ່ຍ ຕໍ່ຫົວຄົນ 10 ພັນກວ່າໂດລາ ສະຫະລັດຕໍ່ປີ; ອັດຕາການຈະເລີນເຕີບໂຕ ທາງເສດຖະກິດ 2,6% ຕໍ່ປີ. ມູນຄ່າການ ສົ່ງອອກສິນຄ້າ 308.800 ລ້ານໂດລາ ສະຫະລັດ; ສິນຄ້າທີ່ສົ່ງອອກ ປະເພດ ເຄື່ອງອາໄຫລ່ລົດ, ແຮ່ເຫລັກ , ຖົ່ວເຫລືອງ, ກາເຟ ແລະ ລົດໃຫຍ່. ມູນຄ່າການ ນໍາເຂົ້າ 250.800 ລ້ານໂດລາ ສະຫະລັດ , ສິນຄ້າປະເພດ ເຄື່ອງກົນຈັກ, ອຸປະກອນ ເອເລັກໂຕຣນິກ, ຊິ້ນສ່ວນຜະລິດຕະພັນ ເຄມີ, ນໍ້າມັນ, ເຄື່ອງໃຊ້ໄຟຟ້າ. ສ່ວນປະເທດ ຄູ່ການຄ້າ ທີ່ສຳຄັນເຊັ່ນ: ສປຈີນ, ສ.ອາເມລິກາ, ອາກຊັງຕິນ,ໂຮນລັງ, ຊີເລ, ສິງກະໂປ, ເຢຍລະມັນ, ອິຍເດຍ ແລະ ຣັດເຊຍ ຕາມລຳດັບ.
ນອກຈາກນີ້ ບຣາຊິນ ຍັງມີສະຖານທີ່ທ່ອງທ່ຽວ ທີ່ສວຍງານ ຫລາຍແຫ່ງ ຕິດອັນດັບໂລກເຊັ່ນກັນເປັນຕົ້ນແມ່ນ: ທ່ຽວຊົມຮູບັ້ນພະເຍຊູ ຄຣີສ(Christ the Redeemer Christ the Redeemer) ທີ່ມີຂະໜາດໃຫຍ່ ແລະ ມີຊື່ສຽງ ຫລາຍທີ່ສຸດໃນໂລກ, ເປັນໜຶ້ງໃນ 7 ສິ່ງມະຫັດສະຈັນ ຂອງຍຸດໃໝ່ ຕັ້ງຢູ່ເທິງຍອດພູ ສູງໃຈກາງເມືອງຣີ; ທ່ຽວຍອດພູຊູກາຣໂລຟ(Sugarloaf Mountain) ພູມະຫັດສະຈັນ ເປັນອີກໜຶ່ງ ຈຸດໝາຍປາຍທາງ ຍອດນິຍົມ ຂອງນັກທ່ອງທ່ຽວ ຕັ້ງຢູ່ກາງອ່າວ ກົວນາບາຣ່າ ເມືອງຣີໂອເດີ ຈາເນໂຣ ມີຄວາມສູງ 1.300 ແມັດ; ນອກນີ້ ຍັງມີ ຊາຍຫາດ, ນໍ້າຕົກຕາດ, ພູຜາປ່າດົງ ທີ່ສວຍສົດງົດງາມ ອີກຫລາຍແຫ່ງ ອີກດ້ວຍ.
ໂດຍ:ດາວັນ
KPL
